Proverbios 13:11 - Li Santil hu

¹¹ Li ani cuan xbiomal chi incꞌaꞌ xcꞌanjelac saꞌ junpa̱t ta̱osokꞌ chiru. Abanan li ani cau nacꞌanjelac naxchꞌutub chi caꞌchꞌinkil lix tumin toj retal nabiomoꞌ.

Q'eqchi Bible

¹¹ Li b'ihomal li natawmank chi junpaat, sa' junpaat taa'oso'q; li ani naxch'utub' li xtumin chi timil timil, taab'ihomo'q.

Proverbios 13:11 ပူးပေါင်းရင်းမြစ်များ

Proverbios 20:21

Li ani naxtau lix biomal saꞌ junpa̱t chi incꞌaꞌ xraylal, mokon incꞌaꞌ ta̱osobtesi̱k.

Proverbios 10:2

Li ani naxtau xbiomal riqꞌuin balakꞌic, ma̱cꞌaꞌ na-oc cuiꞌ lix biomal. Abanan li ani nacuan saꞌ ti̱quilal naxcol rix lix yuꞌam.

Proverbios 28:8

Li ani yo̱ chixtu̱banquil lix biomal riqꞌuin xpatzꞌbal nabal ral li tumin, li biomal li naxchꞌutub aꞌan ta̱cana̱k chokꞌ reheb li nequeꞌiloc xtokꞌoba̱l ruheb li nebaꞌ.

Proverbios 28:22

Li ani naxra li biomal naraj ru xtaubal lix biomal. Ut incꞌaꞌ naxqꞌue retal nak nebaꞌil yo̱ chi cha̱lc saꞌ xbe̱n.

Proverbios 28:20

Li ani nacuan saꞌ ti̱quilal ta̱osobtesi̱k xban li Dios. Abanan li ani ta̱raj ru xtaubal xbiomal incꞌaꞌ ta̱cana̱k chi incꞌaꞌ tixtoj rix lix ma̱c.

Jeremías 17:11

Li ani naxtau xbiomal riqꞌuin balakꞌic, aꞌan chanchan li xul li naxhupub rib saꞌ xbe̱n li mol li ma̱cuaꞌ re. Nak toj ma̱jiꞌ ti̱x, tixsach lix biomal ut ta̱cꞌutu̱nk nak ma̱cꞌaꞌ xnaꞌleb.

Salmos 128:2

Us tat-e̱lk riqꞌuin li cꞌaꞌru ta̱ba̱nu. Ut ta̱sahokꞌ saꞌ a̱chꞌo̱l xban nak osobtesinbilakat xban li Ka̱cuaꞌ.

Li xHu LAJ JOB 20:15

Nabal lix biomal quirelkꞌa chiru jalan. Abanan ta̱isi̱k chiru xban li Ka̱cuaꞌ.

Eclesiastés 5:14

Cui incꞌaꞌ teꞌxnau rilbal lix biomal, ma̱re tixsach chixjunil chi ma̱cꞌaꞌ rajbal ut ma̱cꞌaꞌ chic ta̱cana̱k reheb li ralal xcꞌajol.

Proverbios 13:10

Eb li nequeꞌxnimobresi rib junes chꞌaꞌajquilal nachal saꞌ xbe̱neb. Abanan eb li cuanqueb xnaꞌleb nequeꞌrabi li naꞌleb li naqꞌueheꞌ reheb.

Proverbios 13:12

Li ani incꞌaꞌ naxcꞌul li cꞌaꞌru naroybeni narahoꞌ xchꞌo̱l. Abanan eb li nequeꞌxcꞌul li cꞌaꞌru nequeꞌroybeni nasahoꞌ saꞌ xchꞌo̱leb.

Proverbios 21:6

Ma̱cꞌaꞌ na-oc cuiꞌ li biomal sicꞌbil riqꞌuin balakꞌic. Yal nanumeꞌ. Xban li balakꞌic nequeꞌxba̱nu yo̱queb chixbokbal li ca̱mc saꞌ xbe̱neb.