Proverbios 11:30 - Li Santil hu

³⁰ Li ti̱quilal naqꞌuehoc yuꞌam. Li ani cuan xnaꞌleb naxchꞌolob xya̱lal re nak jalaneb chic teꞌxtau li junelic yuꞌam.

Q'eqchi Bible

³⁰ Li tiikilal nak'ehok yu'am; wi wank aana'leb', jalaneb' chik te'taaqenq aawe.

Proverbios 11:30 ပူးပေါင်းရင်းမြစ်များ

Daniel 12:3

Ut eb li cuanqueb xnaꞌleb, li queꞌcꞌutuc re li ti̱quilal chiruheb li tenamit, teꞌqꞌuehekꞌ xlokꞌal chi junelic. Chanchanakeb li sakꞌe ut li chahim li nalemtzꞌun chiru li choxa.

Santiago 5:20

Chenauhak la̱ex nak li ani tixsukꞌisi chak junak li ras ri̱tzꞌin saꞌ xya̱lal re nak tixcanab xba̱nunquil li ma̱c, aꞌan tixcol li ras ri̱tzꞌin chiru li ca̱mc. Ut saꞌ xcꞌabaꞌ li jun aꞌan, nabal li ma̱c ta̱cuyekꞌ ta̱sachekꞌ xban li Dios.

San Mateo 4:19

Li Jesús quixye reheb: —Chine̱ta̱ke. Ma̱cuaꞌ chic caribc te̱ba̱nu. E̱ras e̱ri̱tzꞌin ban chic te̱sicꞌ re teꞌpa̱ba̱nk, chan reheb.

Proverbios 15:4

Li ani naa̱tinac saꞌ tu̱lanil chanchan li cheꞌ re junelic yuꞌam xban nak naxtenkꞌa saꞌ lix yuꞌam li ani na-abin re. Abanan li incꞌaꞌ us naa̱tinac naxqꞌue chi rahocꞌ xchꞌo̱l li na-abin re li cꞌaꞌru naxye.

Proverbios 3:18

Cui cuan e̱naꞌleb, naru nacuan e̱yuꞌam chi junelic. Us xak re li ani naxnau xxocbal saꞌ xchꞌo̱l li naꞌleb aꞌin.

1 Ts 2:19

¿Cꞌaꞌru nakoybeni ut cꞌaꞌru lix saylal li kachꞌo̱l? ¿Ut cꞌaꞌru li tokꞌajca̱mu̱k cuiꞌ nak tol-e̱lk cuiꞌchic li Ka̱cuaꞌ Jesucristo? ¿Ma incꞌaꞌ ta biꞌ saꞌ e̱cꞌabaꞌ la̱ex takacꞌul li kakꞌajca̱munquil?

San Juan 4:36

Laj kꞌolonel naxcꞌul xtojbal ut nasahoꞌ saꞌ xchꞌo̱l rochben laj acuinel. Joꞌcan ajcuiꞌ li ani naxchꞌolob xya̱lal re nak teꞌpa̱ba̱nk li cristian. Li jun aꞌan ta̱cua̱nk lix kꞌajca̱munquil xban nak cua̱nkeb li teꞌre̱chani li junelic yuꞌam saꞌ xcꞌabaꞌ aꞌan.

Apocalipsis 2:7

Cui te̱raj xtaubal ru lix ya̱lal, cheqꞌuehak retal li naxye li Santil Musikꞌej reheb laj pa̱banel. Li ani tixcuy xnumsinquil chixjunil li raylal aꞌin ut incꞌaꞌ nachꞌinan xchꞌo̱l saꞌ lix pa̱ba̱l, la̱in tinqꞌue lix yuꞌam chi junelic. Ut aꞌan ta̱cua̱nk riqꞌuin li Dios chi junelic saꞌ lix santil naꞌaj, chan li Cꞌajolbej reheb laj Éfeso.

Salmos 92:14

Usta ac ti̱xeb chic, junelic yo̱keb chi qꞌui̱c ut cauhakeb rib.

Proverbios 12:12

Li ti̱queb xchꞌo̱l cꞌojcꞌo̱queb xchꞌo̱l saꞌ xbe̱n li ti̱quilal. Abanan li incꞌaꞌ useb xnaꞌleb junes li incꞌaꞌ us nequeꞌxrahi ru xba̱nunquil.

Proverbios 14:25

Li ani cha̱bil naxye li ya̱l chirixeb li ras ri̱tzꞌin ut naxcol rix lix yuꞌameb. Abanan li ani nabalakꞌic incꞌaꞌ naxye li ya̱l.