Proverbios 1:22 - Li Santil hu

²² La̱ex, li ma̱cꞌaꞌ e̱naꞌleb, ¿jokꞌe te̱canab xba̱nunquil li to̱ntil naꞌleb li ma̱cꞌaꞌ na-oc cuiꞌ? Ut la̱ex li nequekꞌetkꞌeti e̱rib, ¿jokꞌe te̱canab xtzꞌekta̱nanquil li cha̱bil naꞌleb?

Q'eqchi Bible

²² “Laa'ex li maak'a' eena'leb', jo' najtil chik teeraj wank sa' xmajelal leena'leb'? Ut laa'ex li nekeq'etq'eti eerib', jo' najtil chik texwanq sa' leeq'etq'etil? Ex jip, toj jo'q'e teekanab' xtz'eqtaanankil li chaab'il k'a'uxl?

Proverbios 1:22 ပူးပေါင်းရင်းမြစ်များ

Proverbios 5:12

Ut te̱ye: —¿Cꞌaꞌut nak incꞌaꞌ xinqꞌue saꞌ inchꞌo̱l li kꞌusbal li quiqꞌueheꞌ cue? ¿Cꞌaꞌut nak xintzꞌekta̱na?

Proverbios 1:29

xban nak xetzꞌekta̱na le̱ naꞌleb xinqꞌue e̱re ut incꞌaꞌ xeraj xqꞌuebal inlokꞌal la̱in li Ka̱cuaꞌ.

Salmos 1:1

Us xak re li cui̱nk li incꞌaꞌ naxcꞌu̱luban xtacchiꞌ li incꞌaꞌ useb xnaꞌleb. Us xak re li cui̱nk li incꞌaꞌ naxjunaji rib riqꞌuineb laj ma̱c chi moco naxjunaji rib riqꞌuineb li nequeꞌhoboc re li Ka̱cuaꞌ Dios.

Apocalipsis 22:17

Li Santil Musikꞌej ut li ixakilbej nequeꞌxye: —Cha̱lkex.— Li ani ta̱abi̱nk re li a̱tin aꞌin, chixyehak ajcuiꞌ —cha̱lkex.— Li ani ta̱raj rucꞌbal li haꞌ, li retalil li junelic yuꞌam, chicha̱lk chi ucꞌac chi ma̱tan.

2 Pedro 3:3

Xbe̱n cua chetauhak xya̱lal aꞌin: Nak ta̱nachꞌok chak rosoꞌjiqueb li cutan, cuan li teꞌcha̱lk chi hoboc riqꞌuin yibru a̱tin. Teꞌxhob xcuanquil li Dios ut teꞌxba̱nu li yibru naꞌleb li nequeꞌxcꞌoxla.

San Juan 3:20

Li ani nequeꞌxba̱nu li ma̱usilal, xicꞌ nequeꞌril lix ya̱lal. Incꞌaꞌ nacuulac chiruheb cua̱nc saꞌ xya̱lal xban nak incꞌaꞌ nequeꞌraj ta̱cꞌutu̱nk li ma̱usilal nequeꞌxba̱nu.

San Lucas 19:42

Ut quixye: —¡Cui ta la̱ex aj Jerusalén nequenau xqꞌuebal retal ani ta̱ru̱k ta̱qꞌuehok tuktu̱quil usilal saꞌ eb li cutan aꞌin, us raj! Aban anakcuan toj mukmu che̱ru. Joꞌcan nak incꞌaꞌ nequetau xya̱lal.

San Mateo 9:13

Cheqꞌuehak biꞌ e̱chꞌo̱l chixtaubal ru lix ya̱lal li a̱tin aꞌin: “li kꞌaxal lokꞌ chicuu, aꞌan li uxta̱na̱nc u ut ma̱cuaꞌ li mayejac xul”. La̱in incꞌaꞌ xinchal chixsicꞌbal li ti̱queb xchꞌo̱l. Xinchal ban chixsicꞌbaleb laj ma̱c re nak teꞌyotꞌekꞌ xchꞌo̱l teꞌxjal xcꞌaꞌux, chan li Jesús.

