Proverbios 10:8 - Li Santil hu

⁸ Li ani cuan xnaꞌleb naxcꞌu̱luban lix tijbal. Ut li ani nacuulac chiru a̱tinac chi ma̱cꞌaꞌ rajbal ta̱osokꞌ.

Q'eqchi Bible

⁸ Li chaab'il xna'leb' narab'i ut naxpaab' li xchaq'rab'inkil; li junes mem aj aatin naxye, taa'oso'q.

Proverbios 10:8 ပူးပေါင်းရင်းမြစ်များ

Proverbios 12:1

Li ani naxqꞌue saꞌ xchꞌo̱l li xtijbal, aꞌan cuan xnaꞌleb. Ut li ani naxtzꞌekta̱na lix kꞌusbal, aꞌan ma̱cꞌaꞌ xnaꞌleb.

Santiago 3:13

Li ani cuanqueb xnaꞌleb saꞌ e̱ya̱nk ut nequeꞌxnau xya̱lal chi us, cheꞌxcꞌutak saꞌ tu̱lanil lix cha̱bilaleb aꞌ yal chanru lix naꞌlebeb.

Proverbios 9:9

Cui ta̱qꞌue xnaꞌleb junak li naxnau cꞌoxlac, aꞌan kꞌaxal cuiꞌchic tixtau xnaꞌleb. Chꞌolob xya̱lal chiru li ani cha̱bil ut aꞌan tixtzol rib chi us.

Proverbios 1:5

Li ani cuan xnaꞌleb ut se̱b xchꞌo̱l chixqꞌuehak retal li a̱tin aꞌin re nak tixtau xtzꞌakob lix naꞌleb.

Eclesiastés 10:12

Li a̱tin li naxye li cuan xnaꞌleb nasukꞌi usilal chokꞌ re. Abanan li cꞌaꞌru naxye li ma̱cꞌaꞌ xnaꞌleb, aꞌan ajcuiꞌ nasachoc re.

Proverbios 14:23

Li ani nacꞌanjelac naru nacuan cꞌaꞌru re. Abanan li ani junes a̱tinac naxba̱nu cuan saꞌ nebaꞌil.

Proverbios 14:8

Li ani se̱b xchꞌo̱l cuan xnaꞌleb chixqꞌuebal retal chanru lix yuꞌam. Abanan li ma̱cꞌaꞌeb xnaꞌleb incꞌaꞌ nequeꞌxnau xqꞌuebal retal chanru lix yuꞌameb. Xjuneseb nequeꞌxbalakꞌi rib.

Proverbios 13:3

Li ani naxba̱nu cue̱nt riqꞌuin li a̱tinac yo̱ chixcolbal rix lix yuꞌam. Ut li ani nacuulac chiru a̱tinac xjunes naxsach rib.

Proverbios 12:13

Eb li incꞌaꞌ useb xnaꞌleb nequeꞌxbok raylal saꞌ xbe̱neb riqꞌuin li ticꞌtiꞌic nequeꞌxba̱nu. Abanan eb li ti̱queb xchꞌo̱l nequeꞌxnau xcolbal ribeb chiru li raylal.

Proverbios 10:10

Li ani naxmutzꞌ li xnakꞌ ru re xmukbal li ma̱usilal, nabal raylal ta̱cha̱lk saꞌ xbe̱n. Ut li ani naa̱tinac chi incꞌaꞌ naxqꞌue retal li cꞌaꞌru naxye, xjunes naxsach rib.

Salmos 119:34

Chaqꞌue taxak innaꞌleb re nak ta̱ru̱k tinba̱nu li cꞌaꞌru naxye la̱ chakꞌrab. Chi anchal taxak inchꞌo̱l tinba̱nu li cꞌaꞌru naxye.

Proverbios 9:8

Ma̱qꞌue xnaꞌleb li ani naxhob ras ri̱tzꞌin xban xkꞌetkꞌetil xban nak aꞌan xicꞌ chic tatril. Abanan cui ta̱qꞌue xnaꞌleb li naxnau cꞌoxlac, aꞌan tatxra.

Proverbios 10:14

Li ani cuan xnaꞌleb naxqꞌue xlokꞌal li cha̱bil naꞌleb. Ut nak nequeꞌa̱tinac li incꞌaꞌ nequeꞌxtau xya̱lal, nachal nabal li raylal.