Proverbios 1:8 - Li Santil hu

⁸ Ex cualal incꞌajol, cheqꞌuehak saꞌ e̱chꞌo̱l le̱ kꞌusbal naxqꞌue le̱ yucuaꞌ. Ut me̱tzꞌekta̱na le̱ tijbal naxqꞌue le̱ naꞌ.

Q'eqchi Bible

⁸ At walal ink'ajol, ab'i laaq'usb'al xb'aan laayuwa' ut maatz'eq chirix laach'ool laatijb'al xb'aan laana',

Proverbios 1:8 ပူးပေါင်းရင်းမြစ်များ

Proverbios 6:20

Ex cualal incꞌajol, cheqꞌuehak saꞌ e̱chꞌo̱l le̱ kꞌusbal li nequeꞌxqꞌue le̱ naꞌ e̱yucuaꞌ. Me̱tzꞌekta̱na li naꞌleb nequeꞌxqꞌue.

Proverbios 30:17

Li ani tixhob lix yucuaꞌ ut li ani tixtzꞌekta̱na lix naꞌleb li ta̱qꞌuehekꞌ xban lix naꞌ, aꞌ ta eb li soꞌsol cheꞌisi̱nk lix nakꞌ ruheb ut teꞌxtiu lix tibeleb.

Proverbios 2:1

Ex cualal incꞌajol, cheqꞌuehak e̱chꞌo̱l chixcꞌulbal li cua̱tin ut checꞌu̱lahak saꞌ le̱ chꞌo̱l lin chakꞌrab.

Proverbios 31:1

Li rey Lemuel quixye resil li naꞌleb li quicꞌuteꞌ chiru xban lix naꞌ nak quiyeheꞌ re chi joꞌcaꞌin:

Proverbios 1:10

Ex cualal incꞌajol, cui eb laj ma̱c teꞌraj e̱balakꞌinquil, me̱canab e̱rib chiruheb.

Levítico 19:3

Chexucua̱k ru le̱ naꞌ e̱yucuaꞌ. Ut te̱oxlokꞌi li hiloba̱l cutan. La̱in li Ka̱cuaꞌ le̱ Dios xinyehoc re aꞌin.

2 Timoteo 1:5

Nak nintijoc najulticoꞌ cue nak chi anchal a̱chꞌo̱l xatpa̱ban. Junxil la̱ naꞌchin lix Loida joꞌ ajcuiꞌ lix Eunice la̱ naꞌ queꞌpa̱ban chi anchaleb xchꞌo̱l ut ninnau nak joꞌcan ajcuiꞌ nak xatpa̱ban la̱at.

Proverbios 7:1

Ex cualal incꞌajol, checꞌu̱la taxak saꞌ le̱ chꞌo̱l li cua̱tin ut cheba̱nu li naxye lin chakꞌrab.

Proverbios 3:1

Ex cualal incꞌajol, misach saꞌ e̱chꞌo̱l lin chakꞌrab. Chi anchal ban le̱ chꞌo̱l chepa̱bak le̱ taklanquil inban.

Proverbios 1:15

Abanan la̱ex, ex cualal incꞌajol, mexxic saꞌ xya̱nkeb aꞌan ut me̱ba̱nu li incꞌaꞌ us li nequeꞌxba̱nu eb aꞌan.

1 Samuel 2:25

Cui junak cui̱nk nama̱cob chiru li ras ri̱tzꞌin, narakeꞌ a̱tin saꞌ xbe̱n xban laj rakol a̱tin. Abanan, li ani nama̱cob chiru li Ka̱cuaꞌ, ¿ma cuan ta biꞌ junak ta̱oque̱nk chirix? chan. Abanan incꞌaꞌ queꞌabin chiru lix yucuaꞌeb xban nak ac cuan saꞌ xchꞌo̱l li Dios nak tento nak teꞌca̱mk.

San Mateo 9:22

Ut li Jesús quixakli ut qui-iloc chirix. Quiril li ixk ut quixye re: —Kanaꞌ, cauhak taxak a̱chꞌo̱l. Xban nak xapa̱b nak cuan incuanquil cha̱qꞌuirtesinquil, joꞌcan nak xatqꞌuira, chan. Ut saꞌ ajcuiꞌ li ho̱nal aꞌan, li ixk quiqꞌuira.

San Mateo 9:2

Ut aran queꞌxcꞌam riqꞌuin li Jesús jun li cui̱nk sic li rok ut sic li rukꞌ yocyo chiru xcuarib. Ut li Jesús quixqꞌue retal nak eb li cui̱nk aꞌan nequeꞌxpa̱b nak naru tixqꞌuirtesi li yaj. Joꞌcan nak quixye re li yaj: —At cui̱nk cauhak taxak a̱chꞌo̱l. Ac xcuyman xsachman la̱ ma̱c.—

Proverbios 5:13

¿Cꞌaꞌut nak incꞌaꞌ quinqꞌue xcuanquil lin cha̱bil naꞌleb li queꞌxqꞌue li queꞌtzoloc cue? Incꞌaꞌ quicuaj rabinquil lin tijbal li queꞌxqꞌue.

Proverbios 23:22

Chex-abi̱nk chiru le̱ yucuaꞌ xban nak cui ta ma̱cꞌaꞌ aꞌan, ma̱cꞌaꞌex ajcuiꞌ raj la̱ex. Me̱tzꞌekta̱na le̱ naꞌ nak ac xchecoꞌ. Cheqꞌue ban xlokꞌal.

Jeremías 35:8

Yo̱co xba̱nunquil chixjunil li quixye ke laj Jonadab li ralal laj Recab, li kaxeꞌto̱nil yucuaꞌ. La̱o incꞌaꞌ noco-ucꞌac vino, chi moco eb li kixakil chi moco eb li kalal kacꞌajol.

Li xHu LIX RUT 3:6

Ut lix Rut co̱ saꞌ li naꞌajej li bar yo̱queb cuiꞌ chirisinquil saꞌ rix li cebada. Ut quixba̱nu chixjunil li quiyeheꞌ re xban lix Noemí.