Oseas 9:15 - Li Santil hu

¹⁵ Ut li Ka̱cuaꞌ quixye: —Chixjunil lix ma̱usilal queꞌxtiquib xba̱nunquil aran Gilgal. Aran ajcuiꞌ quichal injoskꞌil saꞌ xbe̱neb. Xban li ma̱usilal nequeꞌxba̱nu, tincuisiheb saꞌ li cuochoch ut incꞌaꞌ chic tinraheb. Chixjunileb laj cꞌamol be chiruheb xeꞌxkꞌetkꞌeti ribeb chicuu.

Q'eqchi Bible

¹⁵ Jo'ka'in ajwi' xye li Qaawa': “Chixjunil li xmaa'usilaleb' kik'utunk aran Kilkal; aran ajwi' kintikib' xxik'b'al rilb'aleb'. Xb'aan li xyib'al ru xb'aanuhomeb' te'wisiheb' sa' linmuheb'aal ut ink'a' chik tinraheb', xb'aan naq jwal q'etq'eteb' chixjunil laj k'amol xb'eheb'.

Oseas 9:15 ပူးပေါင်းရင်းမြစ်များ

Oseas 12:11

—¿Ma incꞌaꞌ ta biꞌ numtajenak li ma̱c aran Galaad? Relic chi ya̱l nak numtajenak li ma̱c. Aran Gilgal nequeꞌxmayeja li cuacax. Abanan ta̱cuulak xkꞌehil nak ma̱cꞌaꞌ chic teꞌoc cuiꞌ lix artaleb. Chanchan li pec yal tu̱btu teꞌcana̱k saꞌ lix naꞌajeb.

Oseas 4:15

Usta niquine̱tzꞌekta̱na la̱ex aj Israel, aban incꞌaꞌ taxak tineꞌxtzꞌekta̱na eb laj Judá. Mexxic aran Gilgal chi lokꞌoni̱nc, chi moco texxic Bet-avén, chi moco te̱ba̱nu li juramento saꞌ incꞌabaꞌ la̱in li yoꞌyo̱quil Dios.

Isaías 1:23

Eb li nequeꞌcꞌamoc be che̱ru aj kꞌetoleb a̱tin ut nequeꞌxjunaji rib riqꞌuineb laj e̱lkꞌ. Nequeꞌxra ru li tumin ut nequeꞌxqꞌue rib chi tumina̱c. Incꞌaꞌ nequeꞌxba̱nu usilal reheb li ma̱cꞌaꞌeb xnaꞌ xyucuaꞌ chi moco nequeꞌxtenkꞌaheb li xma̱lcaꞌan.

Amós 5:5

Mexxic chic aran Bet-el chi lokꞌoni̱nc chi moco texxic chic Gilgal. Ut mexnumeꞌ chic aran Beerseba xban nak eb laj Gilgal teꞌchapekꞌ ut eb laj Bet-el teꞌosokꞌ, chan li Ka̱cuaꞌ.

1 Samuel 7:16

Rajlal chihab naxic saꞌ eb li tenamit Bet-el, Gilgal, ut Mizpa ut narakoc a̱tin saꞌ xbe̱neb laj Israel li cuanqueb saꞌ eb li naꞌajej aꞌan.

Sofonías 3:3

Eb laj cꞌamol be saꞌ li tenamit chanchaneb li joskꞌ aj cakcoj li teꞌtzꞌoca̱k. Ut eb li nequeꞌrakoc a̱tin saꞌ xbe̱neb li tenamit, chanchaneb laj xoj li nequeꞌbe̱c chi kꞌek chixsicꞌbal li cꞌaꞌru teꞌxtiu ut nak nequeꞌxtau, nequeꞌxchoy chi junaj cua. Chi moco li bak nequeꞌxcanab bayak re cuulaj.

Miqueas 6:5

Ex intenamit, chijulticokꞌ e̱re li cꞌaꞌru quiraj xba̱nunquil e̱re laj Balac lix reyeb laj Moab ut julticokꞌ ajcuiꞌ e̱re chanru nak quixsume laj Balaam, ralal laj Beor. Ut chijulticokꞌ ajcuiꞌ e̱re li cꞌaꞌru quicꞌulman aran Sitim toj Gilgal re nak te̱qꞌue retal nak junes usilal xinba̱nu e̱re, chan li Ka̱cuaꞌ.

Hechos 4:27

At Ka̱cuaꞌ, ya̱l ajcuiꞌ nak queꞌxchꞌutub ribeb saꞌ li tenamit aꞌin laj Herodes ut laj Poncio Pilato rochbeneb li tenamit aj Israel joꞌqueb ajcuiꞌ li ma̱cuaꞌeb aj Israel ut queꞌxcꞌu̱b ru chanru nak teꞌxba̱nu raylal re li Jesús la̱ Santil Alal li sicꞌbil ru a̱ban xban nak xicꞌ queꞌril.

