Proverbios 11:11 - Li Santil hu

¹¹ Nak eb li ti̱queb xchꞌo̱l nequeꞌosobtesi̱c, na-osobtesi̱c ajcuiꞌ li tenamit. Abanan eb li incꞌaꞌ useb xnaꞌleb naru nequeꞌxpoꞌ li tenamit riqꞌuin li cꞌaꞌru nequeꞌxye.

Q'eqchi Bible

¹¹ Naq li Yos narosob'tesiheb' li tiikeb' xch'ool, nawakliik chixjunil li tenamit; a'ut li ink'a' useb' xna'leb' neke'xjuk' li tenamit rik'in li raatineb'.

Proverbios 11:11 ပူးပေါင်းရင်းမြစ်များ

Proverbios 14:34

Junak li tenamit li cuan saꞌ ti̱quilal cuan xlokꞌal. Ut li tenamit li incꞌaꞌ nacuan saꞌ ti̱quilal xuta̱nal na-el.

Proverbios 29:8

Eb li nequeꞌcuulac chiru hoboc nequeꞌxtiquib chꞌaꞌajquilal saꞌ junak tenamit. Abanan eb li cuanqueb xnaꞌleb nequeꞌxnau xyi̱banquil ru li chꞌaꞌajquilal.

Santiago 3:6

Numtajenak xyibal ru naxye li ruꞌuj akꞌ. Chanchan lix ma̱usilal li ruchichꞌochꞌ. Li ruꞌuj kakꞌ, aꞌan jun xchaꞌal li katzꞌejcual kꞌaxal caꞌchꞌin; aban riqꞌuin li ma̱usilal naxye, naxpoꞌ kanaꞌleb. Lix ma̱usilal nachal chak saꞌ xbalba ut naxpoꞌ kanaꞌleb saꞌ kayoꞌlajic toj chalen saꞌ li kacamic.

Eclesiastés 9:15

Ut saꞌ li tenamit aꞌan, cuan jun li cui̱nk cuan xnaꞌleb usta nebaꞌ. Li cui̱nk aꞌan xru raj xcolbal li tenamit xban nak cuan xnaꞌleb. Abanan ma̱ ani quixcꞌoxla nak aꞌan cuan xnaꞌleb xban nak nebaꞌ.

Li xHu LAJ JOB 22:30

Aꞌan ta̱colok a̱cue cui ma̱cꞌaꞌ a̱ma̱c. Aꞌan ta̱tenkꞌa̱nk a̱cue cui cuancat saꞌ ti̱quilal, chan laj Elifaz.

2 Samuel 20:1

Saꞌ li tenamit Gilgal quicuan jun li cui̱nk incꞌaꞌ us xnaꞌleb. Aꞌan laj Seba, ralal laj Bicri. Xcomoneb li ralal xcꞌajol laj Benjamín. Laj Seba quixya̱basi li trompeta re xchꞌutubanquileb li tenamit, ut quixye reheb: —La̱o ma̱cꞌaꞌ nakara chirix laj David li ralal laj Isaí. Ma̱cꞌaꞌ tixqꞌue ke. Chikajunilo toxic saꞌ kamuheba̱l, chan.

Génesis 45:8

Ma̱cuaꞌ e̱ban la̱ex nak cuanquin arin. Aꞌ li Ka̱cuaꞌ Dios quinixtakla chak arin re nak tinchꞌolob xya̱lal chiru laj faraón. Li Ka̱cuaꞌ Dios quixkꞌaxtesi saꞌ cuukꞌ chixjunil li cꞌaꞌru cuan re laj faraón ut la̱in ajcuiꞌ quin-oc chokꞌ acuabej re chixjunil li tenamit Egipto.

Proverbios 11:10

Nak eb li ti̱queb xchꞌo̱l us nequeꞌel, eb li tenamit nequeꞌsahoꞌ saꞌ xchꞌo̱leb. Ut nak nequeꞌcam li incꞌaꞌ useb xnaꞌleb, li tenamit kꞌaxal cuiꞌchic nequeꞌsahoꞌ saꞌ xchꞌo̱leb.

Proverbios 11:12

Li ani ma̱cꞌaꞌ xnaꞌleb naxhob li ras ri̱tzꞌin. Ut li ani cuan xnaꞌleb incꞌaꞌ naxhob li ras ri̱tzꞌin.

Proverbios 28:2

Nak li tenamit incꞌaꞌ sa saꞌ xchꞌo̱l cocꞌ aj xsaꞌ nequeꞌxjal li acuabej. Abanan nak cuan junak acuabej cha̱bil xnaꞌleb, li tenamit cau rib ut xakxo saꞌ xnaꞌaj.