Proverbios 11:20 - Li Santil hu

²⁰ Li Ka̱cuaꞌ Dios xicꞌ narileb li incꞌaꞌ useb xnaꞌleb. Aꞌut li nequeꞌxba̱nu li us sa xchꞌo̱l riqꞌuineb.

Q'eqchi Bible

²⁰ Li Qaawa' xik' narileb' li yib'ru xna'leb'eb', ab'an nasaho'k xch'ool rik'ineb' li chaab'ileb' xyu'am.

Proverbios 11:20 ပူးပေါင်းရင်းမြစ်များ

Salmos 119:1

Us xak reheb li nequeꞌcuan saꞌ ti̱quilal ut nequeꞌxba̱nu li cꞌaꞌru naxye lix chakꞌrab li Ka̱cuaꞌ.

1 Crónicas 29:17

At inDios, la̱in ninnau nak la̱at nacanau li cꞌaꞌru nanumeꞌ saꞌ li kacꞌaꞌux. Nacuulac cha̱cuu li ti̱quilal. Joꞌcan nak la̱in chi anchal inchꞌo̱l xinqꞌue a̱cue chixjunil aꞌin. Ut anakcuan xinqꞌue retal nak chi saheb saꞌ xchꞌo̱leb chixjunileb la̱ tenamit li chꞌutchꞌu̱queb arin xeꞌxqꞌue a̱cue lix mayejeb.

Proverbios 21:29

Eb li incꞌaꞌ useb xnaꞌleb nequeꞌxye nak cauheb rib. Abanan li ti̱queb xchꞌo̱l nequeꞌxnau cua̱nc saꞌ ti̱quilal.

Proverbios 6:14

Junes ma̱usilal cuan saꞌ xchꞌo̱leb. Junelic yo̱queb xcꞌoxlanquil li ma̱usilal. Junes ticoc ple̱t nequeꞌxba̱nu.

Proverbios 16:17

Li cꞌaꞌru nequeꞌxba̱nu li ti̱queb xchꞌo̱l, aꞌan xcanabanquil li ma̱usilal. Ut nequeꞌxqꞌue retal chi us li cꞌaꞌru nequeꞌxba̱nu re nak teꞌxcol rix lix yuꞌameb.

Proverbios 15:8

Li Ka̱cuaꞌ xicꞌ naril lix mayejeb li incꞌaꞌ useb xnaꞌleb. Abanan lix tijeb li ti̱queb xchꞌo̱l li Ka̱cuaꞌ naxcꞌul chi sa saꞌ xchꞌo̱l.

Proverbios 13:6

Li cha̱bileb xnaꞌleb nequeꞌcoleꞌ xban nak ti̱queb xchꞌo̱l. Abanan eb li incꞌaꞌ useb xnaꞌleb, aꞌ ajcuiꞌ li ma̱c li nequeꞌxba̱nu, aꞌan ta̱sachok reheb.

Proverbios 12:22

Li Ka̱cuaꞌ xicꞌ narileb li nequeꞌticꞌtiꞌic. Abanan nasahoꞌ riqꞌuineb li nequeꞌxye li ya̱l.

Proverbios 9:7

Cui ta̱kꞌus junak li kꞌetkꞌet li incꞌaꞌ us xnaꞌleb, ma̱cꞌaꞌ ta̱raj re xban nak aꞌan tatxseꞌe ut tatxhob.

Proverbios 8:13

Li ani naxxucua ru li Dios, xicꞌ naril li ma̱usilal. La̱in xicꞌ nacuil li kꞌetkꞌetil ut li nimobresi̱nc ib ut li ticꞌtiꞌic.

Salmos 140:13

Relic chi ya̱l li ti̱queb xchꞌo̱l teꞌxqꞌue a̱lokꞌal, at nimajcual Dios, ut teꞌcua̱nk chi sum a̱tin a̱cuiqꞌuin.

Salmos 51:6

La̱at nacuulac cha̱cuu li ti̱quil chꞌo̱lej ut nacacutanobresi lin cꞌaꞌux.

Salmos 11:7

Li Ka̱cuaꞌ Dios ti̱c xchꞌo̱l ut naxra li ti̱quilal. Ut eb li ti̱queb xchꞌo̱l teꞌcua̱nk riqꞌuin li Dios saꞌ choxa.

Salmos 101:4

Incꞌaꞌ tincꞌoxla li incꞌaꞌ us chi moco tinba̱nu li ma̱usilal li nequeꞌxba̱nu eb aꞌan.

Proverbios 3:32

Li Ka̱cuaꞌ xicꞌ narileb li nequeꞌxba̱nu li incꞌaꞌ us, ut cuan chi sum a̱tin riqꞌuineb li cuanqueb saꞌ ti̱quilal.

Proverbios 11:21

Relic chi ya̱l nak eb li incꞌaꞌ useb xnaꞌleb tento nak teꞌxcꞌul lix tojbal xma̱c. Abanan eb li ti̱queb xchꞌo̱l teꞌcolekꞌ chiru li tojba ma̱c.

Proverbios 14:9

Li ma̱cꞌaꞌeb xnaꞌleb ma̱cꞌaꞌ nequeꞌraj re nak nequeꞌxba̱nu li ma̱usilal. Abanan eb li cha̱bileb nasahoꞌ saꞌ xchꞌo̱leb chixba̱nunquil li us.

Proverbios 15:26

Li Ka̱cuaꞌ xicꞌ naril li cꞌaꞌru nequeꞌxcꞌoxla li incꞌaꞌ useb xnaꞌleb. Abanan nacuulac chiru li cꞌaꞌru nequeꞌxcꞌoxla li ti̱queb xchꞌo̱l.