Zacarías 11:8

Ut chiru jun po quinsach ruheb oxib laj ilol reheb li carner. Incꞌaꞌ chic quincuyeb xma̱c xban nak eb aꞌan xicꞌ ajcuiꞌ niquineꞌril la̱in.

Miqueas 3:11

Eb laj rakol a̱tin nequeꞌtumina̱c ruheb nak nequeꞌrakoc a̱tin. Ut eb laj tij tojbileb nak nequeꞌxcꞌut li chakꞌrab chiruheb li tenamit. Ut eb li profeta nequeꞌyehoc ra̱tin profeta re nak teꞌxcꞌul lix tumineb. Ut chixjunileb nequeꞌxcꞌojob xchꞌo̱l chixyebal: —Li Ka̱cuaꞌ cuan kiqꞌuin. La̱o ma̱cꞌaꞌ raylal takacꞌul, chanqueb.

Amós 5:27

Xban le̱ ma̱usilal, la̱in texincanab chi chapecꞌ ut te̱pako le̱ yi̱banbil dios nak texcꞌamekꞌ toj jun pacꞌal li tenamit Damasco, chan li Ka̱cuaꞌ, li nimajcual Dios.

Amós 4:4

Ayukex aran Bet-el ut ba̱nuhomak li cꞌaꞌru te̱raj xba̱nunquil. Ayukex Gilgal chixba̱nunquil le̱ ma̱usilal. Rajlal ekꞌela texmayejak chiru le̱ yi̱banbil dios, ut rajlal oxib cutan te̱qꞌue le̱ mayej li junju̱nk saꞌ xlaje̱tkil.

Oseas 9:17

Laj Oseas quixye: —Lin Dios tixtzꞌekta̱naheb xban nak incꞌaꞌ queꞌxba̱nu li cꞌaꞌru quixye aꞌan. Joꞌcan nak teꞌxbeni ribeb yalak bar saꞌ ruchichꞌochꞌ.

Oseas 9:3

La̱ex incꞌaꞌ texcana̱k arin saꞌ li naꞌajej li qꞌuebil e̱re xban li Dios. La̱ex ralal xcꞌajol laj Efraín, texcana̱k rubel xtakl laj Asiria. Chanchan nak quexcuan chak Egipto. Ut te̱tzaca li tzacae̱mk li yebil e̱re nak incꞌaꞌ us te̱tzaca.

Oseas 7:2

Incꞌaꞌ nequeꞌxcꞌoxla nak la̱in yo̱quin chixqꞌuebal retal lix ma̱usilaleb. La̱in nacuil nak li ma̱c yo̱ chi numta̱c saꞌ xbe̱neb.

Oseas 4:9

Chanru lix naꞌlebeb li tenamit, joꞌcan ajcuiꞌ e̱naꞌleb la̱ex aj tij. Joꞌcan nak texinqꞌue chixtojbal rix le̱ ma̱c aꞌ yal chanru le̱ yehom e̱ba̱nuhom.

Oseas 3:4

Joꞌcaꞌin xinba̱nu riqꞌuin re xcꞌutbal chiruheb laj Israel nak najt teꞌcua̱nk chi ma̱cꞌaꞌ lix reyeb, chi moco teꞌcua̱nk aj cꞌamol be chiruheb. Incꞌaꞌ chic teꞌmayejak chiruheb lix dioseb, chi moco ta̱cua̱nk lix dioseb pec, chi moco ta̱cua̱nk li cꞌaꞌak re ru re acuasi̱nc, chi moco teꞌcua̱nk lix yi̱banbil dios re ta̱colok reheb.

Oseas 1:9

Ut li Ka̱cuaꞌ quixye re laj Oseas: —Qꞌue Lo-ammi chokꞌ xcꞌabaꞌ. (Li cꞌabaꞌej aꞌan naraj naxye nak ma̱cuaꞌeb chic intenamit.) Qꞌue aꞌan chokꞌ xcꞌabaꞌ xban nak la̱ex aj Israel ma̱cuaꞌex chic lin tenamit chi moco la̱inak chic le̱ Dios, chan.

Oseas 1:6

Ut lix Gomer quicuan jun chic lix cꞌulaꞌal, chꞌina xkaꞌal. Ut li Ka̱cuaꞌ quixye re laj Oseas: —Qꞌue Lo-ruhama chokꞌ xcꞌabaꞌ. (Li cꞌabaꞌej aꞌan naraj naxye: Incꞌaꞌ naraheꞌ.) Qꞌue aꞌan chokꞌ xcꞌabaꞌ xban nak la̱in incꞌaꞌ chic teꞌcuil xtokꞌoba̱l ruheb laj Israel ut incꞌaꞌ chic tebincꞌoxla chi junaj cua.

Ezequiel 23:18

Chiruheb chixjunileb lix Aholiba quixmux rib ut quixtꞌusub rib. Joꞌcan nak la̱in quinjoskꞌoꞌ riqꞌuin joꞌ nak quinjoskꞌoꞌ riqꞌuin lix Ahola li ras ut quintzꞌekta̱na.

