Proverbios 12:20 - Li Santil hu

²⁰ Eb li incꞌaꞌ useb xnaꞌleb, junes balakꞌic nequeꞌxcꞌoxla. Abanan li cha̱bileb xnaꞌleb junelic saheb saꞌ xchꞌo̱l chixtenkꞌanquil li ras ri̱tzꞌin chi cua̱nc saꞌ usilal.

Q'eqchi Bible

²⁰ Rahilal neke'xk'uub' laj tik'ti'; a'ut eb' li neke'xra li tuqtuukilal te'xtaw sahil ch'oolej.

Proverbios 12:20 ပူးပေါင်းရင်းမြစ်များ

San Mateo 5:9

Us xak reheb li nequeꞌxtenkꞌa ras ri̱tzꞌin chi cua̱nc saꞌ tuktu̱quil usilal xban nak eb aꞌan ralal xcꞌajol li Dios teꞌyehekꞌ reheb.

Hebreos 12:14

Chexcua̱nk saꞌ tuktu̱quil usilal riqꞌuineb le̱ ras e̱ri̱tzꞌin. Chexcua̱nk saꞌ ti̱quilal ut saꞌ santilal, xban nak cui ma̱cꞌaꞌ e̱santilal ma̱ jokꞌe te̱ril ru li Dios.

Zacarías 6:13

Aꞌan ta̱yi̱ba̱nk re lix templo li Ka̱cuaꞌ ut aꞌan ta̱qꞌuehekꞌ xlokꞌal. Aꞌan ta̱cꞌojla̱k saꞌ lix cꞌojariba̱l ut aꞌan chic ta̱takla̱nk saꞌ xbe̱n li ruchichꞌochꞌ. Aꞌanak li tzꞌakal Rey ut aꞌanak ajcuiꞌ li tzꞌakal aj tij. Ma̱cꞌaꞌak chꞌaꞌajquilal saꞌ li cuib chi cꞌanjel li tixba̱nu. Us ta̱e̱lk lix cꞌanjel chiru.

Proverbios 12:12

Li ti̱queb xchꞌo̱l cꞌojcꞌo̱queb xchꞌo̱l saꞌ xbe̱n li ti̱quilal. Abanan li incꞌaꞌ useb xnaꞌleb junes li incꞌaꞌ us nequeꞌxrahi ru xba̱nunquil.

Romanos 1:29

Numtajenakeb xyibal ru lix naꞌlebeb ut lix ma̱usilaleb. Aj yumbe̱teb ut aj coꞌbe̱teb. Nequeꞌxra ru li cꞌaꞌru cuan reheb li ras ri̱tzꞌin ut kꞌaxal joskꞌeb. Numtajenakeb chi aj cakal, aj camsihomeb ras ri̱tzꞌin, aj ple̱teb, aj balakꞌeb ut aj molol a̱tineb.

Jeremías 17:16

At Ka̱cuaꞌ, la̱in incꞌaꞌ xintzꞌa̱ma cha̱cuu nak ta̱takla li raylal saꞌ xbe̱neb, chi moco nacuaj nak teꞌxcꞌul li raylal. La̱at nacanau. La̱at nacacuabi chixjunil li ninye.

2 Crónicas 22:4

Laj Ocozías quixba̱nu li incꞌaꞌ us chiru li Ka̱cuaꞌ joꞌ queꞌxba̱nu li ralal xcꞌajol laj Acab xban nak aꞌaneb chic queꞌqꞌuehoc xnaꞌleb chixba̱nunquil li incꞌaꞌ us nak ac xcam lix yucuaꞌ. Joꞌcan nak xjunes tixsach rib xjunes.

Proverbios 12:19

Li ani naxye li ya̱l ta̱cua̱nk chi junelic. Abanan li ani naticꞌtiꞌic incꞌaꞌ najt ta̱cua̱nk.

Proverbios 12:21

Ma̱ jun chꞌaꞌajquilal teꞌxcꞌul li ti̱queb xchꞌo̱l. Abanan li incꞌaꞌ useb xnaꞌleb ta̱cha̱lk chixjunil li chꞌaꞌajquilal saꞌ xbe̱neb.

Salmos 119:118

La̱at nacatzꞌekta̱naheb li incꞌaꞌ useb xnaꞌleb, li nequeꞌkꞌetoc la̱ chakꞌrab xban nak chixjunil li cꞌaꞌru nequeꞌxcꞌoxla xba̱nunquil ma̱cꞌaꞌ na-oc cuiꞌ.

Daniel 11:27

Li cuib chi rey teꞌcꞌojla̱k chi cuaꞌac saꞌ jun li me̱x, abanan junes raylal teꞌxcꞌoxla xba̱nunquil chi ribileb rib. Junes ticꞌtiꞌ teꞌxye chi ribileb rib. Ut ma̱ jun reheb ta̱ru̱k tixba̱nu li cꞌaꞌru tixcꞌoxla xba̱nunquil xban nak toj ma̱jiꞌ nacuulac xkꞌehil.