Proverbios 13:19 - Li Santil hu

¹⁹ Eb li us nequeꞌel riqꞌuin li cꞌaꞌru nequeꞌxcꞌoxla xba̱nunquil nasahoꞌ saꞌ xchꞌo̱leb. Abanan eb li ma̱cꞌaꞌeb xnaꞌleb incꞌaꞌ nequeꞌxcuy cua̱nc chi incꞌaꞌ teꞌxba̱nu li ma̱usilal.

Q'eqchi Bible

¹⁹ K'ajo' li sahil ch'oolej naq naqak'ul li qoyb'enihom! Eb' li maak'a' xna'leb' ink'a' neke'raj xkanab'ankil li ink'a' us.

Proverbios 13:19 ပူးပေါင်းရင်းမြစ်များ

Proverbios 29:27

Eb li ti̱queb xchꞌo̱l xicꞌ nequeꞌril li incꞌaꞌ us. Abanan li incꞌaꞌ useb xnaꞌleb xicꞌ nequeꞌril li ti̱quil chꞌo̱lej.

Proverbios 13:12

Li ani incꞌaꞌ naxcꞌul li cꞌaꞌru naroybeni narahoꞌ xchꞌo̱l. Abanan eb li nequeꞌxcꞌul li cꞌaꞌru nequeꞌroybeni nasahoꞌ saꞌ xchꞌo̱leb.

2 Timoteo 2:19

Abanan lix ya̱lal qꞌuebil ke xban li Dios incꞌaꞌ naru najalman ru. Joꞌcaꞌin tzꞌi̱banbil saꞌ li Santil Hu: li Dios naxnau ruheb li ralal xcꞌajol, ut chixjunileb li teꞌxcꞌabaꞌin xcꞌabaꞌ li Ka̱cuaꞌ, tento nak teꞌxcanab chi junaj cua li ma̱usilal.

Proverbios 16:17

Li cꞌaꞌru nequeꞌxba̱nu li ti̱queb xchꞌo̱l, aꞌan xcanabanquil li ma̱usilal. Ut nequeꞌxqꞌue retal chi us li cꞌaꞌru nequeꞌxba̱nu re nak teꞌxcol rix lix yuꞌameb.

Cantares 3:4

Tojeꞌ ajcuiꞌ tine̱lk riqꞌuineb nak quintau li narahoc cue. Quinchap chi rukꞌ ut incꞌaꞌ chic quicuachꞌab toj retal quincꞌam saꞌ rochoch lin naꞌ.

Proverbios 16:6

Riqꞌuin xba̱nunquil li ya̱l ut li cha̱bilal naru nacuyeꞌ li ma̱c. Ut riqꞌuin xqꞌuebal xlokꞌal li Ka̱cuaꞌ naru xcanabanquil li ma̱usilal.

Proverbios 3:7

Me̱cꞌoxla nak kꞌaxal cuan e̱naꞌleb e̱junes e̱rib. Chexucua̱k ban ru li Ka̱cuaꞌ ut canabomak xba̱nunquil li incꞌaꞌ us.

Salmos 34:14

Me̱ba̱nu chic li ma̱usilal. Cheba̱nuhak ban li us ut cheqꞌuehak e̱chꞌo̱l chi cua̱nc saꞌ tuktu̱quil usilal.

Li xHu LAJ JOB 28:28

Ut quixye reheb li cristian, “Li ani cuan xnaꞌleb, aꞌan li nacꞌanjelac chicuu chi tzꞌakal. Ut li ani se̱b xchꞌo̱l, aꞌan li naxcanab xba̱nunquil li ma̱usilal,” chan li Dios.—

1 Reyes 1:48

Li rey David quixye, “Lokꞌoninbil taxak li Ka̱cuaꞌ lix Dioseb laj Israel. Anakcuan la̱in xcuil nak li Ka̱cuaꞌ xxakab chokꞌ rey jun reheb li cualal incꞌajol chokꞌ cue̱kaj,” chan laj Jonatán.

Salmos 37:27

Canabomak xba̱nunquil li incꞌaꞌ us. Cheba̱nuhak ban li us. Ut ta̱cua̱nk jun e̱naꞌaj re texcua̱nk cuiꞌ chi junelic.

Proverbios 13:18

Li ani incꞌaꞌ naxqꞌue saꞌ xchꞌo̱l lix kꞌusbal tixcꞌut xxuta̱n ut ta̱cana̱k saꞌ nebaꞌil. Abanan li ani tixqꞌue saꞌ xchꞌo̱l lix kꞌusbal, ta̱qꞌuehekꞌ xlokꞌal.

Proverbios 13:20

Li ani naxcꞌam rib riqꞌuineb li cuanqueb xnaꞌleb ta̱cua̱nk xnaꞌleb. Ut li ani tixcꞌam rib riqꞌuineb li ma̱cꞌaꞌeb xnaꞌleb ta̱sachk.

Proverbios 29:10

Eb laj camsinel ras ri̱tzꞌin xicꞌ nequeꞌril li ti̱queb xchꞌo̱l. Abanan eb li ti̱queb xchꞌo̱l nequeꞌxsicꞌ xya̱lal chanru nak teꞌcua̱nk saꞌ xya̱lal riqꞌuineb.