Ezequiel 22:27

Eb li nequeꞌtaklan saꞌ li tenamit chanchaneb chic laj xoj li yo̱queb chixtꞌupbal lix tibeb. Nequeꞌxcamsiheb li ras ri̱tzꞌin xban xsicꞌbal xbiomaleb.

Jeremías 11:15

Li Ka̱cuaꞌ quixye ajcuiꞌ: —¡Eb li tenamit li ninra yo̱queb chixba̱nunquil li ma̱usilal! ¿Ma xcꞌulubeb ta biꞌ aꞌan nak teꞌcha̱lk saꞌ lin templo? ¿Ma ta̱ru̱k ta biꞌ teꞌxcol ribeb chiru li tojba ma̱c xban li tib li nequeꞌxmayeja? ¿Ma naru ta biꞌ teꞌxcꞌojob xchꞌo̱leb riqꞌuin aꞌan?

Jeremías 5:5

Joꞌcan nak la̱in tinxic riqꞌuineb li cuanqueb xcuanquil ut tina̱tinak riqꞌuineb. Eb aꞌan nequeꞌxnau cꞌaꞌru naraj li Dios. Eb aꞌan nequeꞌxnau cꞌaꞌru quixye li Dios nak tento teꞌxba̱nu, chanquin. Abanan chixjunileb aꞌan queꞌxtzꞌekta̱na li Ka̱cuaꞌ ut incꞌaꞌ queꞌxba̱nu li cꞌaꞌru quixye.

Jeremías 3:8

Laj Judá queꞌxqꞌue retal nak la̱in quintzꞌekta̱naheb laj Israel. Chanchan nak naxjach rib riqꞌuin li rixakil junak cui̱nk xban nak xtau xma̱c chiru. Abanan incꞌaꞌ queꞌoc xxiuheb laj Judá, usta queꞌril li cꞌaꞌru queꞌxcꞌul laj Israel. Queꞌxkꞌaxtesi ban ribeb chixlokꞌoninquil li jalanil dios.

Salmos 78:60

Ut quixtzꞌekta̱na ajcuiꞌ li tabernáculo li quixakaba̱c aran Silo, li naꞌajej li quiqꞌueheꞌ cuiꞌ xlokꞌal xbaneb laj Israel.

Josué 10:43

Ut laj Josué rochbeneb lix soldados queꞌsukꞌi cuiꞌchic aran Gilgal saꞌ li naꞌajej li yo̱queb cuiꞌ chi hila̱nc.

Levítico 26:30

La̱in tintꞌan li naꞌajej li najt xteram li nequexlokꞌonin cuiꞌ. Ut tinjucꞌ li artal li nequecꞌat cuiꞌ le̱ pom. Ut la̱in tintu̱b le̱ camenak saꞌ xbe̱neb le̱ yi̱banbil dios, li moco yoꞌyo̱queb ta. Ut xicꞌ chic texcuil.

Hechos 5:21

Cuulajak chic nak toj ekꞌela queꞌco̱eb saꞌ li templo eb li apóstol ut queꞌoc chixchꞌolobanquil lix ya̱lal chiruheb li tenamit joꞌ quiyeheꞌ reheb xban li ángel. Saꞌ ajcuiꞌ li ekꞌela aꞌan queꞌcuulac li xbe̱nil aj tij rochbeneb chixjunileb li nequeꞌtenkꞌan re, ut queꞌxbokeb li jun chꞌol chic li nequeꞌcꞌamoc be chiruheb laj judío joꞌqueb ajcuiꞌ li nequeꞌtaklan saꞌ xbe̱neb. Ut queꞌxtakla xyebal re laj ilol tzꞌalam nak teꞌcꞌamekꞌ li apóstol riqꞌuineb.

Jeremías 12:8

Eb li sicꞌbileb ru inban nequeꞌxcuechꞌi cuix. Chanchaneb li cakcoj nak yo̱ chixjapbal re saꞌ qꞌuicheꞌ. Joꞌcan nak xicꞌ chic nacuileb.

Oseas 12:2

Li Ka̱cuaꞌ yo̱ xjoskꞌil saꞌ xbe̱neb li ralal xcꞌajol laj Judá ut tixqꞌueheb chixtojbal xma̱queb li ralal xcꞌajol laj Jacob aꞌ yal chanru xyehom xba̱nuhomeb. Tixqꞌueheb chixtojbal xma̱queb joꞌ xcꞌulubeb.

Jeremías 15:1

Tojoꞌnak li Ka̱cuaꞌ quixye cue: —Usta laj Moisés ut laj Samuel teꞌcha̱lk chi a̱tinac cuiqꞌuin chirix li tenamit aꞌin, abanan la̱in incꞌaꞌ tincuil xtokꞌoba̱l ruheb. Xicakeb. Isiheb chicuu.