Proverbios 12:18 - Li Santil hu

¹⁸ Cuanqueb li nequeꞌa̱tinac chi incꞌaꞌ nequeꞌxcꞌoxla li cꞌaꞌru nequeꞌxye. Ut li a̱tin li nequeꞌxye ra nanak cuiꞌ. Abanan li a̱tin li nequeꞌxye li cuanqueb xnaꞌleb, aꞌan naxcꞌojob xchꞌo̱l li ani ra saꞌ xchꞌo̱l.

Q'eqchi Bible

¹⁸ Wan li aatin ra nanaqk wi' jo' naxset li q'esnal ch'iich'; ab'an li raatin li wank xna'leb', a'an chanchan li chaab'il b'an.

Proverbios 12:18 ပူးပေါင်းရင်းမြစ်များ

Proverbios 16:24

Li cha̱bil a̱tin, aꞌan chanchan li xyaꞌal cab. Sa xtzacanquil ut naxqꞌue xcacuilal li katibel.

Proverbios 15:4

Li ani naa̱tinac saꞌ tu̱lanil chanchan li cheꞌ re junelic yuꞌam xban nak naxtenkꞌa saꞌ lix yuꞌam li ani na-abin re. Abanan li incꞌaꞌ us naa̱tinac naxqꞌue chi rahocꞌ xchꞌo̱l li na-abin re li cꞌaꞌru naxye.

Salmos 57:4

La̱in cuanquin saꞌ xya̱nkeb li joskꞌ aj cristian. Chanchaneb li joskꞌ aj cakcoj li nequeꞌcamsin. Li ruch reheb chanchan li chꞌi̱chꞌ re camsi̱nc. Ut li ruꞌuj rakꞌeb chanchan li kꞌesnal chꞌi̱chꞌ.

Salmos 52:2

Junes ticꞌtiꞌic ut balakꞌic nacacꞌoxla xba̱nunquil. Chanchan xkꞌesnal ruꞌuj chꞌi̱chꞌ li ruꞌuj a̱cuakꞌ xban li ma̱usilal li na-el saꞌ xtzꞌu̱mal a̱cue.

Daniel 11:33

Eb li cuanqueb xnaꞌleb saꞌ xya̱nkeb laj Israel teꞌxchꞌolob lix ya̱lal chiruheb nabal. Abanan cuan teꞌcamsi̱k riqꞌuin chꞌi̱chꞌ, cuan teꞌcꞌatekꞌ, cuan teꞌelkꞌa̱k cꞌaꞌru reheb, ut cuan teꞌchapekꞌ ut teꞌcꞌamekꞌ saꞌ jalan naꞌajej. Abanan incꞌaꞌ najt teꞌrahobtesi̱k.

Proverbios 25:18

Li ani naxyoꞌob ticꞌtiꞌ chirix li rami̱g, aꞌan naxba̱nu raylal re. Chanchan junak li martillo, malaj junak li chꞌi̱chꞌ caꞌ pacꞌal xkꞌesnal, malaj ut chanchan li tzimaj kꞌes ruꞌuj.

Proverbios 15:7

Eb li cuanqueb xnaꞌleb nequeꞌxqꞌue xnaꞌlebeb nabal. Ut eb li ma̱cꞌaꞌeb xnaꞌleb moco joꞌcan ta nequeꞌxba̱nu.

Proverbios 13:17

Junak aj yehol esil incꞌaꞌ us xnaꞌleb naxqꞌue chꞌaꞌajquilal. Abanan junak aj yehol esil cha̱bil xnaꞌleb naxqꞌue usilal.

Proverbios 4:22

Xban nak li ani naxba̱nu li cꞌaꞌru ninye, aꞌan ta̱cua̱nk xyuꞌam ut ta̱cua̱nk xcacuilal.

Salmos 64:3

Kꞌaxal kꞌes ruꞌuj rakꞌeb chi a̱tinac. Chanchan li kꞌesnal chꞌi̱chꞌ. Ut li a̱tin nequeꞌxye kꞌaxal ra nanak cuiꞌ. Chanchan nanak cuiꞌ li tzimaj li nacamsin.

Apocalipsis 22:2

Li nimaꞌ aꞌan nanumeꞌ saꞌ xyi li tenamit. Chire li nimaꞌ xcaꞌ pacꞌalil cuan li cheꞌ retalil li junelic yuꞌam. Cablaju pa̱y li ru naxqꞌue ut rajlal po nau̱chin. Lix xak nacꞌanjelac re xqꞌuebal xcacuilaleb lix ni̱nkal ru tenamit.

Apocalipsis 1:16

Saꞌ lix nim ukꞌ chapcho cuukub li chahim. Ut saꞌ re cuan jun li chꞌi̱chꞌ caꞌ pacꞌal xkꞌesnal. Cꞌajoꞌ nalemtzꞌun li ru. Chanchan nak nalemtzꞌun li sakꞌe.

Salmos 59:7

Qꞌue retal lix yibal ru li a̱tin nequeꞌxye nak nequeꞌhoboc. Saꞌ joskꞌil nequeꞌxye, ¿Ma cuan junak ani ta̱sume̱nk chak ke? chanqueb.

Proverbios 12:17

Li ani ti̱c xchꞌo̱l naxye li ya̱l nak naxic chi a̱tinac chirix li ras ri̱tzꞌin. Abanan eb li incꞌaꞌ ti̱queb xchꞌo̱l incꞌaꞌ nequeꞌxye li ya̱l nak nequeꞌxic chi a̱tinac chirixeb li ras ri̱tzꞌin.

Salmos 57:5

At Ka̱cuaꞌ, nimanbilak taxak a̱cuu saꞌ choxa, ut chicꞌutu̱nk taxak la̱ lokꞌal saꞌ chixjunil li ruchichꞌochꞌ.