Oseas 9:8 - Li Santil hu

⁸ La̱in taklanbilin chak xban li Dios chokꞌ aj ilol e̱re la̱ex li ralal xcꞌajol laj Efraín. Abanan yalak bar ninxic chixyebal resil li raylal cha̱lel saꞌ e̱be̱n, xicꞌ niquine̱ril. Che̱ru la̱ex, chanchanin laj yo li naraj chapoc e̱re. Ut saꞌ li rochoch li Dios li bar raj xine̱cꞌul saꞌ xya̱lal, xicꞌ chic xine̱ril.

Q'eqchi Bible

⁸ Taqlanb'ilin chaq xb'aan li Yos li xinxaqab' cho'q propeet re rilb'aleb' laj Efraín. A'ut laa'ex yalaq b'ar nekeraj inra'lenkil, ut sa' ajwi' li rochoch linYos xik' nikineril.

Oseas 9:8 ပူးပေါင်းရင်းမြစ်များ

Oseas 5:1

La̱ex laj tij, cherabihak li oc cue chixyebal. La̱ex laj Israel, cheqꞌuehak retal li tinye. Ex ralal xcꞌajol li rey, abihomak li tinye anakcuan. Xexrakoc raj a̱tin saꞌ xbe̱neb li tenamit saꞌ ti̱quilal. Abanan incꞌaꞌ xeba̱nu. Joꞌcan nak ta̱rakekꞌ a̱tin saꞌ e̱be̱n la̱ex ut texinqꞌue chixtojbal rix le̱ ma̱c. Xeqꞌue e̱rib joꞌ jun raꞌal reheb laj Mizpa joꞌ ajcuiꞌ reheb laj Tabor.

Ezequiel 3:17

—At ralal cui̱nk, la̱in xatinxakab chi cꞌanjelac joꞌ aj ilol reheb li tenamit Israel. La̱at ta̱cuabi li cꞌaꞌru tinye a̱cue ut ta̱chꞌolob lix ya̱lal chiruheb.

Miqueas 7:4

Lix cha̱bilaleb li tenamit aꞌan chanchan li qꞌuix. Ut lix ti̱quilal chanchan li corral yi̱banbil riqꞌuin qꞌuix. Cuulac re xkꞌehil nak li Dios tixqꞌueheb chixtojbal rix lix ma̱queb joꞌ queꞌyeheꞌ reheb xbaneb li profeta. Anakcuan sachso̱keb xchꞌo̱l teꞌcana̱k.

Isaías 62:6

La̱in xinxakaban aj cꞌacꞌalenel saꞌ xbe̱n li tzꞌac li sutsu cuiꞌ li tenamit Jerusalén. Chi kꞌek chi cutan incꞌaꞌ teꞌxcanab xtzꞌa̱manquil xtenkꞌanquileb chiru li Dios.

Hebreos 13:17

Chex-abi̱nk chiruheb laj cꞌamol be che̱ru, ut cheba̱nuhak li cꞌaꞌru nequeꞌxye e̱re xban nak eb aꞌan nequeꞌtenkꞌan e̱re saꞌ le̱ pa̱ba̱l. Aꞌaneb li teꞌxkꞌaxtesi xcue̱nt che̱rix chiru li Dios. Chetenkꞌaheb re nak sahakeb saꞌ xchꞌo̱l saꞌ lix cꞌanjeleb xban nak cui rahakeb saꞌ xchꞌo̱l, rahak ajcuiꞌ chokꞌ e̱re la̱ex.

San Juan 15:24

Ma̱cꞌaꞌeb raj xma̱c cui ta incꞌaꞌ xeꞌril li milagros li xinba̱nu chiruheb, li milagros li ma̱ ani chic naru xba̱nunquil. Abanan eb aꞌan queꞌril li xinba̱nu. Joꞌcan nak xicꞌ niquineꞌril la̱in ut xicꞌ ajcuiꞌ nequeꞌril lin Yucuaꞌ.

Ezequiel 33:7

Li Ka̱cuaꞌ quixye cue: —Anakcuan, at ralal cui̱nk, yo̱quin cha̱xakabanquil chokꞌ aj ilol reheb li ralal xcꞌajol laj Israel. Chaqꞌue retal chixjunil li cꞌaꞌru tinye a̱cue, ut ta̱ye aꞌan reheb.

