La̱ex aj Judá, kꞌaxal nabaleb le̱ jalanil dios joꞌ xqꞌuialeb le̱ tenamit. Ut la̱ex aj Jerusalén, kꞌaxal nabal li artal xeyi̱b joꞌ xqꞌuial li be saꞌ le̱ tenamit. Xeyi̱beb li artal re xcꞌatbal li pom chiru li dios Baal, li kꞌaxal yibru.
Tokꞌob xak cuu. Chanchanin jun li cui̱nk li naxsicꞌ li ru li acui̱mk saꞌ sakꞌehil abanan ma̱cꞌaꞌ chic ru. Ac sicꞌbil. Xinsicꞌ li ru li uva abanan ac sicꞌbil ajcuiꞌ ut la̱in aꞌ raj li xbe̱n ru xcuaj, abanan incꞌaꞌ chic xintau.
Tinqꞌue cuiꞌchic re li acui̱mk uvas. Ut tinqꞌue ajcuiꞌ li ru takꞌa Acor chokꞌ xnaꞌaj re nak cuan cꞌaꞌru tixyoꞌoni. Ut tixbicha inlokꞌal joꞌ quixba̱nu saꞌ xsa̱jilal nak quicuisi chak saꞌ li naꞌajej Egipto.
Ayukex. Chemayeja le̱ caxlan cua li cuan xchꞌamal ut yehomak resil li joꞌ qꞌuial xemayeja xban nak aꞌan li nacuulac che̱ru xba̱nunquil, la̱ex aj Israel, chan li Ka̱cuaꞌ Dios.
Quixye ajcuiꞌ li Ka̱cuaꞌ: —Eb li incꞌaꞌ teꞌcamsi̱k saꞌ li ple̱t tincuil xtokꞌoba̱l ruheb nak cua̱nkeb saꞌ li chaki chꞌochꞌ. La̱in tinqꞌueheb laj Israel chi hila̱nc chiru li raylal li yo̱queb chixcꞌulbal.
Eb li profeta ticꞌtiꞌ nequeꞌxye. Ut eb laj tij nequeꞌxba̱nu joꞌ nequeꞌraj eb li profeta. Ut eb lin tenamit joꞌcan queꞌcuulac chiru. Abanan ¿cꞌaꞌru teꞌxba̱nu nak ta̱cuulak xkꞌehil li rakba a̱tin? chan li Ka̱cuaꞌ.
Queꞌmayejac chiruheb li ma̱us aj musikꞌej ut queꞌxlokꞌoniheb li moco dioseb ta. Queꞌxlokꞌoni li jalanil dios li incꞌaꞌ queꞌxlokꞌoni lix xeꞌto̱nil yucuaꞌ chi moco queꞌrabi resil.
Quextau nak yo̱quex chixbeninquil e̱rib saꞌ li chaki chꞌochꞌ, li naꞌajej li ma̱cꞌaꞌ cuan chi saꞌ. Quexcol ut quexril ut quextenkꞌa xban nak lokꞌex chiru joꞌ li xnakꞌ ru.
La̱ex queril riqꞌuin xnakꞌ e̱ru li cꞌaꞌru quixba̱nu li Ka̱cuaꞌ aran Baal-peor nak quixqꞌueheb chi sachecꞌ chixjunileb li queꞌlokꞌonin re li jalanil dios Baal-peor.
Nak te̱ril lix sahob ru le̱ rakꞌ ta̱julticokꞌ e̱re chixjunil li chakꞌrab li quinqꞌue e̱re re te̱ba̱nu. Ut incꞌaꞌ te̱mux e̱rib riqꞌuin xba̱nunquil li nequeraj e̱junes joꞌ nequeꞌxba̱nu eb li ixk li nequeꞌxcꞌayi ribeb.
Eb li queꞌyi̱ban reheb li dios aꞌin, chanchaneb ajcuiꞌ lix dios li queꞌxyi̱b. Ut eb li nequeꞌxcꞌojob xchꞌo̱l riqꞌuin li yi̱banbil dios, chanchaneb ajcuiꞌ lix dios li nequeꞌxlokꞌoni.
Chalen saꞌ kasa̱jilal xkacꞌut kaxuta̱n xban xlokꞌoninquil li yi̱banbil dios. Ut xban aꞌan xsach chiku li cꞌaꞌru queꞌxcanab ke li kaxeꞌto̱nil yucuaꞌ. Xkasach li kaqueto̱mk ut xkasach li kalal kacꞌajol.
Jun chacach li higo quixcