Proverbios 10:19 - Li Santil hu

¹⁹ Li ani nacuulac chiru a̱tinac chi nabal naru nama̱cob riqꞌuin li cꞌaꞌru naxye. Abanan li ani cuan xnaꞌleb incꞌaꞌ naa̱tinac chi ma̱cꞌaꞌ rajbal.

Q'eqchi Bible

¹⁹ Li k'ajo' naxye, naab'al sut namaakob'k; li naxkuy rib' chi aatinak, a'an chaab'il xna'leb'.

Proverbios 10:19 ပူးပေါင်းရင်းမြစ်များ

Santiago 3:2

Chikajunilo la̱o nocopaltoꞌ chi cocꞌ aj saꞌ. Cui cuan junak ma̱cꞌaꞌ xpaltil riqꞌuin li ra̱tin, aꞌan tzꞌakal re ru. Li ani naru naxcuy rib riqꞌuin li naxye, naru ajcuiꞌ naxcuy rib riqꞌuin li cꞌaꞌru naraj xba̱nunquil.

Santiago 1:19

Ex inherma̱n, raro̱quex inban. La̱ex ac nequenau lix ya̱lal aꞌin. Joꞌcan nak cheqꞌuehak e̱chꞌo̱l chi abi̱nc. Checꞌoxla chi us li oc e̱re chixyebal ut mexjoskꞌoꞌ.

Eclesiastés 5:3

Incꞌaꞌ us nak yo̱kex chi cꞌoxlac chirix li cꞌaꞌak re ru, xban nak cui yo̱kex chi cꞌoxlac, yalak cꞌaꞌru tixcꞌut rib che̱ru saꞌ le̱ matcꞌ. Ut cui junes a̱tinac nequeba̱nu, yo̱quex chixba̱nunquil joꞌ nequeꞌxba̱nu li ma̱cꞌaꞌeb xnaꞌleb.

Salmos 39:1

La̱in quinye: —La̱in tinqꞌue retal li cꞌaꞌru ninba̱nu re nak incꞌaꞌ tinma̱cobk riqꞌuin li cꞌaꞌru tinye. Incꞌaꞌ tina̱tinak xban nak toj cuanqueb arin li incꞌaꞌ useb xnaꞌleb.—

Li xHu LAJ JOB 11:2

—¿Ma incꞌaꞌ ta biꞌ ta̱ru̱k xsumenquil chixjunil li a̱tin yo̱cat chixyebal? ¿Ma saꞌ a̱chꞌo̱l ta biꞌ la̱at nak ta̱yehekꞌ nak ma̱cꞌaꞌ a̱ma̱c xban li qꞌuila a̱tin li yo̱cat chixyebal?

Proverbios 18:21

Li ani cha̱bil naa̱tinac, cua̱nk xyuꞌam. Ut li ani incꞌaꞌ us ta̱a̱tinak tixbok li ca̱mc saꞌ xbe̱n. Li ani nequeꞌcuulac chiru a̱tinac chi nabal, teꞌxcꞌul lix tojbal rix.

Eclesiastés 5:2

Moco yalak cꞌaꞌru ta te̱ye chi incꞌaꞌ te̱cꞌoxla chi us. Incꞌaꞌ tex-oc xyechiꞌinquil re li Dios li cꞌaꞌru incꞌaꞌ naru te̱qꞌue xban nak li Dios saꞌ choxa cuan ut la̱ex saꞌ ruchichꞌochꞌ cuanquex. Cheba̱nuhak cue̱nt re nak incꞌaꞌ tex-a̱tinak nabal.

Proverbios 11:12

Li ani ma̱cꞌaꞌ xnaꞌleb naxhob li ras ri̱tzꞌin. Ut li ani cuan xnaꞌleb incꞌaꞌ naxhob li ras ri̱tzꞌin.

Proverbios 11:13

Li ani nacuulac chiru moloc a̱tin naxserakꞌi chixjunil li cꞌaꞌru mukmu. Abanan li ani cuan xnaꞌleb incꞌaꞌ naa̱tinac chirix li cꞌaꞌru narabi.

Proverbios 12:23

Li ani cuan xnaꞌleb incꞌaꞌ naxnimobresi rib xban nak cuan xnaꞌleb: Abanan li ma̱cꞌaꞌeb xnaꞌleb nequeꞌxcꞌutbesi nak ma̱cꞌaꞌ xnaꞌleb.

Eclesiastés 5:1

Nak texxic saꞌ lix templo li Dios cheqꞌuehak retal chi us chanru le̱ naꞌleb. Incꞌaꞌ te̱qꞌue e̱chꞌo̱l xqꞌuebal li cꞌatbil mayej joꞌ nequeꞌxba̱nu li ma̱cꞌaꞌeb xnaꞌleb. Eb aꞌan incꞌaꞌ nequeꞌxqꞌue retal nak incꞌaꞌ us yo̱queb xban nak incꞌaꞌ nequeꞌxtau ru lix ya̱lal li yo̱queb chixba̱nunquil. Cheqꞌuehak ban e̱chꞌo̱l chixtzolbal lix ya̱lal.