Lamentaciones 4:13

Aꞌin quicꞌulman xban lix ma̱queb li profetas ut eb laj tij. Eb aꞌan queꞌma̱cob nak queꞌxqꞌueheb chi camsi̱c aran Jerusalén li cristian li ma̱cꞌaꞌeb xma̱c.

Lamentaciones 2:14

Aꞌaneb ajcuiꞌ le̱ profeta li queꞌbalakꞌin e̱re. La̱ex yo̱quex chi ma̱cobc, abanan incꞌaꞌ queꞌxye e̱re nak incꞌaꞌ us yo̱quex. Incꞌaꞌ queꞌxye e̱re nak te̱yotꞌ e̱chꞌo̱l ut te̱jal e̱cꞌaꞌux re nak incꞌaꞌ texchapekꞌ. Ticꞌtiꞌ ban li queꞌxye e̱re.

Jeremías 31:6

Ta̱cuulak xkꞌehil nak eb li yo̱queb chi cꞌacꞌale̱nc saꞌ eb li tzu̱l li cuanqueb aran Efraín teꞌxjap re chixyebal, “¡Quimkex! Toxic Sión chixlokꞌoninquil li Ka̱cuaꞌ li kaDios,” chaꞌakeb.

Jeremías 14:13

Ut laj Jeremías quixye: —At nimajcual Dios, la̱at nacanau nak eb li profetas yo̱queb chixyebal reheb li tenamit nak incꞌaꞌ ta̱cua̱nk li ple̱t chi moco ta̱cua̱nk li cueꞌej. Yo̱queb chixyebal nak ta̱qꞌue reheb li tuktu̱quil usilal, chan.

Jeremías 6:17

Joꞌcan nak la̱in quinxakabeb laj ilol e̱re ut quinye e̱re: —¡Qꞌuehomak retal nak ta̱ya̱basi̱k li trompeta!— Abanan la̱ex queye: —Incꞌaꞌ nakaj rabinquil, chanquex.

Jeremías 6:14

Chiruheb aꞌan moco nim ta li raylal li yo̱ chixcꞌulbal lin tenamit. Eb aꞌan nequeꞌxye nak ma̱cꞌaꞌ raylal. Nequeꞌxye nak cuan li tuktu̱quil usilal. Abanan ma̱cꞌaꞌ tuktu̱quil usilal.

Cantares 3:3

Eb li nequeꞌcꞌacꞌalen re li tenamit quineꞌril ut quinye reheb: —¿Ma incꞌaꞌ xeril ru li narahoc cue? chanquin reheb.

2 Reyes 13:21

Saꞌ jun li cutan eb laj Israel yo̱queb chixmukbal jun li camenak. Queꞌril nak yo̱queb chak chi cha̱lc laj Moab. Cuanqueb chak xchꞌi̱chꞌ saꞌ rukꞌeb. Eb laj Israel queꞌxcut li camenak saꞌ li mukleba̱l li mukbil cuiꞌ laj Eliseo. Nak li camenak quinak saꞌ xbe̱n lix bakel li profeta Eliseo, li camenak quiyoꞌla cuiꞌchic ut quixakli.

2 Reyes 7:19

Li cui̱nk li natenkꞌan re li rey quixye: —Usta li Ka̱cuaꞌ Dios naxtakla chak saꞌ choxa li cebada chi nabal, ma̱ jaruj ta̱cꞌulma̱nk joꞌ xaye, chan. Ut laj Eliseo quixye re: —La̱at ta̱cuil nak ta̱cꞌulma̱nk, abanan la̱at incꞌaꞌ ta̱tzaca li tzacae̱mk aꞌan, chan.

2 Reyes 7:2

Li cui̱nk li natenkꞌan re li rey quixye re laj Eliseo: —Usta li Ka̱cuaꞌ Dios naxtakla chak saꞌ choxa li cebada chi nabal, ma̱ jaruj ta̱cꞌulma̱nk joꞌ xaye, chan. Ut laj Eliseo quixye re: —La̱at ta̱cuil nak ta̱cꞌulma̱nk joꞌ xinye. Abanan la̱at incꞌaꞌ ta̱tzaca li tzacae̱mk aꞌan, chan.

2 Reyes 5:27

Anakcuan ta̱letz cha̱cuix lix yajel laj Naamán. Chalen anakcuan saklep chic a̱cuix joꞌ eb ajcuiꞌ la̱ cualal a̱cꞌajol saklep chic rixeb, chan. Ut nak co̱ laj Giezi, saklep chic rix. Sak sak joꞌ li ratzꞌam que.