Proverbios 21:11

Riqꞌuin lix kꞌusbal li incꞌaꞌ useb xnaꞌleb nequeꞌxtzol ribeb li cubenak xcuanquil, usta ma̱cuaꞌ aꞌan li yo̱ xkꞌusbal. Joꞌcan ajcuiꞌ li cuan xnaꞌleb. Naxqꞌue saꞌ xchꞌo̱l lix kꞌusbal.

San Mateo 23:37

Ex aj Jerusalén, ex aj Jerusalén, nequecamsiheb li tzꞌakal profeta ut nequecuti chi pec eb li nequeꞌtakla̱c e̱riqꞌuin xban li Dios. Nabal sut raj xcuaj e̱colbal joꞌ nak naxchꞌutubeb li ral li caxlan rubel lix xicꞌ. Abanan la̱ex incꞌaꞌ xeraj.

San Mateo 17:17

Li Jesús quixye: —Ex tenamit, ti̱c incꞌaꞌ nequexpa̱ban ut incꞌaꞌ us le̱ naꞌleb. ¿Joꞌ najtil chic tincua̱nk e̱riqꞌuin re nak texpa̱ba̱nk? ¿Joꞌ najtil chic texincuy nak nequecꞌoxla? Cꞌam chak li al arin cuiqꞌuin, chan li Jesús nak quichakꞌoc.

Proverbios 19:29

Ac cauresinbil chak li rakba a̱tin chokꞌ reheb li nequeꞌhoboc. Ut ac cauresinbil ajcuiꞌ li tzꞌu̱m chokꞌ reheb li incꞌaꞌ nequeꞌraj xtaubal xnaꞌleb.

Proverbios 15:12

Li incꞌaꞌ naxtau xya̱lal incꞌaꞌ naxra li ani naqꞌuehoc naꞌleb, chi moco nacuulac chiru cua̱nc saꞌ xya̱nkeb li cuanqueb xnaꞌleb.

Proverbios 14:6

Li ani incꞌaꞌ naxtau xya̱lal naxsicꞌ lix naꞌleb, abanan incꞌaꞌ naxtau. Li ani se̱b xchꞌo̱l moco chꞌaꞌaj ta chokꞌ re xtaubal xnaꞌleb.

Proverbios 8:5

La̱ex li incꞌaꞌ nequetau e̱naꞌleb, chetauhak e̱naꞌleb. Ut la̱ex li incꞌaꞌ nequetau xya̱lal, chetzolak e̱rib.

Proverbios 7:7

Ut queꞌcuil jun chꞌu̱taleb li sa̱j al incꞌaꞌ nequeꞌxnau cꞌoxlac. Ut quinqꞌue retal saꞌ xya̱nkeb jun li sa̱j al toj ma̱jiꞌ naxtau xnaꞌleb.

Proverbios 6:9

Ut la̱ex li incꞌaꞌ nequeraj cꞌanjelac, ¿jokꞌe te̱canab li cua̱rc? ¿Ma incꞌaꞌ texcuacli̱k? ¿Ma junelic yocyo̱kex?

Proverbios 3:34

Li Ka̱cuaꞌ naxseꞌeheb li nequeꞌxnimobresi rib. Abanan naruxta̱na ruheb li nequeꞌxcubsi ribeb.

Proverbios 1:7

Li ani ta̱raj ta̱cua̱nk xnaꞌleb, tento nak tixxucua ru li Ka̱cuaꞌ. Eb li ma̱cꞌaꞌeb xnaꞌleb nequeꞌxtzꞌekta̱na li cha̱bil naꞌleb ut nequeꞌxtzꞌekta̱na ajcuiꞌ lix kꞌusbaleb.

