Proverbios 12:11 - Li Santil hu

¹¹ Li ani naxqꞌue xchꞌo̱l chi a̱uc ta̱cua̱nk nabal lix tzacae̱mk. Abanan li ani nequeꞌxic xchꞌo̱l chirix li ma̱cꞌaꞌ na-oc cuiꞌ ma̱cꞌaꞌeb xnaꞌleb.

Q'eqchi Bible

¹¹ Li naxk'e xch'ool chi k'anjelak sa' li xch'och' twanq chi yo'oon li xtzekemq; a'ut li maak'a' xna'leb' naxsik' li maak'a' na'ok wi'.

Proverbios 12:11 ပူးပေါင်းရင်းမြစ်များ

Proverbios 28:19

Li ani naxtrabaji chi us lix chꞌochꞌ ta̱cua̱nk xtzacae̱mk chi nabal. Abanan li ani nacuulac chiru cua̱nc saꞌ xya̱nkeb li incꞌaꞌ nequeꞌtrabajic, aꞌan ma̱cꞌaꞌ ta̱cua̱nk re.

Proverbios 14:23

Li ani nacꞌanjelac naru nacuan cꞌaꞌru re. Abanan li ani junes a̱tinac naxba̱nu cuan saꞌ nebaꞌil.

Salmos 128:2

Us tat-e̱lk riqꞌuin li cꞌaꞌru ta̱ba̱nu. Ut ta̱sahokꞌ saꞌ a̱chꞌo̱l xban nak osobtesinbilakat xban li Ka̱cuaꞌ.

Efesios 4:28

Li ani na-elkꞌac incꞌaꞌ chic chi elkꞌac. Chi cꞌanjelac ban saꞌ xya̱lal re nak cua̱nk li cꞌaꞌru tixsi reheb li ma̱cꞌaꞌ cuanqueb re.

2 Ts 3:8

Incꞌaꞌ xocuaꞌac yal chi ma̱tan. Incꞌaꞌ xkacꞌul katenkꞌanquil nak xocuan saꞌ e̱ya̱nk. Xkatacuasi ban kib chi cꞌanjelac chi kꞌek chi cutan re nak ta̱cua̱nk cꞌaꞌru ke re xnumsinquil li cutan junju̱nk ut ma̱ ani xkachꞌiꞌchꞌiꞌi saꞌ e̱ya̱nk.

Proverbios 9:6

Chetauhak le̱ naꞌleb ut chesicꞌak li us. Canabomak li to̱ntil naꞌleb re nak cua̱nk e̱yuꞌam, chanquex.

Proverbios 14:4

Cui ma̱cꞌaꞌeb li bo̱yx re teꞌcꞌanjelak ma̱cꞌaꞌak ajcuiꞌ li acui̱mk xban nak riqꞌuin lix metzꞌe̱uheb li bo̱yx nacꞌanjelaman li chꞌochꞌ ut nabal li acui̱mk na-el.

Proverbios 7:7

Ut queꞌcuil jun chꞌu̱taleb li sa̱j al incꞌaꞌ nequeꞌxnau cꞌoxlac. Ut quinqꞌue retal saꞌ xya̱nkeb jun li sa̱j al toj ma̱jiꞌ naxtau xnaꞌleb.

Proverbios 13:20

Li ani naxcꞌam rib riqꞌuineb li cuanqueb xnaꞌleb ta̱cua̱nk xnaꞌleb. Ut li ani tixcꞌam rib riqꞌuineb li ma̱cꞌaꞌeb xnaꞌleb ta̱sachk.

Génesis 3:19

Cau tattrabajik ut riqꞌuin la̱ tikob tatcuaꞌak. Joꞌcaꞌin nak tatcua̱nk toj retal tatca̱mk ut tatsukꞌi̱k cuiꞌchic chꞌochꞌ. Pacꞌbil chꞌochꞌ oquenakat chak ut chꞌochꞌ ajcuiꞌ tatsukꞌi̱k nak tat-osokꞌ, chan li Dios re laj Adán.

Proverbios 6:32

Li ani naxchꞌic rib riqꞌuin junak sumsu, aꞌan ma̱cꞌaꞌ xnaꞌleb. Li jun aꞌan naxsach rib xjunes.

Proverbios 9:16

Naxbokeb riqꞌuin li ma̱cꞌaꞌeb xnaꞌleb ut li incꞌaꞌ nequeꞌxtau xya̱lal, ut naxye reheb:

Proverbios 9:13

Li ixk li ma̱cꞌaꞌ xnaꞌleb incꞌaꞌ naraj kꞌusecꞌ ut incꞌaꞌ naxtau xya̱lal.

Salmos 26:4

La̱in incꞌaꞌ ninjunaji cuib riqꞌuineb laj balakꞌ chi moco nincuan saꞌ xya̱nkeb laj caꞌ pacꞌal u.

Jueces 9:4

Queꞌrisi laje̱b xca̱cꞌa̱l chi tumin plata saꞌ li rochoch li yi̱banbil dios Baal-berit ut queꞌxsi re laj Abimelec. Laj Abimelec quixsiqꞌueb li cui̱nk li incꞌaꞌ useb xnaꞌleb, li junes subuc cutan nequeꞌxba̱nu, ut riqꞌuin li tumin aꞌan quixtojeb chixtenkꞌanquil.

Jonás 2:8

Li cauheb xchꞌo̱l riqꞌuin li jalanil dios, nequeꞌxtzꞌekta̱na la̱ cuuxta̱n la̱at, li tzꞌakal Dios.

Proverbios 27:27

Ut eb la̱ chiba̱t nabal li leche teꞌxqꞌue re ta̱chꞌolani a̱cuib la̱at, joꞌ ajcuiꞌ la̱ cualal a̱cꞌajol, joꞌqueb ajcuiꞌ chixjunileb li nequeꞌtrabajic saꞌ la̱ cuochoch.

Proverbios 13:23

Junak li nebaꞌ naru nacuan nabal cꞌaꞌru re cui tixcꞌanjela lix chꞌochꞌ. Abanan naru ta̱makꞌekꞌ chiru xbaneb li incꞌaꞌ nequeꞌxba̱nu li ti̱quilal.

Proverbios 20:13

Me̱numsi li cutan chi cua̱rc xban nak naru texcana̱k saꞌ nebaꞌil. Aj-ajak ban e̱ru chi cꞌanjelac re nak cua̱nk nabal le̱ tzacae̱mk.