Oseas 9:13 - Li Santil hu

¹³ Laj Oseas quixye re li Ka̱cuaꞌ: —Cꞌajoꞌ raj xchꞌinaꞌusal lix naꞌajeb li ralal xcꞌajol laj Efraín. Chanchan li naꞌajej Tiro. Abanan li ralal xcꞌajol laj Efraín tenebanbil ca̱mc saꞌ xbe̱neb.

Q'eqchi Bible

¹³ Nink'e reetal naq eb' li ralal xk'ajol laj Efraín chanchaneb' wi' li xtzak eb' li neke'yohok: teneb'anb'il kamk sa' xb'eeneb'”.

Oseas 9:13 ပူးပေါင်းရင်းမြစ်များ

Ezequiel 27:3

Li tenamit Tiro cuan chire li palau. Eb li cuanqueb Tiro nequeꞌyacoc riqꞌuin nabal chi tenamit li cuanqueb chire li palau. Ta̱ye reheb laj Tiro nak la̱in li nimajcual Dios ninye chi joꞌcaꞌin: La̱ex aj Tiro nequeye nak cꞌajoꞌ le̱ chꞌinaꞌusal ut nequeye ajcuiꞌ nak tzꞌakal e̱re e̱ru.

Amós 7:17

La̱ cuixakil ta̱yumbe̱tak saꞌ li tenamit ut eb la̱ cualal a̱cꞌajol teꞌcamsi̱k saꞌ li ple̱t. La̱ chꞌochꞌ ta̱jeqꞌui̱k reheb jalan. Ut la̱at toxatca̱mk saꞌ jalan tenamit saꞌ xya̱nkeb li incꞌaꞌ nequeꞌxcꞌoxla li Dios. Ut la̱ex aj Israel texchapekꞌ ut texcꞌamekꞌ chi najt saꞌ jalan tenamit, chan.

Oseas 13:16

La̱in tebinqꞌue chixtojbal rix lix ma̱queb laj Samaria xban nak xineꞌxtzꞌekta̱na. Ta̱cha̱lk li ple̱t saꞌ xbe̱neb ut telajeꞌcamsi̱k riqꞌuin chꞌi̱chꞌ. Tenbileb chiru pec li cocꞌal nak teꞌcamsi̱k. Ut eb li yaj aj ixk jachbileb chi chꞌi̱chꞌ nak teꞌcamsi̱k.

Oseas 13:8

La̱in tinjoskꞌokꞌ joꞌ nak najoskꞌoꞌ li ixki oso li na-elkꞌa̱c ral chiru. Tinba̱nu joꞌ naxba̱nu li oso nak naxchap ut naxtꞌupi li namakꞌoc re li ral chiru toj retal tixcamsi. Chanchanakin li cakcoj nak tinsacheb. Ut tinba̱nu joꞌ naxba̱nu li joskꞌ aj xul saꞌ qꞌuicheꞌ nak naxtꞌupi lix tib.

Oseas 10:14

Ta̱cha̱lk li ple̱t saꞌ e̱be̱n ut chixjunileb li xni̱nkal ru cab li nequecol cuiꞌ e̱rib talajeꞌsachekꞌ. Te̱cꞌul joꞌ quicꞌulman saꞌ eb li cutan nak li rey Salmán quixsach li tenamit Bet-arbel nak quicuan li ple̱t ut eb li naꞌbej joꞌqueb ajcuiꞌ lix cocꞌaleb quilajeꞌcamsi̱c.

Oseas 9:16

Eb li ralal xcꞌajol laj Efraín ra teꞌxcꞌul. Chanchanakeb li cheꞌ li yo̱ chi chakic xxeꞌ. Incꞌaꞌ chic teꞌcua̱nk xcocꞌaleb. Ut cui ta teꞌcua̱nk, la̱in tinmakꞌeb chiruheb, usta kꞌaxal raro xbaneb, chan li Dios.

Jeremías 9:21

Li ca̱mc xchal saꞌ kabe̱n. Chanchan nak x-oc saꞌ li kaventana. Chanchan nak x-oc saꞌ eb li cab li cauresinbil chi us re takacol cuiꞌ kib. Queꞌcamsi̱c li cocꞌal saꞌ be ut queꞌcamsi̱c li cui̱nk li toj sa̱jeb saꞌ eb li cꞌayiba̱l.

2 Reyes 15:16

Nak laj Manahem qui-el Tirsa, quixsach ru li tenamit Tifsa. Quixcamsiheb li cuanqueb aran. Ut quixset xsaꞌeb li yaj aj ixk. Quixba̱nu chi joꞌcan xban nak incꞌaꞌ queꞌraj xcꞌulbal chokꞌ rey.

Jeremías 7:15

Texintzꞌekta̱na joꞌ nak quintzꞌekta̱naheb chixjunileb le̱ rechꞌalal, li ralal xcꞌajol laj Efraín. La̱in li Ka̱cuaꞌ ninyehoc re aꞌin.—

Li xHu LAJ JOB 27:14

Usta nabalakeb li ralal, eb aꞌan teꞌca̱mk saꞌ li ple̱t. Ut eb lix cocꞌal incꞌaꞌ ta̱tzꞌaklok lix tzacae̱mkeb.

Lamentaciones 2:22

Xiu xiu cuanco. Yalak bar yo̱queb chi cha̱lc li nequeꞌba̱nun raylal ke. Chanchan li bokbileb saꞌ junak ninkꞌe. At Ka̱cuaꞌ, ma̱ ani naru naxcol rib cha̱cuu nak yo̱ a̱joskꞌil. Eb li xinqꞌuiresiheb quilajeꞌcamsi̱c; ut li xinchꞌolaniheb queꞌsacheꞌ ruheb xbaneb li xicꞌ nequeꞌiloc ke.

Oseas 14:1

La̱ex aj Israel, sukꞌinkex cuiꞌchic riqꞌuin li Ka̱cuaꞌ le̱ Dios. La̱ex yo̱quex chixcꞌulbal li raylal xban li ma̱c xeba̱nu.