Proverbios 13:14 - Li Santil hu

¹⁴ Li ani cuan xnaꞌleb naxqꞌue cha̱bil naꞌleb ut li a̱tin li naxye naxqꞌue xyuꞌam li ani naqꞌueheꞌ xnaꞌleb. Ut li ani naqꞌueheꞌ xnaꞌleb nacoleꞌ chiru lix cuanquil li ca̱mc.

Q'eqchi Bible

¹⁴ Li xk'utum li ani wank xna'leb', a'an yu'am ut nakolok chiru li kamk.

Proverbios 13:14 ပူးပေါင်းရင်းမြစ်များ

Proverbios 10:11

Li a̱tin li naxye li ti̱c xchꞌo̱l, aꞌan natenkꞌan re li junju̱nk chixtaubal li cha̱bil yuꞌam. Abanan li incꞌaꞌ useb xnaꞌleb mem teꞌcana̱k nak ta̱cha̱lk li raylal saꞌ xbe̱neb.

Salmos 18:5

Chanchan nak bacꞌbo̱quin ut ac xchal li ca̱mc saꞌ inbe̱n. Chanchan nak ac xintꞌaneꞌ saꞌ li raꞌal xban nak ac xeꞌxcꞌu̱b chanru nak tineꞌxcamsi.

Proverbios 14:27

Li ani naxxucua ru li Dios naxtau xyuꞌam chi junelic ut nacoleꞌ chiru lix cuanquil li ca̱mc.

Proverbios 16:17

Li cꞌaꞌru nequeꞌxba̱nu li ti̱queb xchꞌo̱l, aꞌan xcanabanquil li ma̱usilal. Ut nequeꞌxqꞌue retal chi us li cꞌaꞌru nequeꞌxba̱nu re nak teꞌxcol rix lix yuꞌameb.

Salmos 116:3

Cꞌajoꞌ inxiu ut kꞌaxal ra cuanquin. Ca̱mc cue ut ma̱ bar naru nincol cuib. Chanchan nak ac xin-oc saꞌ li jul xban li raylal li yo̱quin chixcꞌulbal.

Proverbios 16:22

Li ani cuan xnaꞌleb naxtau xyuꞌam chi junelic. Ut xqꞌuebal xnaꞌlebeb li incꞌaꞌ nequeꞌxtau xya̱lal, aꞌan ma̱cꞌaꞌ aj e.

Proverbios 16:6

Riqꞌuin xba̱nunquil li ya̱l ut li cha̱bilal naru nacuyeꞌ li ma̱c. Ut riqꞌuin xqꞌuebal xlokꞌal li Ka̱cuaꞌ naru xcanabanquil li ma̱usilal.

Proverbios 15:24

Li ani naxnau cꞌoxlac ta̱xic saꞌ choxa xban nak cuan saꞌ ti̱quilal. Ut tixcol rib chiru lix naꞌajeb li camenak.

Proverbios 9:11

Cui cha̱bil la̱ naꞌleb ta̱najtokꞌ ru la̱ yuꞌam saꞌ ruchichꞌochꞌ.

1 Samuel 25:33

Ut osobtesinbilat taxak xban li Dios xban nak xanau xcꞌoxlanquil chanru ta̱ba̱nu. Xaram chicuu re nak incꞌaꞌ tincamsiheb li cristian chi ma̱cꞌaꞌ rajbal ut re ajcuiꞌ nak incꞌaꞌ tinqꞌue re̱kaj li ma̱usilal joꞌ xcuaj la̱in.