Proverbios 10:22 - Li Santil hu

²² Li ani na-osobtesi̱c xban li Dios, aꞌan cuan xbiomal, ut incꞌaꞌ naxqꞌue rahil chꞌo̱lej.

Q'eqchi Bible

²² Li rosob'tesihom li Qaawa' nab'ihomob'resink ut ink'a' naxk'am chaq rahil ch'oolej.

Proverbios 10:22 ပူးပေါင်းရင်းမြစ်များ

Salmos 107:38

Li Dios quirosobtesiheb lix tenamit ut nabaleb li ralal xcꞌajol queꞌcuan. Ut queꞌnabaloꞌ ajcuiꞌ lix queto̱mk.

Génesis 26:12

Saꞌ li chihab aꞌan laj Isaac qui-au saꞌ li naꞌajej aꞌan. Ut kꞌaxal cuiꞌchic nabal li ru li racui̱mk li quixxoc xban nak li Ka̱cuaꞌ Dios quirosobtesi laj Isaac.

Génesis 24:35

Li Ka̱cuaꞌ Dios nabal li usilal xba̱nu re lin patrón. Nim lix cuanquil laj Abraham. Cꞌajoꞌ xqꞌuial li cꞌaꞌru re li quiqꞌueheꞌ re xban li Ka̱cuaꞌ Dios. Ma̱ caꞌchꞌin lix queto̱mk cuan. Cuan xcarner, cuan xcuacax, cuan xcamellos ut cuan xburros. Cuan ajcuiꞌ nabal lix oro ut lix plata. Ut nabaleb ajcuiꞌ lix mo̱s, joꞌ ixk joꞌ cui̱nk.

Génesis 12:2

—Eb la̱ cualal a̱cꞌajol teꞌqꞌuia̱nk. Ut ta̱nima̱nk lix cuanquileb saꞌ ruchichꞌochꞌ. Ut la̱in tin-osobtesi̱nk a̱cue. Ut la̱ cꞌabaꞌ naꞌno̱k ru yalak bar. Saꞌ a̱cꞌabaꞌ la̱at, nabaleb chic li cristian teꞌxcꞌul li usilal xban nak la̱at sicꞌbil a̱cuu inban.

Salmos 37:22

Li osobtesinbileb xban li Ka̱cuaꞌ, aꞌaneb li teꞌe̱chani̱nk re li naꞌajej yechiꞌinbil reheb. Abanan li tzꞌekta̱nanbileb xban li Ka̱cuaꞌ, aꞌaneb li teꞌsachekꞌ.

Proverbios 20:21

Li ani naxtau lix biomal saꞌ junpa̱t chi incꞌaꞌ xraylal, mokon incꞌaꞌ ta̱osobtesi̱k.

Génesis 13:2

Numtajenak xbiomal laj Abram. Cuan x-oro. Cuan xplata ut cuan ajcuiꞌ nabal lix queto̱mk.

Proverbios 28:22

Li ani naxra li biomal naraj ru xtaubal lix biomal. Ut incꞌaꞌ naxqꞌue retal nak nebaꞌil yo̱ chi cha̱lc saꞌ xbe̱n.

Zacarías 5:4

Li cuanqueb saꞌ rochocheb li nequeꞌelkꞌac teꞌxcꞌul li tojba ma̱c joꞌqueb ajcuiꞌ li cuanqueb saꞌ rochocheb li nequeꞌxpatzꞌ incꞌabaꞌ chi ma̱cꞌaꞌ rajbal. Aran ta̱cua̱nk li raylal toj retal teꞌosokꞌ eb aꞌan ut teꞌosokꞌ ajcuiꞌ li rochocheb joꞌ ajcuiꞌ chixjunil li cꞌaꞌru cuan reheb, chan li Ka̱cuaꞌ.

Génesis 14:23

Ac xinye re li Dios nak relic chi ya̱l ti̱c ma̱cꞌaꞌ tincꞌam chokꞌ cue. Chi moco tinxoc ta jun chꞌina tokolak li cꞌa̱m chokꞌ re xbacꞌbal inxa̱b. Incꞌaꞌ nacuaj ta̱ye nak saꞌ a̱cꞌabaꞌ la̱at xinbiomoꞌ.

Josué 6:18

Abanan la̱ex cheba̱nu cue̱nt. Ma̱cꞌaꞌ te̱xoc saꞌ li tenamit aꞌan xban nak li Ka̱cuaꞌ ac xkꞌaxtesi re ta̱sachekꞌ li tenamit ut chixjunil li cuan chi saꞌ. Cui te̱xoc li cꞌaꞌak re ru naru nachal chꞌaꞌajquilal ut raylal saꞌ kabe̱n la̱o aj Israel.