2 Reyes 5:14

Joꞌcan nak laj Naamán co̱ saꞌ li nimaꞌ Jordán ut quixsub rib cuukub sut saꞌ li nimaꞌ joꞌ quiyeheꞌ re xban lix profeta li Dios. Ut quiqꞌuira. Lix tibel kꞌun kꞌun quicana joꞌ xtibel junak sa̱j al.

2 Reyes 4:43

Lix mo̱s quixye re: —¿Chanru nak tebinqꞌue chi cuaꞌac li jun ciento chi cui̱nk? ¿Ma ta̱tzꞌaklok ta biꞌ aꞌin? chan. Abanan laj Eliseo quixye re: —Qꞌueheb chi cuaꞌac. Li Ka̱cuaꞌ quixye cue nak teꞌcuaꞌak chixjunileb ut toj cuan ta̱elaꞌa̱nk, chan.

2 Reyes 4:41

Li profeta Eliseo quixye reheb: —Cꞌamomak chak caꞌchꞌinak li cꞌaj, chan. Nak queꞌxqꞌue re, quixcut saꞌ li ucꞌal ut quixye re lix mo̱s: —Qꞌue lix tzacae̱mkeb, chan. Ut nak queꞌxyal queꞌxqꞌue retal nak ma̱cꞌaꞌ re̱cꞌ. Cha̱bil chic.

2 Reyes 2:21

Nak queꞌxqꞌue li secꞌ re, laj Eliseo quixcꞌam cuan cuiꞌ li yuꞌam haꞌ. Quixcut li atzꞌam saꞌ li haꞌ ut quixye: —Li Ka̱cuaꞌ Dios quixye chi joꞌcaꞌin, “La̱in xinban li haꞌ aꞌin. Ma̱cꞌaꞌ chic xyajel. Incꞌaꞌ chic teꞌca̱mk li teꞌucꞌak re li haꞌ aꞌin, ut eb li yaj aj ixk teꞌyoꞌla̱k chic lix cꞌulaꞌaleb,” chan.—

2 Reyes 2:14

Quixsacꞌ li haꞌ riqꞌuin lix tꞌicr laj Elías ut quixye: —¿Bar cuan li Ka̱cuaꞌ lix Dios laj Elías? chan. Nak ac xsacꞌ li haꞌ riqꞌuin lix tꞌicr laj Elías, li haꞌ quixjach rib ut laj Eliseo quinumeꞌ jun pacꞌal li nimaꞌ.

1 Reyes 22:28

Ut laj Micaías quixye re: —Cui la̱at tatsukꞌi̱k chak chi sa saꞌ a̱chꞌo̱l, ma̱cuaꞌ li Ka̱cuaꞌ xyehoc cue li xinye, chan. Ut quixye reheb li tenamit —Che̱junilex la̱ex qꞌuehomak retal li xinye, chan.

1 Reyes 22:22

Li musikꞌej quixye, “La̱in tin-oc riqꞌuineb chixjunileb li profeta re nak teꞌxye ticꞌtiꞌ re laj Acab,” chan. Ut li Ka̱cuaꞌ quixye re, “Us. Ayu ut balakꞌi laj Acab. Ta̱uxma̱nk joꞌ xaye” chan.—

Romanos 3:7

Ut cuanqueb ajcuiꞌ li nequeꞌyehoc nak riqꞌuin li ticꞌtiꞌic nequeꞌxba̱nu, ta̱qꞌuehekꞌ xcuanquil li ya̱l li naxye li Dios ut kꞌaxal cuiꞌchic ta̱lokꞌoni̱k ru li Dios. Ut cui riqꞌuin li katicꞌtiꞌ nalokꞌoni̱c ru li Dios, ¿cꞌaꞌut nak naxye nak la̱o aj ma̱c chi joꞌcanan?

1 Reyes 22:11

Li profeta Sedequías, li ralal laj Quenaana, quixyi̱b li xucub riqꞌuin chꞌi̱chꞌ ut yo̱ chixjapbal re chixyebal: —Joꞌcaꞌin xye li Ka̱cuaꞌ, “Riqꞌuineb li xucub aꞌin ta̱xekꞌeb laj Siria toj retal ta̱sach ruheb chixjunileb”, chan.

