Proverbios 10:26 - Li Santil hu

²⁶ Junak mo̱s incꞌaꞌ naraj trabajic, ra tixcꞌul lix patrón riqꞌuin. Chanchan nak narahoꞌ li ruch re xban li vinagre malaj ut chanchan xrahil li sib na-oc saꞌ xnakꞌ ru.

Q'eqchi Bible

²⁶ Laj q'em, a'an chanchan li sib': k'ajo' naq naxrahob'tesi xch'ool laj eechal re.

Proverbios 10:26 ပူးပေါင်းရင်းမြစ်များ

Proverbios 26:6

Li ani tixtakla junak ma̱cꞌaꞌ xnaꞌleb chixba̱nunquil lix taklanquil, aꞌan yo̱ chixqꞌuebal rib saꞌ chꞌaꞌajquilal.

Proverbios 25:13

Kꞌaxal lokꞌ li cha̱bil takl chokꞌ re li ani nataklan re. Naxqꞌue xsahil xchꞌo̱l lix patrón. Chanchan xquehal li sakbach chiru li cutan tik ru.

Hebreos 6:12

Incꞌaꞌ nakaj nak te̱cuiba e̱chꞌo̱l. Cheba̱nu ban joꞌ nequeꞌxba̱nu li nequeꞌpa̱ban chi anchal xchꞌo̱l. Incꞌaꞌ nequeꞌtitzꞌ. Nequeꞌxcuy ut nequeꞌre̱chani li yechiꞌinbil xban li Dios.

San Mateo 25:26

Ut li patrón quijoskꞌoꞌ ut quixye re: “Incꞌaꞌ us la̱ naꞌleb. Incꞌaꞌ nacacuaj trabajic. Xanau nak ninkꞌoloc bar incꞌaꞌ nin-au cuiꞌ. Ut xanau nak ninxococ bar incꞌaꞌ ninpajin cuiꞌ iyaj.

Proverbios 25:20

Li ani naxic chi bicha̱nc riqꞌuin junak ra saꞌ xchꞌo̱l, aꞌan naxqꞌue xtzꞌakob xrahil xchꞌo̱l. Chanchan nak naxqꞌue vinagre saꞌ lix yocꞌolal malaj ut narisi li rakꞌ nak yo̱ li que.

Romanos 12:11

Qꞌuehomak e̱chꞌo̱l chi cꞌanjelac chiru li Ka̱cuaꞌ. Mexcꞌanjelac chi yal minbil e̱ru. Chexcꞌanjelak ban chiru li Ka̱cuaꞌ chi anchal e̱chꞌo̱l.

Isaías 65:5

Nequeꞌxye reheb li ras ri̱tzꞌin, “Cana̱kat aran. Matjiloc chak cuiqꞌuin. Mina̱mux xban nak santin la̱in,” chanqueb. Cꞌajoꞌ nak nequeꞌxtaksi lin joskꞌil. Chanchaneb li xam li naxnumsi li cutan chi lochlo. Chanchaneb li sib li nachꞌiꞌchꞌiꞌin cue.

Proverbios 6:6

Ilomakeb li sa̱nc, la̱ex li incꞌaꞌ nacuulac che̱ru cꞌanjelac. Qꞌuehomak retal li cꞌaꞌru nequeꞌxba̱nu ut tzolomak e̱rib riqꞌuineb.