Proverbios 10:2 - Li Santil hu

² Li ani naxtau xbiomal riqꞌuin balakꞌic, ma̱cꞌaꞌ na-oc cuiꞌ lix biomal. Abanan li ani nacuan saꞌ ti̱quilal naxcol rix lix yuꞌam.

Q'eqchi Bible

² Li nab'ihomo'k sa' b'alaq'il maak'a' na'ok wi'; ab'an li tiik xch'ool naxkol li xyu'am.

Proverbios 10:2 ပူးပေါင်းရင်းမြစ်များ

Proverbios 11:4

Li biomal incꞌaꞌ naru nacoloc saꞌ xkꞌehil li rakba a̱tin. Abanan li ti̱quilal nacoloc chiru li ca̱mc.

Proverbios 21:6

Ma̱cꞌaꞌ na-oc cuiꞌ li biomal sicꞌbil riqꞌuin balakꞌic. Yal nanumeꞌ. Xban li balakꞌic nequeꞌxba̱nu yo̱queb chixbokbal li ca̱mc saꞌ xbe̱neb.

Proverbios 12:28

Li ani nacuan saꞌ ti̱quilal ta̱cua̱nk xyuꞌam. Ut li ani incꞌaꞌ us xnaꞌleb, aꞌan ta̱ca̱mk.

Romanos 5:21

Xban nak cuan li ma̱c, cuan ajcuiꞌ li ca̱mc. Abanan xban xnimal rusilal, li Dios naxqꞌue xti̱quilal li kachꞌo̱l ut li kayuꞌam chi junelic saꞌ xcꞌabaꞌ li Ka̱cuaꞌ Jesucristo.

Sofonías 1:18

Chi moco lix plata chi moco lix oro ta̱ru̱k ta̱colok reheb chiru lix joskꞌil li Dios saꞌ li cutan aꞌan. Lix joskꞌil li Dios chanchan li xam nak tixsach chixjunil li ruchichꞌochꞌ. Chixjunileb li cuanqueb saꞌ ruchichꞌochꞌ teꞌosokꞌ chiru junpa̱t.

Ezequiel 7:19

Teꞌxcut lix oro ut lix plata saꞌ be xban nak ma̱cꞌaꞌ chic ta̱oc cuiꞌ reheb. Chi moco li oro chi moco li plata ta̱ru̱k ta̱colok reheb saꞌ xkꞌehil nak li Ka̱cuaꞌ tixcꞌut lix joskꞌil. Incꞌaꞌ chic ta̱sahokꞌ xchꞌo̱leb riqꞌuin lix oro ut lix plata chi moco ta̱cꞌojla̱k xchꞌo̱leb xban nak ma̱cꞌaꞌak chic lix tzacae̱mkeb. Lix oro ut lix plata, aꞌan li quiqꞌuehoc reheb chi ma̱cobc.

Romanos 2:5

Aban la̱at cau a̱chꞌo̱l. Joꞌcan nak incꞌaꞌ nacayotꞌ a̱chꞌo̱l incꞌaꞌ nacajal a̱cꞌaꞌux. Ut riqꞌuin aꞌan yo̱cat chixbokbal xjoskꞌil li Dios saꞌ a̱be̱n. Toxa̱cuil xjoskꞌil nak ta̱cuulak xkꞌehil nak li Dios ta̱rakok a̱tin saꞌ ti̱quilal.

Filipenses 3:9

La̱in nacuaj nak junajakin riqꞌuin li Jesucristo. Incꞌaꞌ naru ta̱cua̱nk xti̱quilal inchꞌo̱l chiru li Dios yal riqꞌuin xba̱nunquil li naxye li chakꞌrab li quiqꞌueheꞌ re laj Moisés. Li Dios naxqꞌue xti̱quilal inchꞌo̱l riqꞌuin xpa̱banquil li Cristo.

Daniel 4:27

At rey Nabucodonosor, chacꞌul taxak li cua̱tin. Chacanabak xba̱nunquil li ma̱c ut chaba̱nu li ti̱quilal. Ma̱ba̱nu chic li ma̱usilal. Chacuuxta̱na taxak ruheb li nebaꞌ. Cui ta̱ba̱nu aꞌan, ma̱re chan nak toj tatcana̱k saꞌ la̱ cuanquil, chan laj Daniel.

Proverbios 13:11

Li ani cuan xbiomal chi incꞌaꞌ xcꞌanjelac saꞌ junpa̱t ta̱osokꞌ chiru. Abanan li ani cau nacꞌanjelac naxchꞌutub chi caꞌchꞌinkil lix tumin toj retal nabiomoꞌ.