Proverbios 1:16 - Li Santil hu

¹⁶ Eb aꞌan teꞌraj ru xba̱nunquil li incꞌaꞌ us ut teꞌraj ru camsi̱nc.

Q'eqchi Bible

¹⁶ xb'aan naq neke'xseeb'a rib' chi xb'aanunkil li maa'usilal ut chi xkamsinkil li ras riitz'ineb'.

Proverbios 1:16 ပူးပေါင်းရင်းမြစ်များ

Isaías 59:7

La̱ex nequex-a̱linac chixba̱nunquil li ma̱usilal. Saꞌ junpa̱t nequecamsiheb li ma̱cꞌaꞌeb xma̱c. Junes ma̱usilal nequecꞌoxla ut junes sachoc nequeba̱nu.

Proverbios 6:18

li ani naxcꞌoxla chanru nak tixba̱nu li ma̱usilal, ut li ani nacuulac chiru xba̱nunquil li incꞌaꞌ us,

Proverbios 4:16

Eb aꞌan incꞌaꞌ saheb xchꞌo̱l cui incꞌaꞌ nequeꞌxba̱nu li ma̱usilal. Ut incꞌaꞌ nequeꞌcuar chixcꞌoxlanquil li incꞌaꞌ us.

Romanos 3:5

Cuanqueb nequeꞌyehoc nak riqꞌuin li ma̱usilal nacꞌutun chi us li rusilal li Dios. Joꞌcan nak us xba̱nunquil li ma̱usilal re nak ta̱cꞌutu̱nk xcha̱bilal li Dios. Incꞌaꞌ us cui li Dios nocoxqꞌue chi xtojbal li kama̱c, chanqueb. Aban ma̱cuaꞌ aꞌan li naxye li Dios. Incꞌaꞌ naru nakaye nak incꞌaꞌ toxqꞌue chixtojbal li kama̱c xban nak nakanau nak ti̱c xchꞌo̱l li Dios. Joꞌcan nak tixqꞌue chixtojbal xma̱c laj ma̱c.

1 Samuel 19:10

Laj Saúl quixcut lix la̱ns re tixcamsi laj David. Abanan laj David quixcol rib chiru ut lix la̱ns quixlap rib saꞌ li tzꞌac. Joꞌcan nak laj David quie̱lelic saꞌ li kꞌojyi̱n aꞌan.

Proverbios 1:17

¿Cꞌaꞌru aj e nak teꞌxram saꞌ xbeheb li cristian, cui li cristian nequeꞌxnau nak yo̱keb xrambal?

Proverbios 6:17

li ani naxnimobresi rib ut li ani naticꞌtiꞌic, ut li ani naxcamsi ras ri̱tzꞌin chi ma̱cꞌaꞌ xma̱c,

Proverbios 12:6

Li a̱tin li nequeꞌxye li incꞌaꞌ useb xnaꞌleb, aꞌan chanchan jun li raꞌal re camsi̱nc. Abanan li a̱tin li nequeꞌxye li ti̱queb xchꞌo̱l, aꞌan nacoloc.

Génesis 37:20

Cha̱lk cuan. Ho̱n nakacamsi. Ut takacut saꞌ junak jul. Ut takaye nak ma̱re junak joskꞌ aj xul xcamsin re. Ut takil cꞌaꞌru ta̱cana̱k cuiꞌ lix matcꞌ, chanqueb chi ribileb rib.