1 Reyes 21:19

Ta̱ye re, “Joꞌcaꞌin xye li Ka̱cuaꞌ: ¿Ma ma̱cuaꞌ ta biꞌ la̱at li xatcamsin re laj Nabot? Ut anakcuan yo̱cat chixchapbal lix naꞌaj li racui̱mk chokꞌ a̱cue”. Ut ta̱ye ajcuiꞌ re, “Joꞌcaꞌin xye li Ka̱cuaꞌ. Saꞌ li naꞌajej li xeꞌxrekꞌ cuiꞌ lix quiqꞌuel laj Nabot eb li tzꞌiꞌ, aran ajcuiꞌ teꞌxrekꞌ la̱ quiqꞌuel la̱at, at rey,” chaꞌkat re laj Acab.—

Génesis 26:13

Cꞌajoꞌ nak quitam li cꞌaꞌru re. Quibiomoꞌ chi us.

Deuteronomio 26:10

Joꞌcan nak la̱o xkacꞌam chak li xbe̱n ru li kacui̱mk li x-el saꞌ li chꞌochꞌ aꞌin li xaqꞌue ke, at Ka̱cuaꞌ”, chaꞌkex. Chirix aꞌan te̱qꞌue li chacach chiru li Ka̱cuaꞌ le̱ Dios ut te̱cuikꞌib e̱rib chiru.

Deuteronomio 28:11

Li Ka̱cuaꞌ tixqꞌue nabal le̱ ralal e̱cꞌajol ut nabal le̱ queto̱mk ut nabal le̱ racui̱mk saꞌ li naꞌajej li tixqꞌue e̱re joꞌ quixyechiꞌi riqꞌuin juramento reheb le̱ xeꞌto̱nil yucuaꞌ.

2 Crónicas 25:9

Laj Amasías quixye re: —¿Cꞌaꞌru ta̱cana̱k cuiꞌ li oxlaju xca̱cꞌa̱l quintal li plata li xinqꞌue reheb li soldado aꞌin? chan. Ut li profeta quixye re: —Li Dios naru tixqꞌue a̱cue nabal chic chiru aꞌan, chan.

Proverbios 8:21

Eb li nequeꞌcuulac chiruheb xba̱nunquil li cha̱bil naꞌleb nequeꞌxcꞌul xma̱taneb ut xbiomaleb.

Proverbios 14:24

Lix lokꞌaleb li se̱beb xchꞌo̱l, aꞌan lix naꞌlebeb. Ut eb li ma̱cꞌaꞌeb xnaꞌleb, naꞌno̱queb ru xban lix to̱ntileb.

Daniel 1:15

Ut nak ac xnumeꞌ li laje̱b cutan, laj Daniel ut eb li rochben kꞌaxal cau nequeꞌiloc ut cau ribeb chiruheb li jun chꞌol chic li nequeꞌtzacan joꞌ quixye li rey.

1 Crónicas 4:10

Laj Jabes quitijoc chiru li Ka̱cuaꞌ lix Dioseb laj Israel ut quixye: —At Ka̱cuaꞌ, china̱cuosobtesi. Ta̱qꞌue taxak cue nabal li chꞌochꞌ. Chatcua̱nk taxak cuiqꞌuin ut china̱col chiru li ma̱usilal li tixbok chak raylal saꞌ inbe̱n, chan. Ut li Ka̱cuaꞌ quirabi lix tij ut quixba̱nu joꞌ quixtzꞌa̱ma chiru.

2 Crónicas 32:27

Laj Ezequías nabal lix biomal quicuan ut lix lokꞌal. Quixchꞌutub nabal lix plata, lix oro, ut lix cha̱bil pec li terto xtzꞌak, joꞌ ajcuiꞌ lix sununquil ban, lix chꞌi̱chꞌ ut chixjunil li cꞌaꞌak re ru terto xtzꞌak.

2 Crónicas 32:29

Nabal li tenamit li quixyi̱b laj Ezequías ut nabaleb lix queto̱mk ut lix carner xban nak li Ka̱cuaꞌ quirosobtesi ut quixqꞌue nabal lix biomal.

Salmos 127:2

Ma̱cꞌaꞌ rajbal nak junak cui̱nk ta̱cuacli̱k ekꞌela ut tixnumsi li cutan chi trabajic cui ma̱cꞌaꞌ li Dios riqꞌuin. Ma̱cꞌaꞌ rajbal nak tixcamsi rib chi cꞌanjelac re xsicꞌbal lix tzacae̱mk xban nak li Dios naxqꞌue reheb li ani naxra ut naxqꞌueheb ajcuiꞌ chi hila̱nc.