Proverbios 10:7 - Li Santil hu

⁷ Li cha̱bileb xnaꞌleb junelic teꞌjultica̱k. Abanan li incꞌaꞌ useb xnaꞌleb, ma̱ ani ta̱jultica̱nk reheb.

Q'eqchi Bible

⁷ Junelik osob'tesinb'il li xk'ab'a' li winq chaab'il; a'ut li ink'a' us xna'leb' sa' junpaat taasache'q li xk'ab'a'.

Proverbios 10:7 ပူးပေါင်းရင်းမြစ်များ

Salmos 112:6

Incꞌaꞌ tixcanab xba̱nunquil li ti̱quilal. Junelic ta̱jultica̱k xban nak ti̱c xchꞌo̱l.

San Lucas 1:48

xban nak xruxta̱na cuu la̱in aj cꞌanjel chiru, usta ma̱cꞌaꞌ incuanquil. Chalen anakcuan us xak re chaꞌkeb cue chixjunileb li tenamit.

San Marcos 14:9

Relic chi ya̱l tinye e̱re nak ta̱yema̱nk resil li colba-ib yalak bar, ta̱yema̱nk ajcuiꞌ resil li cꞌaꞌru xba̱nu li ixk aꞌin re xjulticanquil aꞌan, chan.

Salmos 109:13

Cheꞌca̱mk ta chixjunileb li ralal xcꞌajol ut chisachk ta lix cꞌabaꞌeb chi junaj cua.

2 Crónicas 24:16

Quimukeꞌ saꞌ lix tenamit laj David saꞌ li naꞌajej li queꞌmukeꞌ cuiꞌ eb li rey xban nak quicuan saꞌ ti̱quilal saꞌ xya̱nkeb laj Israel ut chiru li Dios. Ut quixba̱nu ajcuiꞌ li us saꞌ lix templo li Dios.

Salmos 109:15

Junelic ta̱jultica̱k re li Ka̱cuaꞌ lix ma̱queb ut incꞌaꞌ ta chic cheꞌjultica̱k lix cꞌabaꞌeb saꞌ ruchichꞌochꞌ.

Li xHu LAJ JOB 18:17

Ta̱osokꞌ ut ma̱ ani chic ta̱jultica̱nk re. Ut ma̱ ani chic ta̱patzꞌok re lix cꞌabaꞌ.

2 Reyes 19:34

La̱in tin-ilok re li tenamit ut la̱in ajcuiꞌ tincolok re. Tinba̱nu aꞌin saꞌ incꞌabaꞌ la̱in ut saꞌ xcꞌabaꞌ laj David li quicꞌanjelac chicuu,” chan li Ka̱cuaꞌ.—

1 Reyes 11:36

Li ralal laj Salomón tinxakab chi takla̱nc saꞌ xbe̱n jun te̱p li ralal xcꞌajol laj Israel re nak junelic cua̱nk junak reheb li ralal xcꞌajol laj David li ta̱oc chokꞌ rey aran Jerusalén, li tenamit li sicꞌbil ru inban li tineꞌxlokꞌoni cuiꞌ.

Eclesiastés 8:10

Ut ninqꞌue ajcuiꞌ retal nak eb li incꞌaꞌ useb xnaꞌleb nequeꞌqꞌueheꞌ xlokꞌal nak nequeꞌmukeꞌ. Abanan li nequeꞌxic rajlal saꞌ li templo, ma̱ ani nacꞌoxlan re li ti̱quilal li queꞌxba̱nu saꞌ li tenamit. Chixjunil aꞌin ma̱cꞌaꞌ na-oc cuiꞌ.

Li xHu LAJ JOB 27:23

Ut eb li cristian teꞌxpokꞌpokꞌi li rukꞌeb chirilbal nak ta̱sachekꞌ ruheb li incꞌaꞌ useb xnaꞌleb. Ut yo̱keb chixxuxbanquil.

Jeremías 17:13

At Ka̱cuaꞌ, la̱at li kayoꞌon la̱o aj Israel. Eb li nequeꞌtzꞌekta̱nan a̱cue xuta̱nal teꞌe̱lk. Joꞌ nak nasach li cꞌabaꞌej tzꞌi̱banbil saꞌ li poks, joꞌcan ajcuiꞌ nak teꞌsachekꞌ ruheb li nequeꞌtzꞌekta̱nan a̱cue. At Ka̱cuaꞌ, la̱at li nacatqꞌuehoc junelic yuꞌam. Chanchanat li yuꞌam haꞌ li incꞌaꞌ nachakic.

2 Crónicas 32:33

Laj Ezequías quicam ut quimukeꞌ saꞌ lix tenamit laj David saꞌ li mukleba̱l li najt xteram. Chixjunileb laj Judá ut laj Jerusalén queꞌxqꞌue xlokꞌal nak quicam. Ut aꞌ chic laj Manasés li ralal qui-oc chokꞌ rey chokꞌ re̱kaj.

Li xHu LAJ JOB 24:20

Ut incꞌaꞌ chic teꞌcꞌoxla̱k xban lix naꞌeb. Teꞌmotzoꞌi̱nk. Ma̱ ani chic ta̱patzꞌok reheb. Teꞌosokꞌ joꞌ nak nakꞌa li cheꞌ.

Salmos 34:16

Cuan xjoskꞌil li Dios saꞌ xbe̱neb li nequeꞌxba̱nu li incꞌaꞌ us. Ut nak nequeꞌcam ma̱ ani chic najultican reheb saꞌ ruchichꞌochꞌ xban nak incꞌaꞌ useb xnaꞌlebeb.

Proverbios 22:1

Kꞌaxal us nak ta̱abi̱k resil nak cha̱bil xnaꞌleb junak chiru nak cua̱nk nabal lix biomal. Kꞌaxal us nak ta̱qꞌuehekꞌ xlokꞌal chiru nak cua̱nk nabal lix oro ut lix plata.

Isaías 14:22

Li Ka̱cuaꞌ li nimajcual Dios quixye: —La̱in tinsacheb ru. Tinsach li nimla tenamit Babilonia. Ma̱ ani chic ta̱cana̱k chi yoꞌyo, chi moco li ralal xcꞌajol. La̱in li Ka̱cuaꞌ li nimajcual Dios ninyehoc re aꞌin.

Salmos 34:17

Eb li ti̱queb xchꞌo̱l nequeꞌxya̱ba xcꞌabaꞌ li Ka̱cuaꞌ ut aꞌan narabi li cꞌaꞌru nequeꞌxtzꞌa̱ma chiru. Ut aꞌan nacoloc reheb chiru li raylal.

Salmos 41:5

Eb li xicꞌ nequeꞌiloc cue nequeꞌxtzꞌa̱ma li incꞌaꞌ us saꞌ inbe̱n ut nequeꞌxye: ¿Jokꞌe ta̱ca̱mk re nak incꞌaꞌ chic ta̱patzꞌekꞌ xcꞌabaꞌ? chanqueb.