Proverbios 11:6 - Li Santil hu

⁶ Li ti̱quilal nacoloc re li ani ti̱c xchꞌo̱l. Abanan eb laj ma̱c nachal raylal saꞌ xbe̱neb xban li ma̱c nequeꞌxba̱nu.

Q'eqchi Bible

⁶ Li tiikilal naxkoleb' li chaab'ileb' xch'ool; a'ut eb' laj b'alaq' neke'aaleek xb'aan li k'aru neke'rataw.

Proverbios 11:6 ပူးပေါင်းရင်းမြစ်များ

Eclesiastés 10:8

Li ani naxbec junak jul re ta̱tꞌanekꞌ jalan, aꞌan ajcuiꞌ li ta̱tꞌanekꞌ chi saꞌ. Li ani tixjor li tzꞌac li sutsu cuiꞌ li tenamit ta̱tiꞌekꞌ xban cꞌantiꞌ.

Proverbios 5:22

Li incꞌaꞌ useb xnaꞌleb, aꞌ ajcuiꞌ li ma̱usilal li nequeꞌxba̱nu nasachoc reheb. Chanchan bacꞌbo̱queb xban li ma̱c nequeꞌxba̱nu.

1 Reyes 2:44

La̱at nacanau chanru nak xatma̱cob chiru laj David lin yucuaꞌ. Anakcuan li Ka̱cuaꞌ tixqꞌue saꞌ a̱be̱n chixjunil li ma̱usilal li xaba̱nu.

Génesis 31:37

Xapokle li cꞌaꞌru ke ut ¿cꞌaꞌru xatau? Cꞌut chiku anakcuan li cꞌaꞌru a̱cue xatau saꞌ xya̱nkeb li cꞌaꞌru ke la̱o. Eb li kechꞌalal teꞌyehok ani cuan xma̱c, ma la̱in malaj ut la̱at.

Génesis 30:33

Ut laj Jacob quixye ajcuiꞌ: —Ma̱re mokon chic nak tatxic chirilbaleb lin queto̱mk, la̱at ta̱qꞌue retal nak saꞌ xya̱lal xinba̱nu. Cui ta̱tau li carner li moco kꞌek ta rixeb ut li chiba̱t moco repex ta rixeb, naru ta̱ye nak la̱in xcuelkꞌa eb aꞌan a̱cuiqꞌuin, chan.

Jueces 20:41

Ut eb li ralal xcꞌajol laj Israel queꞌxsukꞌisi ribeb ut queꞌxtiquib cuiꞌchic pletic riqꞌuineb. Qui-oc xxiuheb li ralal xcꞌajol laj Benjamín xban nak queꞌxqꞌue retal nak teꞌsachekꞌ ruheb.

Salmos 9:15

Li tenamit li incꞌaꞌ nequeꞌpa̱ban cha̱cuu, xjuneseb queꞌxsicꞌ xraylaleb. Chanchan nak queꞌxbec jun li jul ut aꞌaneb ajcuiꞌ queꞌoc chi saꞌ. Ut xeꞌxyi̱b jun li raꞌal ut aꞌaneb ajcuiꞌ li queꞌtꞌaneꞌ chi saꞌ.

Proverbios 11:9

Eb laj caꞌ pacꞌal u nequeꞌxba̱nu raylal reheb li ras ri̱tzꞌin riqꞌuin li a̱tin nequeꞌxye. Abanan li ti̱c xchꞌo̱l naxcoleb li ras ri̱tzꞌin xban nak cuan xnaꞌleb.