Proverbios 12:22 - Li Santil hu

²² Li Ka̱cuaꞌ xicꞌ narileb li nequeꞌticꞌtiꞌic. Abanan nasahoꞌ riqꞌuineb li nequeꞌxye li ya̱l.

Q'eqchi Bible

²² Li Qaawa' xik' narileb' laj tik'ti', ab'an nasaho'k xch'ool rik'ineb' li neke'wank sa' tiikilal.

Proverbios 12:22 ပူးပေါင်းရင်းမြစ်များ

Salmos 5:6

La̱at tatsachok reheb li nequeꞌticꞌtiꞌic, ut xicꞌ nacacuil li ani naxcamsi ras ri̱tzꞌin joꞌ ajcuiꞌ eb laj balakꞌ.

Apocalipsis 22:15

Abanan li incꞌaꞌ useb xnaꞌleb incꞌaꞌ ta̱ru̱k teꞌoc saꞌ li tenamit aꞌan, chi moco laj tu̱l, chi moco laj coꞌbe̱t laj yumbe̱t, chi moco li nequeꞌxcamsi ras ri̱tzꞌineb ut eb li nequeꞌlokꞌonin jalanil dios joꞌqueb ajcuiꞌ li nequeꞌcuulac chiru balakꞌic ut ticꞌtiꞌic.

Proverbios 11:20

Li Ka̱cuaꞌ Dios xicꞌ narileb li incꞌaꞌ useb xnaꞌleb. Aꞌut li nequeꞌxba̱nu li us sa xchꞌo̱l riqꞌuineb.

Jeremías 9:24

Li ani tixnimobresi rib, chixnimobresihak rib riqꞌuin nak naxnau nak la̱in li Ka̱cuaꞌ ut naxtau ru chanru lin naꞌleb. Nin-uxta̱nan u ut ninrakoc a̱tin saꞌ ti̱quilal saꞌ ruchichꞌochꞌ. Aꞌan li nacuulac chicuu, chan li Ka̱cuaꞌ.

Isaías 9:15

Eb li nequeꞌcꞌamoc be ut eb li cuanqueb xcuanquil, aꞌaneb li queꞌjuntakꞌe̱ta̱c riqꞌuin lix jolom li xul. Ut eb li queꞌjuntakꞌe̱ta̱c riqꞌuin lix ye li xul, aꞌaneb lix profeta li nequeꞌticꞌtiꞌic.

Proverbios 11:1

Li Ka̱cuaꞌ sa xchꞌo̱l riqꞌuin li ani nabisoc chi tzꞌakal. Abanan xicꞌ narileb li ani incꞌaꞌ nequeꞌbisoc chi tzꞌakal.

Ezequiel 13:22

La̱ex xeqꞌue xrahil xchꞌo̱leb li ti̱queb xchꞌo̱l riqꞌuin li ticꞌtiꞌ xeye. La̱in incꞌaꞌ nacuaj nak teꞌxcꞌul li raylal. La̱ex xeqꞌueheb chi cacuu̱c xchꞌo̱leb li incꞌaꞌ useb xnaꞌleb. Ut incꞌaꞌ xeꞌxcanab xba̱nunquil li ma̱usilal e̱ma̱c la̱ex.

Proverbios 15:8

Li Ka̱cuaꞌ xicꞌ naril lix mayejeb li incꞌaꞌ useb xnaꞌleb. Abanan lix tijeb li ti̱queb xchꞌo̱l li Ka̱cuaꞌ naxcꞌul chi sa saꞌ xchꞌo̱l.

Ezequiel 13:19

Xine̱mux nak xeba̱nu li incꞌaꞌ us ut riqꞌuin aꞌan xecꞌul li cebada ut li caxlan cua. Xecamsiheb li moco xcꞌulubeb ta ca̱mc ut xecol rix li moco xcꞌulubeb ta cua̱nc chi yoꞌyo. Xeba̱nu aꞌan riqꞌuin li ticꞌtiꞌ xeye.

Apocalipsis 21:8

Abanan li cꞌaꞌru teꞌre̱chani li incꞌaꞌ useb xnaꞌleb, aꞌan li xxamlel li azufre li chanchan palau, aꞌan lix naꞌajeb li nequeꞌxucuac, ut eb li incꞌaꞌ nequeꞌpa̱ban, ut eb li queꞌxmux ru lix pa̱ba̱leb, ut eb li nequeꞌxcamsi ras ri̱tzꞌin, ut eb laj coꞌbe̱t laj yumbe̱t, ut eb laj tu̱l, ut eb li nequeꞌlokꞌonin jalanil dios, joꞌqueb ajcuiꞌ laj ticꞌtiꞌ. Li cꞌaꞌru teꞌre̱chani eb aꞌan, aꞌan li xcab camic nak teꞌcutekꞌ saꞌ li xam.—

1 Reyes 13:18

Abanan li profeta jun chic quixticꞌtiꞌi ut quixye re: —La̱in profetin ajcuiꞌ joꞌ la̱at. Ut jun lix ángel li Ka̱cuaꞌ x-a̱tinac cuiqꞌuin ut xye cue, “Li Ka̱cuaꞌ xye, Cꞌam saꞌ la̱ cuochoch li profeta re ta̱cuaꞌak ut ta̱ucꞌak”, chan.

Salmos 120:2

At nimajcual Dios, china̱col taxak chiruheb li nequeꞌticꞌtiꞌic. China̱col taxak chiruheb li nequeꞌbalakꞌic.

Proverbios 17:7

Incꞌaꞌ us chokꞌ reheb li ma̱cꞌaꞌ xnaꞌleb nak teꞌxnimobresi ribeb chi a̱tinac. Joꞌcan ajcuiꞌ li cui̱nk li cuan xcuanquil, incꞌaꞌ us cui naticꞌtiꞌic.