Proverbios 10:25 - Li Santil hu

²⁵ Eb li incꞌaꞌ useb xnaꞌleb nequeꞌosoꞌ joꞌ nak nanumeꞌ li ca̱k-sut-ikꞌ. Abanan eb li ti̱queb xchꞌo̱l cua̱nkeb chi junelic.

Q'eqchi Bible

²⁵ Li ink'a' us xna'leb' na'oso'k xb'aan li k'iila rahilal; ut li tiik xch'ool wanq chi junelik.

Proverbios 10:25 ပူးပေါင်းရင်းမြစ်များ

Salmos 15:5

Nequeꞌxqꞌue lix tumineb chi toꞌ ut incꞌaꞌ nequeꞌxpatzꞌ ral. Ut incꞌaꞌ nequeꞌxsume ticꞌtiꞌic chirixeb li ras ri̱tzꞌin usta nayechiꞌi̱c xtumineb. Eb li nequeꞌxba̱nu li usilal aꞌin incꞌaꞌ nachꞌinan xchꞌo̱leb riqꞌuin li Dios.

Salmos 58:9

Riqꞌuin xjoskꞌil li Dios tixsacheb saꞌ junpa̱t chi incꞌaꞌ teꞌxqꞌue retal. Chanchanakeb li pim li na-osoꞌ xban xam chi toj ma̱cꞌaꞌ xqꞌuix.

Proverbios 12:3

Ma̱ ani naru naxcꞌojob xchꞌo̱l saꞌ xbe̱n li ma̱usilal. Abanan li ti̱queb xchꞌo̱l cꞌojcꞌo̱queb xchꞌo̱l saꞌ xbe̱n li ti̱quilal.

2 Timoteo 2:19

Abanan lix ya̱lal qꞌuebil ke xban li Dios incꞌaꞌ naru najalman ru. Joꞌcaꞌin tzꞌi̱banbil saꞌ li Santil Hu: li Dios naxnau ruheb li ralal xcꞌajol, ut chixjunileb li teꞌxcꞌabaꞌin xcꞌabaꞌ li Ka̱cuaꞌ, tento nak teꞌxcanab chi junaj cua li ma̱usilal.

1 Timoteo 6:19

Cui nequeꞌxba̱nu chi joꞌcan yo̱queb chixcꞌu̱lanquil lix ra̱baleb saꞌ choxa ut riqꞌuin aꞌan cꞌojcꞌo̱k xchꞌo̱leb. Cheꞌxba̱nuhak chi joꞌcan re nak ta̱cua̱nk lix yuꞌameb chi tzꞌakal re ru ut chi numtajenak xsahil xchꞌo̱leb.

Efesios 2:20

La̱o aj pa̱banel chanchano li rochoch li Dios. Chanchano li pec li na-oc saꞌ xbe̱n li cimiento. Ut li cimiento, aꞌaneb li apóstol ut li profeta. Abanan li tzꞌakal xakxo cuiꞌ li cab, aꞌan li Jesucristo.

San Mateo 16:18

Ut la̱in ninye a̱cue nak la̱at laj Pedro. Ut saꞌ xbe̱n li sako̱nac aꞌin la̱in tincabla lin iglesia ut laj tza ma̱cꞌaꞌak xcuanquil saꞌ xbe̱n.

Isaías 40:24

Eb aꞌan teꞌosokꞌ. Chanchan li ma̱ jun sut queꞌcuan saꞌ ruchichꞌochꞌ. Chanchaneb li acui̱mk li tojeꞌ xmok ut toj ma̱jiꞌ xchap xxeꞌ chi us. Nak li Ka̱cuaꞌ naxtakla li ikꞌ, nequeꞌchakic ut nequeꞌcꞌameꞌ xban li ikꞌ joꞌ li qꞌuim.

Proverbios 12:7

Eb li incꞌaꞌ useb xnaꞌleb teꞌsachekꞌ ruheb ut teꞌosokꞌ chi junaj cua. Abanan eb li ti̱queb xchꞌo̱l cua̱nkeb chi junelic, joꞌ eb ajcuiꞌ li ralal xcꞌajol.

Proverbios 1:27

Nak ta̱cha̱lk saꞌ e̱be̱n li xiu ut li chꞌaꞌajquilal, incꞌaꞌ chic te̱tau cꞌaꞌru te̱ba̱nu xban li raylal li yo̱kex chixcꞌulbal. Chanchan nak nachal li ikꞌ li naxsuti rib nak ta̱cha̱lk li raylal saꞌ e̱be̱n ut tixsach e̱ru.

Li xHu LAJ JOB 21:18

¿Ma xeꞌchaꞌchaꞌi̱c ta biꞌ jun sutak ruheb aꞌan joꞌ nak nacꞌameꞌ li qꞌuim xban li ikꞌ malaj ut joꞌ nak nacꞌameꞌ lix mokoj li ixim xban li ikꞌ li naxsuti rib?

Proverbios 10:30

Li ti̱queb xchꞌo̱l junelic us nequeꞌel riqꞌuin li cꞌaꞌru nequeꞌxba̱nu. Abanan eb li incꞌaꞌ useb xnaꞌleb incꞌaꞌ najt teꞌcua̱nk saꞌ ruchichꞌochꞌ.

Li xHu LAJ JOB 17:9

Abanan li ti̱c xchꞌo̱l cau cua̱nk saꞌ lix pa̱ba̱l ut xban nak ti̱c xchꞌo̱l, cauhak rib.

Li xHu LAJ JOB 20:8

Ta̱osokꞌ lix yuꞌam joꞌ jun li matcꞌ. Ta̱sachk joꞌ nak nasach saꞌ xchꞌo̱leb junak li visión. Ut ma̱ ani chic ta̱taꞌok re.

Salmos 58:10

Li ti̱queb xchꞌo̱l teꞌsahokꞌ chirilbal nak teꞌqꞌuehekꞌ chixtojbal xma̱queb li incꞌaꞌ useb xnaꞌleb. Chanchan nak teꞌnumekꞌ saꞌ xbe̱n lix quiqꞌueleb nak teꞌsachekꞌ ruheb li incꞌaꞌ useb xnaꞌleb.

Salmos 125:1

Li cauheb xchꞌo̱l riqꞌuin li Ka̱cuaꞌ cauheb rib. Chanchaneb li tzu̱l Sión li incꞌaꞌ na-ecꞌan saꞌ xnaꞌaj. Cuan ban saꞌ xnaꞌaj chi junelic.