Proverbios 10:3 - Li Santil hu

³ Li Ka̱cuaꞌ incꞌaꞌ tixcanab li ti̱c xchꞌo̱l chixcuybal xtzꞌocajic xban nebaꞌil. Abanan eb li incꞌaꞌ useb xnaꞌleb ma̱cꞌaꞌ tixqꞌue reheb re risinquil lix tzꞌocajiqueb.

Q'eqchi Bible

³ Li Qaawa' ink'a' naxk'e chi kuyuk tz'okaak li tiik xch'ool; ab'an ink'a' naxk'e re li ink'a' us xna'leb' li k'aru narataw.

Proverbios 10:3 ပူးပေါင်းရင်းမြစ်များ

Salmos 37:25

Saꞌ insa̱jilal ut chalen anakcuan saꞌ inti̱xilal ma̱ jun sut cuilom ut ma̱ jun sut cuabiom nak li ti̱queb xchꞌo̱l tzꞌekta̱nanbileb ta xban li Ka̱cuaꞌ. Ut ma̱ jun sut cuilom nak li ralal xcꞌajoleb li ti̱queb xchꞌo̱l yo̱queb ta xtzꞌa̱manquil xcuaheb yalak bar.

Salmos 37:3

Cauhak taxak e̱chꞌo̱l riqꞌuin li Ka̱cuaꞌ ut cheba̱nuhak li us. Chexcua̱nk saꞌ ti̱quilal saꞌ li naꞌajej cuanquex cuiꞌ.

Sofonías 1:18

Chi moco lix plata chi moco lix oro ta̱ru̱k ta̱colok reheb chiru lix joskꞌil li Dios saꞌ li cutan aꞌan. Lix joskꞌil li Dios chanchan li xam nak tixsach chixjunil li ruchichꞌochꞌ. Chixjunileb li cuanqueb saꞌ ruchichꞌochꞌ teꞌosokꞌ chiru junpa̱t.

Salmos 37:19

Incꞌaꞌ ra teꞌxcꞌul saꞌ xkꞌehil li raylal ut saꞌ xkꞌehil li cueꞌej junelic cua̱nk xtzacae̱mkeb.

Salmos 33:19

Li Ka̱cuaꞌ, aꞌan nacoloc reheb chiru li ca̱mc, ut aꞌan ajcuiꞌ nacoloc reheb saꞌ xkꞌehil li cueꞌej.

Li xHu LAJ JOB 5:20

Nak yo̱k li cueꞌej, aꞌan ta̱colok a̱cue chiru li ca̱mc. Ut nak yo̱k li pletic, aꞌan ta̱colok a̱cue re nak incꞌaꞌ tateꞌxcamsi.

San Lucas 12:31

Abanan la̱ex te̱sicꞌ lix nimajcual cuanquilal li Dios ut chixjunil li cꞌaꞌak re ru aꞌin talajqꞌuehekꞌ e̱re chokꞌ xtzꞌakob.

Isaías 33:16

Li ani naxba̱nu li us, aꞌan ta̱colekꞌ. Ma̱cꞌaꞌ tixcꞌul. Chanchan nak cuan saꞌ jun naꞌajej najt xteram li nequeꞌxcol cuiꞌ ribeb li tenamit. Ut junelic ta̱cua̱nk xcua rucꞌa.

Proverbios 14:32

Li ani incꞌaꞌ useb xnaꞌleb, aꞌ ajcuiꞌ lix ma̱usilaleb nasachoc reheb. Ut eb li ti̱c xchꞌo̱leb incꞌaꞌ nequeꞌxxucua ru li ca̱mc xban nak cuan li cꞌaꞌru nequeꞌroybeni.

Salmos 112:10

Eb li incꞌaꞌ useb xnaꞌleb nequeꞌxqꞌue retal nak osobtesinbil li cha̱bil xnaꞌleb. Nequeꞌjoskꞌoꞌ xban. Xicꞌ chic nequeꞌril ut nequeꞌraj xba̱nunquil ma̱usilal re. Abanan incꞌaꞌ teꞌru̱k.

Li xHu LAJ JOB 20:28

Chixjunil lix biomal cuan ta̱osokꞌ nak li Dios tixcꞌutbesi lix joskꞌil chiru.

Salmos 10:14

La̱at nacacuil li ma̱usilal nequeꞌxba̱nu ut la̱at ajcuiꞌ tatqꞌuehok reheb chixtojbaleb xma̱c. Li nequeꞌcꞌuluc raylal nequeꞌxkꞌaxtesi rib saꞌ a̱cuukꞌ ut la̱at nacattenkꞌan reheb.

Proverbios 13:25

Eb li ti̱queb xchꞌo̱l nequeꞌcuaꞌac toj nequeꞌcꞌojla xchꞌo̱leb. Abanan eb li incꞌaꞌ useb xnaꞌleb toj teꞌtzꞌoca̱k ajcuiꞌ nequeꞌcana.

Proverbios 28:9

Li ani incꞌaꞌ naraj rabinquil lix chakꞌrab li Dios, li Dios naxtzꞌekta̱na ajcuiꞌ lix tij aꞌan nak ta̱tijok.

Proverbios 28:25

Li ani naxrahi ru li cꞌaꞌak re ru yal re aꞌan xjunes, aꞌan nayoꞌoban ple̱t. Abanan li ani naxcꞌojob xchꞌo̱l riqꞌuin li Dios us ta̱e̱lk riqꞌuin li cꞌaꞌru naxba̱nu.

Li xHu LAJ JOB 15:23

Lix tibel ta̱cꞌanjelak re teꞌxtzaca li soꞌsol. Aꞌan naxnau nak ta̱osokꞌ. Incꞌaꞌ chic ta̱colekꞌ.