Proverbios 1:4

Ut tixtenkꞌaheb ajcuiꞌ chi cua̱nc xcꞌaꞌuxeb li incꞌaꞌ nequeꞌxnau cꞌoxlac. Ut naxqꞌue xnaꞌlebeb li toj sa̱jeb re nak teꞌxcꞌoxla chi us cꞌaꞌru teꞌxba̱nu.

Salmos 94:8

Cheqꞌuehak retal la̱ex li ma̱cꞌaꞌ e̱naꞌleb, li cuanquex saꞌ li katenamit. ¿Jokꞌe te̱tau xya̱lal?

Li xHu LAJ JOB 34:7

¿Ma cuan ta biꞌ junak cui̱nk joꞌ laj Job? Aꞌan incꞌaꞌ naxqꞌue saꞌ ru li Dios xban nak yo̱ chixqꞌuebal saꞌ xbe̱n li Dios li raylal yo̱ chixcꞌulbal.

Números 14:27

—¿Joꞌ najtil chic tincuy nak yo̱keb chincuechꞌinquil eb laj Israel, li incꞌaꞌ useb xnaꞌleb? La̱in nacuabi nak nequeꞌxcuechꞌi cuix.

Éxodo 16:28

Li Ka̱cuaꞌ Dios quixye re laj Moisés: —¿Cꞌaꞌut nak incꞌaꞌ nequeꞌabin chicuu?

Éxodo 10:3

Tojoꞌnak laj Moisés ut laj Aarón queꞌco̱eb riqꞌuin laj faraón ut queꞌxye re: —Joꞌcaꞌin xye a̱cue li Ka̱cuaꞌ Dios, lix Dioseb laj hebreo. “¿Jokꞌe ta̱cubsi a̱cuib chicuu? Canabeb chi xic lin tenamit re nak tineꞌxlokꞌoni.”

Proverbios 1:21

Yo̱queb chi cuulac resil saꞌ eb li naꞌajej bar nequeꞌchꞌu̱tla cuiꞌ nabal li cristian. Ut yo̱ ajcuiꞌ chi abi̱c saꞌ eb li oqueba̱l re li tenamit.

Proverbios 1:32

Eb li ma̱cꞌaꞌeb xnaꞌleb nequeꞌcam xban nak incꞌaꞌ nequeꞌraj xcꞌulbal lix naꞌlebeb. Joꞌcaneb ajcuiꞌ li jip xchꞌo̱leb. Nequeꞌcam xban nak nequeꞌxtzꞌekta̱na li naꞌleb naqꞌueheꞌ reheb.

Proverbios 21:24

Kꞌetkꞌet ut aj hobonel nayeheꞌ reheb li ani nequeꞌxnimobresi rib, li incꞌaꞌ nequeꞌra̱tina ras ri̱tzꞌin saꞌ xya̱lal.

Proverbios 22:3

Eb li cuanqueb xnaꞌleb nequeꞌxqꞌue retal li ma̱usilal ut nequeꞌxcol ribeb chiru. Abanan eb li ma̱cꞌaꞌeb xnaꞌleb nequeꞌxcꞌul li raylal nachal saꞌ xbe̱neb xban nak incꞌaꞌ nequeꞌxnau xqꞌuebal retal.

Jeremías 4:14

La̱ex aj Jerusalén, canabomak xba̱nunquil li ma̱usilal re nak naru texcolekꞌ. ¿Joꞌ najtil chic toj yo̱kex xcꞌoxlanquil xba̱nunquil li ma̱usilal?

Jeremías 13:27

La̱in xinqꞌue retal li ma̱usilal nequeba̱nu. La̱in xcuil nak nequelokꞌoniheb li jalanil dios saꞌ eb li tzu̱l ut saꞌ eb li ru takꞌa. Chanchanex li nequeꞌxmux ru xsumlajiqueb. Ta̱cha̱lk li raylal saꞌ e̱be̱n la̱ex li cuanquex Jerusalén. La̱ex incꞌaꞌ nequecanab xba̱nunquil li ma̱usilal. ¿Joꞌ najtil chic texcua̱nk saꞌ li ma̱usilal? chan li Dios.