Proverbios 12:2 - Li Santil hu

² Li ani cha̱bil xnaꞌleb na-uxta̱na̱c ru xban li Dios. Ut li ani se̱b xchꞌo̱l chixba̱nunquil li incꞌaꞌ us ta̱qꞌuehekꞌ chixtojbal xma̱c xban li Dios.

Q'eqchi Bible

² Li Qaawa' narusila ru li chaab'il xch'ool ut naraqok aatin sa' xb'een li ink'a' us xna'leb'.

Proverbios 12:2 ပူးပေါင်းရင်းမြစ်များ

Proverbios 8:35

Li ani nasicꞌoc re li cha̱bil naꞌleb naxtau li junelic yuꞌam. Ut li ani nasicꞌoc re naxtau li rusilal li Ka̱cuaꞌ.

Hechos 11:24

Laj Bernabé, aꞌan jun cui̱nk cha̱bil ut cuan xpa̱ba̱l. Nujenak chi Santil Musikꞌej. Ut chiru aꞌan nabaleb queꞌxpa̱b li Ka̱cuaꞌ.

Salmos 112:5

Li cui̱nk cha̱bil xnaꞌleb naxba̱nu usilal reheb li ras ri̱tzꞌin. Naxqꞌue chi toꞌ li cꞌaꞌru cuan re. Ut naxnau xsicꞌbal xtumin saꞌ ti̱quilal.

Romanos 5:7

Moco yalak ani ta tixqꞌue rib chi ca̱mc saꞌ xcꞌabaꞌ junak ras ri̱tzꞌin usta cha̱bil li ras ri̱tzꞌin chiru. Abanan cui kꞌaxal ti̱c xchꞌo̱l li ras ri̱tzꞌin, ma̱re cuan ajcuiꞌ junak tixqꞌue rib chi ca̱mc saꞌ xcꞌabaꞌ aꞌan.

Proverbios 1:31

Joꞌcan nak anakcuan cꞌulumak chixjunil li raylal xchal saꞌ e̱be̱n xban li ma̱usilal xeba̱nu toj retal textitzꞌk riqꞌuin li cꞌaꞌak re ru incꞌaꞌ us xeba̱nu.

Eclesiastés 8:8

Ma̱ ani junak nacuan xcuanquil saꞌ xbe̱n lix musikꞌ li junju̱nk. Moco ta̱ru̱k ta tixye nak toj ta̱cua̱nk lix yuꞌam xban nak ma̱cuaꞌ aꞌan yal re saꞌ xbe̱n lix yuꞌam. Chi moco cuan junak cuan xcuanquil saꞌ xbe̱n li ca̱mc xban nak ma̱ ani naru nacoleꞌ chiru li ca̱mc. Li incꞌaꞌ us xnaꞌleb incꞌaꞌ ta̱colekꞌ xban li ma̱usilal naxba̱nu.

Proverbios 6:18

li ani naxcꞌoxla chanru nak tixba̱nu li ma̱usilal, ut li ani nacuulac chiru xba̱nunquil li incꞌaꞌ us,

Salmos 9:15

Li tenamit li incꞌaꞌ nequeꞌpa̱ban cha̱cuu, xjuneseb queꞌxsicꞌ xraylaleb. Chanchan nak queꞌxbec jun li jul ut aꞌaneb ajcuiꞌ queꞌoc chi saꞌ. Ut xeꞌxyi̱b jun li raꞌal ut aꞌaneb ajcuiꞌ li queꞌtꞌaneꞌ chi saꞌ.

2 Samuel 15:3

laj Absalón naxye reheb: —Kꞌaxal us la̱ cua̱tin ut ti̱c, abanan ma̱ ani junak ta̱a̱tinak cha̱cuix chiru li rey, chan reheb.

Proverbios 3:4

Cui te̱ba̱nu aꞌin, sahak xchꞌo̱l li Dios e̱riqꞌuin ut cha̱bilak e̱resilal chiruheb li cristian.

Proverbios 12:1

Li ani naxqꞌue saꞌ xchꞌo̱l li xtijbal, aꞌan cuan xnaꞌleb. Ut li ani naxtzꞌekta̱na lix kꞌusbal, aꞌan ma̱cꞌaꞌ xnaꞌleb.

Proverbios 14:22

Li ani junes li ma̱usilal naxcꞌoxla xba̱nunquil naxsach rib xjunes. Abanan eb li nequeꞌxba̱nu li us, teꞌrahekꞌ ut teꞌuxta̱na̱k ruheb.

Proverbios 14:17

Li ani najoskꞌoꞌ saꞌ junpa̱t incꞌaꞌ naxcꞌoxla chi us li cꞌaꞌru naxba̱nu. Ut li ani incꞌaꞌ us xnaꞌleb xicꞌ ta̱ilekꞌ.