Oseas 9:11 - Li Santil hu

¹¹ Joꞌ nak naxicꞌan li xul chiru choxa, joꞌcan nak ta̱sachekꞌ lix lokꞌaleb li ralal xcꞌajol laj Efraín. Incꞌaꞌ chic teꞌcua̱nk ralal xcꞌajol. Eb li rixakil incꞌaꞌ chic teꞌqꞌuiresi̱nk chi moco teꞌcana̱k chic chi yaj aj ixk.

Q'eqchi Bible

¹¹ Li xloq'aleb' laj Efraín taa'oso'q jo' naq naxik'ank junaq xul chiru choxa: ink'a' chik te'wanq ralal xk'ajoleb', maajun chik ixq taakanaaq sa' yu'am ut ink'a' chik taasiyaaq junaq k'uula'al.

Oseas 9:11 ပူးပေါင်းရင်းမြစ်များ

Oseas 10:5

Eb laj Samaria teꞌxucuak ut teꞌya̱bak xban xrahil xchꞌo̱leb nak ta̱sachekꞌ li cuacax oro li cuan Bet-avén. Teꞌya̱bak ajcuiꞌ laj tij li nequeꞌxqꞌue xchꞌo̱l chi cꞌanjelac chiru. Cau teꞌya̱bak nak ta̱sachekꞌ xlokꞌal lix dioseb.

Oseas 9:14

Ba̱nu reheb li cꞌaꞌru xacꞌoxla xba̱nunquil, at Ka̱cuaꞌ. Canabeb li ixk chi incꞌaꞌ chic teꞌqꞌuiresi̱nk. Ut cui ta teꞌcua̱nk xcocꞌaleb, ma̱cꞌaꞌak ta xtuꞌeb re nak incꞌaꞌ teꞌqꞌui̱k, chan laj Oseas.

Oseas 4:7

Joꞌ le̱ qꞌuial la̱ex aj tij, joꞌcan ajcuiꞌ xqꞌuialeb le̱ ma̱c. Joꞌcan nak tincuisi le̱ lokꞌal ut tincꞌut e̱xuta̱n.

Deuteronomio 28:18

Incꞌaꞌ chic ta̱cua̱nk le̱ ralal e̱cꞌajol ut incꞌaꞌ chic ta̱e̱lk le̱ racui̱mk chi moco teꞌcua̱nk chic raleb le̱ queto̱mk.

San Lucas 23:29

Ta̱cuulak xkꞌehil nak eb li tenamit aꞌin teꞌxye, “Us xak reheb li ixk li incꞌaꞌ nequeꞌqꞌuiresin ut li incꞌaꞌ nequeꞌtuꞌresin.”

Amós 1:13

Ut quixye ajcuiꞌ li Ka̱cuaꞌ: —Nabal sut ac xincuy xma̱queb laj Amón. Anakcuan incꞌaꞌ chic tincuyeb xma̱c xban nak numtajenak cuiꞌchic li ma̱usilal yo̱queb chixba̱nunquil. Queꞌpletic riqꞌuineb laj Galaad re xmakꞌbal lix chꞌochꞌeb. Ut nak yo̱queb chi pletic, jachbil queꞌxba̱nu reheb li yaj aj ixk nak queꞌxcamsiheb.

Eclesiastés 6:3

Junak cui̱nk naru nacuan jun cientak li ralal xcꞌajol. Ut naru ajcuiꞌ nacuan nabalak chihab saꞌ ruchichꞌochꞌ. Usta kꞌaxal najt rok lix yuꞌam saꞌ ruchichꞌochꞌ, ma̱cꞌaꞌ na-oc cuiꞌ cui incꞌaꞌ naxyal xsahil li cꞌaꞌru cuan re chi moco namukeꞌ saꞌ xya̱lal. La̱in nincꞌoxla nak kꞌaxal us junak li cꞌulaꞌal yal nanumeꞌ chiru li cui̱nk aꞌan.

Salmos 58:8

Cheꞌxcꞌul taxak joꞌ naxcꞌul li pur nak na-osoꞌ. Cheꞌxcꞌul ta joꞌ naxcꞌul li cꞌulaꞌal li camenak nak nayoꞌla. Incꞌaꞌ na-iloc cutan.

Li xHu LAJ JOB 18:5

Relic chi ya̱l nak li incꞌaꞌ us xnaꞌleb ma̱cꞌaꞌ chic cuan re ta̱cana̱k. Ta̱chupk lix xam saꞌ li rochoch.

Deuteronomio 33:17

Lix metzꞌe̱u li ralal xcꞌajol laj José chanchan xmetzꞌe̱u li xbe̱n ral jun li toro. Chanchan xcacuilal lix xucub li bo̱yx li cuan saꞌ qꞌuicheꞌ. Riqꞌuin lix cacuilaleb teꞌnumta̱k saꞌ xbe̱neb li xni̱nkal ru tenamit ut teꞌra̱linaheb toj saꞌ xmaril li ruchichꞌochꞌ. Aꞌan li usilal li tintzꞌa̱ma reheb li qꞌuila ralal xcꞌajol laj Efraín ut reheb li qꞌuila ralal xcꞌajol laj Manasés.

Deuteronomio 28:57

Xban tzꞌocajic tixmuk lix cꞌulaꞌal li tojeꞌ xyoꞌla re tixtzaca xjunes chi mukmu xban nak ma̱cꞌaꞌak re teꞌxtzaca nak eb li xicꞌ nequeꞌiloc reheb yo̱keb chi numta̱c saꞌ xbe̱neb le̱ tenamit.

Génesis 49:22

Ut la̱at, José, tatinjuntakꞌe̱ta riqꞌuin jun to̱n li cheꞌ li nacuan chire li haꞌ. Ut li rukꞌ nequelajeꞌxchapi rib saꞌ xbe̱n li tzꞌac li cuan chire li haꞌ. Ut aꞌan cꞌajoꞌ nak nau̱chin.

Génesis 41:52

Ut laj José quixqꞌue aj Efraín chokꞌ xcꞌabaꞌ li ralal jun chic. Ut quixye: —Li Ka̱cuaꞌ Dios xqꞌuehoc re li sahil echej cue saꞌ li tenamit aꞌin bar xincꞌul cuiꞌ li raylal, chan.

Isaías 17:3

Ma̱cꞌaꞌak chic lix tenamit li ralal xcꞌajol laj Efraín li queꞌxcauresi ribeb. Ut ma̱cꞌaꞌak chic xcuanquil Damasco. Eb laj Siria li incꞌaꞌ queꞌsacheꞌ ruheb xuta̱nal teꞌcana̱k joꞌ eb laj Israel, chan li nimajcual Dios.

Oseas 5:9

Eb li ralal xcꞌajol laj Efraín teꞌcana̱k chi ma̱cꞌaꞌ cuan reheb saꞌ xkꞌehil li rakba a̱tin. Eb li ralal xcꞌajol laj Israel teꞌxnau nak relic chi ya̱l joꞌcaꞌin ta̱cꞌulma̱nk.

2 Samuel 6:23

Lix Mical lix rabin laj Saúl, ma̱ jun lix cocꞌal quicuan chalen nak quicam.