Proverbios 11:28 - Li Santil hu

²⁸ Li ani naxcꞌojob xchꞌo̱l saꞌ xbe̱n lix biomal ta̱osokꞌ joꞌ nak na-osoꞌ li chaki kꞌe̱n. Abanan li ti̱queb xchꞌo̱l cha̱bil cua̱nkeb. Chanchanakeb jun to̱n li cheꞌ rax rax ru.

Q'eqchi Bible

²⁸ Li k'ojk'o xch'ool rik'in li xb'ihomal, taa'oso'q jo' li chaqiq'een; ut li tiikeb' xch'ool chanchanaqeb' li raxraxil ru k'iche'.

Proverbios 11:28 ပူးပေါင်းရင်းမြစ်များ

1 Timoteo 6:17

Ta̱chꞌolob xya̱lal chiruheb li biom nak incꞌaꞌ teꞌxkꞌetkꞌeti ribeb chi moco teꞌxcꞌojob xchꞌo̱l saꞌ xbe̱n li biomal li na-osoꞌ. Cheꞌxqꞌue ban xchꞌo̱l chixyoꞌoninquil li yoꞌyo̱quil Dios. Aꞌan naqꞌuehoc ke chi nabal chixjunil li cꞌaꞌak re ru.

Jeremías 17:8

Ut chanchanak jun li cheꞌ aubil chire li haꞌ. Lix xeꞌ naxtau li haꞌ ut incꞌaꞌ nachakic saꞌ sakꞌehil. Junelic rax ru lix xak. Li cheꞌ aꞌan incꞌaꞌ nachakic nak incꞌaꞌ naxqꞌue li hab. Junelic nau̱chin saꞌ xkꞌehil.

Salmos 1:3

Li cui̱nk aꞌan chanchan jun li cheꞌ aubil chire li rok haꞌ. Li cheꞌ aꞌan incꞌaꞌ nachakic. Nau̱chin saꞌ xkꞌehil ut lix xak incꞌaꞌ nakꞌanoꞌ ru. Ut li naru̱chin nache̱coꞌ chi cha̱bil. Joꞌcan nak li cui̱nk li naxcꞌoxla lix chakꞌrab li Dios, us na-el riqꞌuin chixjunil li naxba̱nu.

Salmos 62:10

Me̱cꞌojob e̱chꞌo̱l saꞌ xbe̱n li pletic. Ut me̱cꞌoxla nak yal riqꞌuin elkꞌac te̱tau li tzꞌakal biomal. Usta cuan cꞌaꞌru e̱re, abanan me̱cꞌojob e̱chꞌo̱l saꞌ xbe̱n.

Isaías 60:21

Chixjunileb li tenamit ti̱cakeb chic xchꞌo̱leb. Eb aꞌan teꞌre̱chani chi junelic lix naꞌajeb li quinqꞌue reheb. Chanchanakeb jun li cheꞌ aubil aran. Aꞌaneb li cualal incꞌajol li quebinyi̱b chak re nak teꞌxcꞌutbesi lin lokꞌal.

Proverbios 10:15

Li biom naru naxcol rib riqꞌuin lix biomal. Abanan li nebaꞌ ma̱cꞌaꞌ naru naxcol cuiꞌ rib xban nak ma̱cꞌaꞌ cuan re.

Salmos 49:6

Eb aꞌan cꞌojcꞌo̱queb xchꞌo̱l saꞌ xbe̱n lix biomal. Ut nequeꞌxnimobresi rib xban nak cuan nabal cꞌaꞌruheb re.

San Lucas 12:20

Abanan li Dios quixye re, “Abi, at jip aj cui̱nk. Chiru a kꞌojyi̱n aꞌin tatca̱mk. Ut chixjunil li xocxo a̱ban, ¿ani aj e ta̱cana̱k cuiꞌ?”