Proverbios 13:12 - Li Santil hu

¹² Li ani incꞌaꞌ naxcꞌul li cꞌaꞌru naroybeni narahoꞌ xchꞌo̱l. Abanan eb li nequeꞌxcꞌul li cꞌaꞌru nequeꞌroybeni nasahoꞌ saꞌ xchꞌo̱leb.

Q'eqchi Bible

¹² Li ink'a' naxk'ul li k'aru naroyb'eni, naraho'k xch'ool. Ab'an k'ajo' li sahil ch'oolej naq naqak'ul li qoyb'enihom!

Proverbios 13:12 ပူးပေါင်းရင်းမြစ်များ

San Juan 16:22

Joꞌcan ajcuiꞌ la̱ex. Anakcuan ra saꞌ e̱chꞌo̱l. Abanan nak te̱ril cuiꞌchic cuu, ta̱sahokꞌ saꞌ e̱chꞌo̱l. Ut ma̱ ani ta̱isi̱nk che̱ru lix sahil e̱chꞌo̱l.

Proverbios 13:19

Eb li us nequeꞌel riqꞌuin li cꞌaꞌru nequeꞌxcꞌoxla xba̱nunquil nasahoꞌ saꞌ xchꞌo̱leb. Abanan eb li ma̱cꞌaꞌeb xnaꞌleb incꞌaꞌ nequeꞌxcuy cua̱nc chi incꞌaꞌ teꞌxba̱nu li ma̱usilal.

Proverbios 3:18

Cui cuan e̱naꞌleb, naru nacuan e̱yuꞌam chi junelic. Us xak re li ani naxnau xxocbal saꞌ xchꞌo̱l li naꞌleb aꞌin.

Salmos 17:15

Aban la̱in xban nak ti̱c inchꞌo̱l, tincuil a̱cuu chi tzꞌakal. Ut ta̱sahokꞌ inchꞌo̱l chi cua̱nc a̱cuiqꞌuin saꞌ choxa.

Proverbios 11:30

Li ti̱quilal naqꞌuehoc yuꞌam. Li ani cuan xnaꞌleb naxchꞌolob xya̱lal re nak jalaneb chic teꞌxtau li junelic yuꞌam.

Salmos 69:3

Xinlub chixtzꞌa̱manquil intenkꞌanquil ut xtzꞌap saꞌ incux xban nak japjo cue. Ut li xnakꞌ cuu incꞌaꞌ chic saken nequeꞌiloc xban li ya̱bac. Yo̱quin chiroybeninquil intenkꞌanquil a̱cuiqꞌuin la̱at, at inDios.

Salmos 143:7

At nimajcual Dios, chasume taxak chi junpa̱t li cꞌaꞌru yo̱quin chixtzꞌa̱manquil cha̱cuu xban nak nacuecꞌa nak osocꞌ cue. Cui incꞌaꞌ tina̱tenkꞌa, tinca̱mk.

Génesis 46:30

Ut laj Jacob quixye re laj José: —Anakcuan naru tinca̱mk xban nak xcuil la̱ cuu ut ya̱l nak toj yoꞌyo̱cat, chan.

Cantares 5:8

Ex tukꞌ ixk aj Jerusalén, nintzꞌa̱ma jun usilal che̱ru. Cui te̱ril ru li cui̱nk li ninra, yehomak re nak tincuaj ru ra̱tinanquil.

Apocalipsis 22:2

Li nimaꞌ aꞌan nanumeꞌ saꞌ xyi li tenamit. Chire li nimaꞌ xcaꞌ pacꞌalil cuan li cheꞌ retalil li junelic yuꞌam. Cablaju pa̱y li ru naxqꞌue ut rajlal po nau̱chin. Lix xak nacꞌanjelac re xqꞌuebal xcacuilaleb lix ni̱nkal ru tenamit.

Apocalipsis 2:7

Cui te̱raj xtaubal ru lix ya̱lal, cheqꞌuehak retal li naxye li Santil Musikꞌej reheb laj pa̱banel. Li ani tixcuy xnumsinquil chixjunil li raylal aꞌin ut incꞌaꞌ nachꞌinan xchꞌo̱l saꞌ lix pa̱ba̱l, la̱in tinqꞌue lix yuꞌam chi junelic. Ut aꞌan ta̱cua̱nk riqꞌuin li Dios chi junelic saꞌ lix santil naꞌaj, chan li Cꞌajolbej reheb laj Éfeso.

Proverbios 13:11

Li ani cuan xbiomal chi incꞌaꞌ xcꞌanjelac saꞌ junpa̱t ta̱osokꞌ chiru. Abanan li ani cau nacꞌanjelac naxchꞌutub chi caꞌchꞌinkil lix tumin toj retal nabiomoꞌ.

Proverbios 13:13

Li ani naxtzꞌekta̱na li chakꞌrab ta̱sachk. Abanan li ani naxqꞌue xcuanquil li chakꞌrab, aꞌan tixcꞌul xkꞌajca̱munquil.

Nehemías 2:2

Ut li rey quixye cue: —¿Cꞌaꞌut nak kꞌaxal ra saꞌ a̱chꞌo̱l? La̱at moco yajat ta. ¿Cꞌaꞌru na-oc a̱cue? Ma̱re cuan junak chꞌaꞌajquilal yo̱ cuiꞌ a̱cꞌaꞌux, chan. La̱in cꞌajoꞌ nak qui-oc inxiu nak quixye cue chi joꞌcan li rey.