Proverbios 1:25 - Li Santil hu

²⁵ Quetzꞌekta̱na ban le̱ naꞌleb li quinqꞌue. Incꞌaꞌ queraj xcꞌulbal le̱ kꞌusbal.

Q'eqchi Bible

²⁵ Xetz'eqtaana b'an chixjunileb' li waatin ut ink'a' xeraj xk'ulub'ankil linq'usum.

Proverbios 1:25 ပူးပေါင်းရင်းမြစ်များ

San Lucas 7:30

Abanan eb laj fariseo ut eb laj tzolol chakꞌrab queꞌxtzꞌekta̱na li rusilal li Dios li quixcꞌoxla xba̱nunquil reheb. Ut incꞌaꞌ queꞌxcꞌul li cubi haꞌ riqꞌuin laj Juan.

Salmos 81:11

Joꞌcan quinye reheb lin tenamit, abanan incꞌaꞌ queꞌraj rabinquil li cꞌaꞌru quinye reheb ut incꞌaꞌ queꞌabin chicuu.

Proverbios 12:1

Li ani naxqꞌue saꞌ xchꞌo̱l li xtijbal, aꞌan cuan xnaꞌleb. Ut li ani naxtzꞌekta̱na lix kꞌusbal, aꞌan ma̱cꞌaꞌ xnaꞌleb.

Proverbios 1:30

Incꞌaꞌ xeraj xcꞌulbal le̱ naꞌleb xinqꞌue e̱re. Xetzꞌekta̱na ban le̱ kꞌusbal li xinqꞌue.

Proverbios 5:12

Ut te̱ye: —¿Cꞌaꞌut nak incꞌaꞌ xinqꞌue saꞌ inchꞌo̱l li kꞌusbal li quiqꞌueheꞌ cue? ¿Cꞌaꞌut nak xintzꞌekta̱na?

Salmos 107:11

Joꞌcan yo̱queb chixcꞌulbal xban nak queꞌxkꞌet li ra̱tin li Dios. Incꞌaꞌ queꞌxqꞌue xcuanquil lix chakꞌrab li nimajcual Dios.

2 Crónicas 36:16

Abanan eb laj Judá queꞌxseꞌeheb lix profeta li Dios ut queꞌxhob. Ut queꞌxtzꞌekta̱na li ra̱tin toj retal queꞌxchikꞌ xjoskꞌil li Dios saꞌ xbe̱neb. Ut incꞌaꞌ chic quixcuy xma̱queb.

1 Samuel 8:18

Ta̱cuulak xkꞌehil nak la̱ex incꞌaꞌ chic te̱cuy li raylal li tixba̱nu e̱re li rey li te̱xakab. Te̱ya̱ba raj chic xcꞌabaꞌ li Ka̱cuaꞌ saꞌ eb li cutan aꞌan. Abanan, li Dios incꞌaꞌ chic ta̱rabi le̱ tij.

Proverbios 8:14

La̱in ninnau cꞌoxlac chi us. La̱in ninqꞌuehoc naꞌleb ut la̱in ninxakaban reheb saꞌ xcuanquil. Ut la̱in ajcuiꞌ ninqꞌuehoc se̱bal chꞌo̱lej.

Proverbios 15:10

Li nequeꞌxcanab xba̱nunquil li us tento xkꞌusbaleb chi cau. Li ani xicꞌ naril lix kꞌusbal ta̱ca̱mk.

Jeremías 35:17

Joꞌcan nak la̱in li Ka̱cuaꞌ li nimajcual Dios, lix Dioseb laj Israel, ninye chi joꞌcaꞌin: La̱in tintakla li raylal saꞌ xbe̱neb laj Judá ut chixjunileb li cuanqueb Jerusalén joꞌ quinye reheb. Nabal li raylal tintakla saꞌ xbe̱neb. Xina̱tinac riqꞌuineb, abanan incꞌaꞌ xeꞌabin chicuu. Xinbokeb chi cha̱lc cuiqꞌuin ut incꞌaꞌ queꞌraj cha̱lc cuiqꞌuin, chan.

Deuteronomio 1:45

La̱ex texya̱bak nak quexsukꞌi chak ut quetzꞌa̱ma chiru li Dios nak aꞌan textenkꞌa. Abanan li Ka̱cuaꞌ incꞌaꞌ quirabi nak queya̱ba lix cꞌabaꞌ.

2 Crónicas 33:10

Li Ka̱cuaꞌ quixkꞌus laj Manasés ut quixkꞌuseb ajcuiꞌ li tenamit. Abanan eb aꞌan incꞌaꞌ queꞌabin chiru.