Proverbios 12:25 - Li Santil hu

²⁵ Li rahil chꞌo̱lej natacuasin, abanan li cha̱bil a̱tin naxqꞌue sahil chꞌo̱lej.

Q'eqchi Bible

²⁵ Li rahil ch'oolej naxluktesi xch'ool li winq; a'ut li chaab'il aatin naxsahob'resi.

Proverbios 12:25 ပူးပေါင်းရင်းမြစ်များ

Proverbios 16:24

Li cha̱bil a̱tin, aꞌan chanchan li xyaꞌal cab. Sa xtzacanquil ut naxqꞌue xcacuilal li katibel.

Proverbios 15:13

Li sa saꞌ xchꞌo̱l seꞌse na-iloc. Li ani ra saꞌ xchꞌo̱l saꞌ xnakꞌ ru nacꞌutun nak ra saꞌ xchꞌo̱l.

Proverbios 17:22

Junak cristian sa saꞌ xchꞌo̱l, aꞌan naxqꞌue sahil chꞌo̱lej joꞌ li cha̱bil ban. Abanan junak cristian ra saꞌ xchꞌo̱l, aꞌan naxqꞌue xrahil xchꞌo̱l li ras ri̱tzꞌin joꞌ junak yajel.

Isaías 50:4

Li Ka̱cuaꞌ Dios naqꞌuehoc innaꞌleb ut naxqꞌue cua̱tin re nak tinnau xcꞌojobanquil xchꞌo̱leb li tacuajenakeb. Rajlal cutan nak nasake̱u ninxqꞌue chirabinquil li ra̱tin li naxcꞌut chicuu.

Proverbios 15:23

Li ani naxnau xsumenquil junak li patzꞌoc nasahoꞌ saꞌ xchꞌo̱l. Ut kꞌaxal cuiꞌchic us nak teꞌxye junak a̱tin nak ta̱ajekꞌ ru.

Zacarías 1:13

Ut li Ka̱cuaꞌ Dios quichakꞌoc riqꞌuin cha̱bil a̱tin ut li ángel li yo̱ chi a̱tinac cuiqꞌuin quicꞌojla xchꞌo̱l chirabinquil li cꞌaꞌru quixye li Dios.

Proverbios 12:18

Cuanqueb li nequeꞌa̱tinac chi incꞌaꞌ nequeꞌxcꞌoxla li cꞌaꞌru nequeꞌxye. Ut li a̱tin li nequeꞌxye ra nanak cuiꞌ. Abanan li a̱tin li nequeꞌxye li cuanqueb xnaꞌleb, aꞌan naxcꞌojob xchꞌo̱l li ani ra saꞌ xchꞌo̱l.

Proverbios 27:9

Li sununquil ban naxqꞌue sahil chꞌo̱lej. Ut naxqꞌue ajcuiꞌ xsahil xchꞌo̱l li cha̱bil naꞌleb li nequeꞌxqꞌue li amigos.

Salmos 42:11

¿Cꞌaꞌut nak ta̱rahok saꞌ inchꞌo̱l? Ut, ¿cꞌaꞌut nak yo̱k incꞌaꞌux? ¿Ma incꞌaꞌ ta biꞌ a̱cuiqꞌuin ninyoꞌonin? ¿Ma incꞌaꞌ ta biꞌ ta̱ru̱k tatinlokꞌoni cuiꞌchic, at Ka̱cuaꞌ? Naru tatinlokꞌoni cuiꞌchic, xban nak la̱at lin Dios ut la̱at aj Colol cue.—

Proverbios 18:14

Li ani yaj tixcacuubresi xchꞌo̱l. Aꞌan ta̱tenkꞌa̱nk re chi cacuu̱c. Abanan junak li yaj incꞌaꞌ cau xchꞌo̱l, ¿ani ta̱ru̱k ta̱tenkꞌa̱nk re chi cacuu̱c?

Proverbios 25:11

Junak cha̱bil a̱tin saꞌ xkꞌehil, aꞌan chanchan jun li cha̱bil manzana yi̱banbil riqꞌuin oro ut qꞌuebil lix sahob ru riqꞌuin plata.

Salmos 38:6

Cꞌutzcꞌu aj chic nak ninbe̱c. Kꞌaxal ra cuanquin. Ma̱ jun cutan nincuan chi sa saꞌ inchꞌo̱l.

Proverbios 15:15

Li rahobtesinbileb, chixjunil incꞌaꞌ na-el chi us chiruheb. Abanan eb li saheb saꞌ xchꞌo̱l chixjunil us na-el chiruheb.

Proverbios 14:10

Li junju̱nk naxnau li rahil chꞌo̱lej li cuan saꞌ xchꞌo̱l. Ut ma̱ ani ta̱tzꞌako̱nk riqꞌuin xsahil xchꞌo̱l li ani sa saꞌ xchꞌo̱l.

Proverbios 12:26

Li ani ti̱c xchꞌo̱l naxtenkꞌa li ras ri̱tzꞌin chixtaubal li us. Abanan eb li incꞌaꞌ useb xnaꞌleb nequeꞌxqꞌue li ras ri̱tzꞌin chi tꞌanecꞌ.

Proverbios 15:30

Li ani seꞌse na-iloc naxqꞌue sahil chꞌo̱lej. Ut li cha̱bil esilal naqꞌuehoc cacuilal.