Oseas 9:16 - Li Santil hu

¹⁶ Eb li ralal xcꞌajol laj Efraín ra teꞌxcꞌul. Chanchanakeb li cheꞌ li yo̱ chi chakic xxeꞌ. Incꞌaꞌ chic teꞌcua̱nk xcocꞌaleb. Ut cui ta teꞌcua̱nk, la̱in tinmakꞌeb chiruheb, usta kꞌaxal raro xbaneb, chan li Dios.

Q'eqchi Bible

¹⁶ Kamk re laj Efraín, chanchan aj chik li chaqiche' li ink'a' chik na'uuchink. Us ta te'wanq ralal xk'ajoleb', laa'in tink'e chi kamk li xmaataneb'”.

Oseas 9:16 ပူးပေါင်းရင်းမြစ်များ

Ezequiel 24:21

Joꞌcaꞌin naxye li Ka̱cuaꞌ li nimajcual Dios e̱re la̱ex aj Israel: La̱in li Ka̱cuaꞌ tincanab chi muxecꞌ ru lin templo li kꞌaxal nequera, li cꞌojcꞌo cuiꞌ e̱chꞌo̱l ut nacuulac che̱ru rilbal. Ut eb le̱ ralal e̱cꞌajol li toj cuanqueb Jerusalén teꞌcamsi̱k saꞌ li ple̱t, chan li Ka̱cuaꞌ e̱re.

Isaías 5:24

Xban le̱ ma̱usilal, la̱ex tex-osokꞌ joꞌ na-osoꞌ li qꞌuim ut li chaki pim nak nacꞌat xban xam. Joꞌ nak nakꞌa lix xeꞌ li acui̱mk ut li rutzꞌuꞌujil nachakic ut nasukꞌi poks, joꞌcan ajcuiꞌ nak tex-osokꞌ la̱ex xban nak nequetzꞌekta̱na lix chakꞌrab li nimajcual Dios. Nequetzꞌekta̱na li ra̱tin li Dios santo, lix Dioseb laj Israel.

Malaquías 4:1

Li Ka̱cuaꞌ Dios quixye: —Relic chi ya̱l cuulac re xkꞌehil nak la̱in tinrakok a̱tin. Chanchan li xam li cuan saꞌ li horno nak tinrakok a̱tin saꞌ xbe̱neb li tenamit. Aran teꞌosokꞌ li nequeꞌxnimobresi ribeb joꞌqueb ajcuiꞌ li nequeꞌba̱nun ma̱usilal. Chanchanakeb li qꞌuim nak teꞌcꞌatk saꞌ li cutan aꞌan. Ut ma̱ jun chic teꞌcolekꞌ.

Oseas 8:7

Li cꞌaꞌru yo̱queb chixba̱nunquil ma̱cꞌaꞌ na-oc cuiꞌ. Ut li cꞌaꞌru teꞌxcꞌul, aꞌan li osocꞌ. Chanchan nak xeꞌrau li ikꞌ ut aꞌ chic li ca̱k-sut-ikꞌ li xeꞌxkꞌol. Li trigo teꞌrau incꞌaꞌ ta̱atzꞌumak chi moco tixqꞌue ru. Ut cui ta tixqꞌue, jalan chic teꞌtzaca̱nk re.

Oseas 5:11

Eb li ralal xcꞌajol laj Efraín nequeꞌrahobtesi̱c xban nak nequeꞌxtzꞌekta̱na li ti̱quilal ut nequeꞌxqꞌue xchꞌo̱l chixlokꞌoninquileb li yi̱banbil dios.

Isaías 40:24

Eb aꞌan teꞌosokꞌ. Chanchan li ma̱ jun sut queꞌcuan saꞌ ruchichꞌochꞌ. Chanchaneb li acui̱mk li tojeꞌ xmok ut toj ma̱jiꞌ xchap xxeꞌ chi us. Nak li Ka̱cuaꞌ naxtakla li ikꞌ, nequeꞌchakic ut nequeꞌcꞌameꞌ xban li ikꞌ joꞌ li qꞌuim.

Li xHu LAJ JOB 18:16

Chanchanak jun li cheꞌ nachakic lix xeꞌ ut nachakic ajcuiꞌ li rukꞌ.

Génesis 41:23

Tojoꞌnak queꞌel cuukub chi̱j chic chi trigo kꞌaxal cocꞌ ut ac xtzꞌumar xban li tikcual ikꞌ.

Deuteronomio 32:25

Telajeꞌcamsi̱k riqꞌuin chꞌi̱chꞌ li cuanqueb saꞌ be. Ut cꞌajoꞌ nak teꞌxucuak saꞌ li rochocheb. Telajeꞌca̱mk li sa̱jeb, joꞌ chꞌajom, joꞌ xkaꞌal. Telajeꞌca̱mk li cꞌulaꞌal ut li ac ti̱xeb.