1 Reyes 22:6

Ut lix reyeb laj Israel quixchꞌutubeb li profeta. Cuanqueb na ca̱hib ciento chi profeta. Ut li rey quixpatzꞌ reheb: —¿Ma us nak toxic chi pletic aran Ramot xcue̱nt Galaad? chan. Ut eb li profeta queꞌxye re: —Us texxic chi pletic xban nak li Ka̱cuaꞌ tixkꞌaxtesi li tenamit Ramot saꞌ a̱cuukꞌ la̱at, chanqueb.

1 Reyes 18:19

Ut quixye ajcuiꞌ re li rey Acab nak tixchꞌutubeb li ca̱hib ciento riqꞌuin mero ciento li profeta li nequeꞌcꞌanjelac chiru laj Baal ut tixchꞌutubeb ajcuiꞌ li ca̱hib ciento chi profeta li nequeꞌcꞌanjelac chiru lix Asera, li nequeꞌtzacan riqꞌuin lix Jezabel, li rixakil li rey.

1 Reyes 18:1

Mokon chic nak yo̱ rox chihab li cueꞌej li Ka̱cuaꞌ quixye re laj Elías: —Tatxic cuiꞌchic riqꞌuin li rey Acab ut ta̱ye re nak la̱in tintakla cuiꞌchic li hab, chan.

1 Reyes 17:1

Quicuan jun li profeta aj Elías xcꞌabaꞌ. Lix tenamit, aꞌan Tisbe li cuan saꞌ xcue̱nt Galaad. Laj Elías quixye re li rey Acab: —Saꞌ xcꞌabaꞌ li Ka̱cuaꞌ, lix Dioseb laj Israel li nincꞌanjelac chiru, la̱in ninye a̱cue nak chiru cuib oxib chihab incꞌaꞌ chic tixqꞌue li hab toj tinye la̱in, chan.

Salmos 124:7

Xocoleꞌ chiruheb li xicꞌ nequeꞌiloc ke. Chanchan nak naxcol rib li xul chiru li yo̱ chi chapoc re. Quisach xcuanquileb li xicꞌ nequeꞌiloc ke ut xocoleꞌ chiruheb.

Eclesiastés 9:12

Li cui̱nk incꞌaꞌ naxnau jokꞌe tixcꞌul junak chꞌaꞌajquilal. Chanchaneb li car li nequeꞌchapeꞌ riqꞌuin yoy. Ut chanchaneb li xul li nequeꞌchapeꞌ riqꞌuin raꞌal. Joꞌcan ajcuiꞌ nequeꞌxcꞌul li cui̱nk. Eb aꞌan nequeꞌxcꞌul li chꞌaꞌajquilal chi ma̱cꞌaꞌeb saꞌ xchꞌo̱l nak nacuulac xkꞌehil.

Jeremías 23:13

La̱in ninnau cꞌaꞌru li ma̱c nequeꞌxba̱nu lix profeteb laj Samaria. Queꞌa̱tinac saꞌ xcꞌabaꞌ li yi̱banbil dios Baal. Ut aꞌaneb li queꞌqꞌuehoc reheb lin tenamit chi ma̱cobc.

Oseas 9:7

Cuulac re xkꞌehil li rakba a̱tin saꞌ e̱be̱n. Cuulac re xkꞌehil nak te̱toj rix le̱ ma̱c. Nak ta̱cuulak li cutan aꞌan, la̱ex aj Israel te̱qꞌue retal. Che̱ru la̱ex li profeta ma̱cꞌaꞌ chic xnaꞌleb. Laj yehol ra̱tin li Dios xlo̱coꞌ ru, chanquex. Xban xqꞌuial le̱ ma̱usilal xicꞌ chic niquine̱ril.

Oseas 9:9

Kꞌaxal xnumta le̱ ma̱usilal joꞌ queꞌxba̱nu aran Gabaa. Anakcuan ta̱julticokꞌ re li Dios le̱ ma̱usilal ut aꞌan ta̱qꞌuehok e̱re chixtojbal rix le̱ ma̱c, chan laj Oseas.

Jeremías 11:19

La̱in chanchanin jun li carner li yo̱ chi cꞌamecꞌ chi camsi̱c. Ma̱cꞌaꞌ saꞌ inchꞌo̱l nak yo̱queb chixcꞌu̱banquil chanru nak tineꞌxcamsi. Yo̱queb chixyebal, “Kacamsihak li cui̱nk aꞌin joꞌ nak nayoqꞌueꞌ li cheꞌ li cuan ru. Kisihak chi jun aj cua saꞌ ruchichꞌochꞌ re nak ma̱ ani chic ta̱jultica̱nk re,” chanqueb.