Proverbios 12:7 - Li Santil hu

⁷ Eb li incꞌaꞌ useb xnaꞌleb teꞌsachekꞌ ruheb ut teꞌosokꞌ chi junaj cua. Abanan eb li ti̱queb xchꞌo̱l cua̱nkeb chi junelic, joꞌ eb ajcuiꞌ li ralal xcꞌajol.

Q'eqchi Bible

⁷ Naq eb' li ink'a' useb' xna'leb' neke't'ane'k, aran neke'oso'k chi junajwa; a'ut li xjunkab'al li tiikeb' xch'ool k'ojk'o sa' xna'aj chi junelik.

Proverbios 12:7 ပူးပေါင်းရင်းမြစ်များ

Proverbios 11:21

Relic chi ya̱l nak eb li incꞌaꞌ useb xnaꞌleb tento nak teꞌxcꞌul lix tojbal xma̱c. Abanan eb li ti̱queb xchꞌo̱l teꞌcolekꞌ chiru li tojba ma̱c.

Proverbios 10:25

Eb li incꞌaꞌ useb xnaꞌleb nequeꞌosoꞌ joꞌ nak nanumeꞌ li ca̱k-sut-ikꞌ. Abanan eb li ti̱queb xchꞌo̱l cua̱nkeb chi junelic.

Li xHu LAJ JOB 11:20

Abanan li incꞌaꞌ useb xnaꞌleb teꞌosokꞌ. Ma̱ bar teꞌxcol ribeb. Caꞌaj chic li ca̱mc yo̱keb chiroybeninquil, chan laj Zofar.

Ester 9:14

Li rey quixtakla xyebal nak ta̱uxma̱nk joꞌ quixye lix Ester. Ut qui-el resil saꞌ li tenamit Susa. Ut eb li laje̱b chi ralal laj Amán, li queꞌcamsi̱c queꞌtꞌuyuba̱c aran Susa chiruheb li tenamit.

2 Samuel 7:26

Chinima̱k taxak xlokꞌal la̱ cꞌabaꞌ chi junelic ut chixjunileb taxak teꞌyehok re nak la̱at, li nimajcual Dios, la̱at lix Dioseb laj Israel. Ut ta̱xakab taxak saꞌ xnaꞌaj lix cuanquileb li cualal incꞌajol chi junelic.

2 Samuel 7:16

Junelic teꞌcua̱nk a̱cualal a̱cꞌajol, ut aꞌaneb li teꞌoc chokꞌ rey mokon chi junelic kꞌe cutan. Ut la̱ cuanquil xakxo̱k saꞌ xnaꞌaj chi junelic,” chan li Ka̱cuaꞌ.

Proverbios 15:25

Li Ka̱cuaꞌ naxsach ru lix jun cablaleb li nequeꞌxkꞌetkꞌeti ribeb. Ut naxcol rix li cꞌaꞌru cuan reheb li xma̱lcaꞌan.

Proverbios 14:11

Eb li incꞌaꞌ useb xnaꞌleb teꞌsachekꞌ ru lix jun cablaleb. Abanan lix jun cablaleb li cha̱bileb, us ta̱e̱lk.

Proverbios 14:1

Li ixk li cuan xnaꞌleb naxnau rilbal lix jun cablal. Ut li ixk li ma̱cꞌaꞌ xnaꞌleb, aꞌan ajcuiꞌ nasachoc re lix jun cablal.

Salmos 37:10

Chi se̱b ma̱cꞌaꞌakeb chic li incꞌaꞌ useb xnaꞌleb. Usta tatxic chixsicꞌbaleb saꞌ lix naꞌajeb, incꞌaꞌ chic ta̱tauheb.

Li xHu LAJ JOB 34:25

Aꞌan tixsach ruheb usta chi kꞌek. Tixba̱nu raylal reheb xban nak naxnau nak incꞌaꞌ us xnaꞌlebeb.

Proverbios 12:8

Li ani cuan xnaꞌleb naqꞌueheꞌ xlokꞌal. Abanan li incꞌaꞌ useb xnaꞌleb nequeꞌtzꞌekta̱na̱c.