Proverbios 13:15 - Li Santil hu

¹⁵ Li ani naxnau cꞌoxlac ta̱qꞌuehekꞌ xlokꞌal. Ut eb li nequeꞌxba̱nu li ma̱usilal incꞌaꞌ us nequeꞌel.

Q'eqchi Bible

¹⁵ Li nak'ehok na'leb', taak'ehe'q xloq'al; a'ut eb' laj b'alaq' ink'a' us te'elq.

Proverbios 13:15 ပူးပေါင်းရင်းမြစ်များ

Proverbios 4:19

Abanan eb li incꞌaꞌ useb xnaꞌleb cuanqueb saꞌ xkꞌojyi̱nal ru li ma̱c xban li ma̱usilal nequeꞌxba̱nu. Moco teꞌxnau ta cꞌaꞌru ta̱cha̱lk saꞌ xbe̱neb.

Jeremías 2:19

Xebok raylal saꞌ e̱be̱n xban li ma̱usilal queba̱nu. Li incꞌaꞌ us li queba̱nu texqꞌue chixtojbal le̱ ma̱c. Anakcuan te̱qꞌue retal li raylal quebok saꞌ e̱be̱n nak quine̱tzꞌekta̱na, ut quecanab xxucuanquil cuu, la̱in li Ka̱cuaꞌ le̱ Dios, chan li Ka̱cuaꞌ li nimajcual Dios.

Proverbios 3:4

Cui te̱ba̱nu aꞌin, sahak xchꞌo̱l li Dios e̱riqꞌuin ut cha̱bilak e̱resilal chiruheb li cristian.

Salmos 111:10

Li ani ta̱raj ta̱cua̱nk xnaꞌleb, tento nak tixxucua ru li Dios. Li Ka̱cuaꞌ naxqꞌue xnaꞌlebeb chixjunileb li nequeꞌxba̱nu li cꞌaꞌru naxye lix chakꞌrab. Lokꞌoninbil taxak li Ka̱cuaꞌ chi junelic kꞌe cutan.

Romanos 6:21

¿Cꞌaꞌru le̱ kꞌajca̱munquil xecꞌul nak xeba̱nu chak li ma̱usilal? Ma̱cꞌaꞌ. Caꞌaj cuiꞌ xecꞌut chak e̱xuta̱n. Li cꞌaꞌru naxqꞌue li ma̱c, aꞌan li ca̱mc.

Hechos 7:10

Ut aꞌan quitenkꞌan re chixcuybal li raylal li quixcꞌul. Quirosobtesi ut quixqꞌue xnaꞌleb. Ut laj faraón li acuabej aran Egipto quixqꞌue retal nak laj José cuan xnaꞌleb ut quixxakab chi takla̱nc saꞌ xbe̱n li tenamit ut saꞌ xbe̱neb ajcuiꞌ li cuanqueb saꞌ li rochoch.

Proverbios 15:10

Li nequeꞌxcanab xba̱nunquil li us tento xkꞌusbaleb chi cau. Li ani xicꞌ naril lix kꞌusbal ta̱ca̱mk.

San Lucas 2:52

Li Jesús yo̱ chi qꞌui̱c ut yo̱ ajcuiꞌ chixtaubal xnaꞌleb. Quiraheꞌ xban li Dios ut quiraheꞌ ajcuiꞌ xbaneb li tenamit.

Proverbios 14:35

Junak li rey nasahoꞌ xchꞌo̱l riqꞌuin li mo̱s li cha̱bil xnaꞌleb. Abanan najoskꞌoꞌ riqꞌuin li mo̱s li yibru xnaꞌleb.