Proverbios 11:10 - Li Santil hu

¹⁰ Nak eb li ti̱queb xchꞌo̱l us nequeꞌel, eb li tenamit nequeꞌsahoꞌ saꞌ xchꞌo̱leb. Ut nak nequeꞌcam li incꞌaꞌ useb xnaꞌleb, li tenamit kꞌaxal cuiꞌchic nequeꞌsahoꞌ saꞌ xchꞌo̱leb.

Q'eqchi Bible

¹⁰ Naq li tiik xch'ool us na'elk, k'ajo' naq neke'saho'k xch'ool li tenamit; ut naq nakamk li ink'a' us xna'leb', neke'xajok chixjunileb'.

Proverbios 11:10 ပူးပေါင်းရင်းမြစ်များ

Proverbios 28:12

Nak eb li ti̱queb xchꞌo̱l nequeꞌxakaba̱c saꞌ xcuanquil, chixjunileb nequeꞌsahoꞌ saꞌ xchꞌo̱leb. Abanan nak nequeꞌxakaba̱c saꞌ xcuanquil li incꞌaꞌ useb xnaꞌleb, li tenamit nequeꞌxmuk ribeb xbaneb xxiu.

Jueces 5:31

Joꞌcaꞌin taxak nak cheꞌosokꞌ chixjunileb li xicꞌ nequeꞌiloc a̱cue, at Ka̱cuaꞌ. Ut eb li nequeꞌrahoc a̱cue, chanchanakeb taxak li sakꞌe nak nalemtzꞌun cuaꞌleb, chanqueb saꞌ lix bich. Nak ac xnumeꞌ li ple̱t aꞌin, li tenamit Israel queꞌcuan saꞌ usilal chiru caꞌcꞌa̱l chihab.

Proverbios 28:28

Nak eb li incꞌaꞌ useb xnaꞌleb nequeꞌoc saꞌ xcuanquil, eb li cristian nequeꞌxmuk ribeb xbaneb xxiu. Abanan nak nequeꞌsacheꞌ ruheb li incꞌaꞌ useb xnaꞌleb, us nequeꞌel riqꞌuin li cꞌaꞌru nequeꞌxba̱nu li ti̱queb xchꞌo̱l.

Li xHu LAJ JOB 27:23

Ut eb li cristian teꞌxpokꞌpokꞌi li rukꞌeb chirilbal nak ta̱sachekꞌ ruheb li incꞌaꞌ useb xnaꞌleb. Ut yo̱keb chixxuxbanquil.

Éxodo 15:21

Lix María quixbicha li bich aꞌin: Bichanko chiru li Ka̱cuaꞌ Dios xban nak kꞌaxal nim lix cuanquilal. Quixcuteb chi haꞌ li cacua̱y joꞌ eb ajcuiꞌ li cuanqueb chirix, chan nak quibichan.

2 Reyes 11:20

Chixjunileb li tenamit saheb saꞌ xchꞌo̱l ut queꞌcuan saꞌ xya̱lal nak ac xcamsi̱c lix Atalía nachꞌ riqꞌuin li rochoch li rey.

Proverbios 11:11

Nak eb li ti̱queb xchꞌo̱l nequeꞌosobtesi̱c, na-osobtesi̱c ajcuiꞌ li tenamit. Abanan eb li incꞌaꞌ useb xnaꞌleb naru nequeꞌxpoꞌ li tenamit riqꞌuin li cꞌaꞌru nequeꞌxye.

Proverbios 29:2

Nak li ti̱queb xchꞌo̱l nequeꞌqꞌueheꞌ saꞌ xcuanquil, eb li tenamit nequeꞌsahoꞌ saꞌ xchꞌo̱leb. Abanan kꞌaxal narahoꞌ saꞌ xchꞌo̱leb nak eb li incꞌaꞌ useb xnaꞌleb nequeꞌqꞌueheꞌ saꞌ xcuanquil.

2 Crónicas 23:13

Quiril li rey xakxo chixcꞌatk li rokechal li templo li cuan saꞌ li oqueba̱l li nequeꞌxxakab cuiꞌ ribeb li rey. Laj Joás sutsu xbaneb li nequeꞌtaklan saꞌ xbe̱neb li soldados joꞌ eb ajcuiꞌ li nequeꞌxya̱basi li trompetas. Eb li tenamit yo̱queb chixjapbal reheb xban xsahil xchꞌo̱leb ut yo̱queb chixya̱basinquil li trompetas. Eb laj bichanel yo̱queb chixchꞌeꞌbaleb lix cuajb ut yo̱queb chi cꞌamoc be chixlokꞌoninquil li Dios. Lix Atalía quixpej li rakꞌ ut quixjap re chixyebal: —¡Xineꞌxbalakꞌi! chan.

2 Crónicas 23:21

Chixjunileb li tenamit saheb saꞌ xchꞌo̱leb ut queꞌcuan chic saꞌ xya̱lal xban nak ac xcamsi̱c lix Atalía.

Jeremías 51:48

Ut chixjunileb li cuanqueb saꞌ choxa ut eb li cuanqueb saꞌ ruchichꞌochꞌ teꞌxjap reheb xban xsahil xchꞌo̱leb xban li cꞌaꞌru teꞌxcꞌul eb laj Babilonia. Eb li teꞌsachok reheb teꞌcha̱lk chak saꞌ li norte, chan li Ka̱cuaꞌ.