Proverbios 13:1 - Li Santil hu

¹ Li alalbej li cuan xnaꞌleb naxqꞌue saꞌ xchꞌo̱l lix kꞌusbal naqꞌueheꞌ xban lix yucuaꞌ. Abanan li alalbej li incꞌaꞌ naraj kꞌusecꞌ incꞌaꞌ naxqꞌue saꞌ xchꞌo̱l lix kꞌusbal.

Q'eqchi Bible

¹ Li alalb'ej chaab'il xna'leb' naxpaab' li xyuwa'; a'ut li kaw xjolom ink'a' naxk'e sa' xch'ool li xq'usb'al.

Proverbios 13:1 ပူးပေါင်းရင်းမြစ်များ

Proverbios 15:5

Li ani ma̱cꞌaꞌ xnaꞌleb naxtzꞌekta̱na lix kꞌusbal naqꞌueheꞌ xban lix yucuaꞌ. Abanan li se̱b xchꞌo̱l naxqꞌue saꞌ xchꞌo̱l lix kꞌusbal.

Proverbios 15:20

Li alalbej cuan xnaꞌleb naxqꞌue xsahil xchꞌo̱l lix naꞌ xyucuaꞌ. Abanan li alalbej incꞌaꞌ naxtau xnaꞌleb naxtzꞌekta̱na lix naꞌ xyucuaꞌ.

Proverbios 10:1

Aꞌaneb aꞌin li proverbios li quixye laj Salomón: Li alalbej li cuan xnaꞌleb naxqꞌue xsahil xchꞌo̱l lix naꞌ xyucuaꞌ. Abanan li alalbej li incꞌaꞌ naxtau xnaꞌleb naxqꞌue xrahil xchꞌo̱l lix naꞌ xyucuaꞌ.

1 Samuel 2:25

Cui junak cui̱nk nama̱cob chiru li ras ri̱tzꞌin, narakeꞌ a̱tin saꞌ xbe̱n xban laj rakol a̱tin. Abanan, li ani nama̱cob chiru li Ka̱cuaꞌ, ¿ma cuan ta biꞌ junak ta̱oque̱nk chirix? chan. Abanan incꞌaꞌ queꞌabin chiru lix yucuaꞌeb xban nak ac cuan saꞌ xchꞌo̱l li Dios nak tento nak teꞌca̱mk.

Proverbios 14:6

Li ani incꞌaꞌ naxtau xya̱lal naxsicꞌ lix naꞌleb, abanan incꞌaꞌ naxtau. Li ani se̱b xchꞌo̱l moco chꞌaꞌaj ta chokꞌ re xtaubal xnaꞌleb.

Proverbios 15:12

Li incꞌaꞌ naxtau xya̱lal incꞌaꞌ naxra li ani naqꞌuehoc naꞌleb, chi moco nacuulac chiru cua̱nc saꞌ xya̱nkeb li cuanqueb xnaꞌleb.

1 Reyes 22:43

Laj Josafat quixba̱nu li us chiru li Ka̱cuaꞌ joꞌ quixba̱nu laj Asa lix yucuaꞌ. Incꞌaꞌ quixcanab xba̱nunquil. Junelic ban cuan saꞌ ti̱quilal. Abanan incꞌaꞌ quirisiheb li artal li najt xteram li queꞌxlokꞌoniheb cuiꞌ li yi̱banbil dios. Ut eb li tenamit queꞌmayejac chiruheb li artal aꞌan ut queꞌxcꞌat li pom re xlokꞌoninquil lix dioseb.

Proverbios 7:24

Joꞌcan ut, ex cualal incꞌajol, cherabihak li cꞌaꞌru tinye e̱re. Canabomak e̱rib chirabinquil le̱ naꞌleb tinqꞌue.

Proverbios 12:15

Li ani ma̱cꞌaꞌ xnaꞌleb naxcꞌoxla nak us yo̱ chixba̱nunquil. Abanan li cuan xnaꞌleb naxqꞌue saꞌ xchꞌo̱l li naꞌleb naqꞌueheꞌ re.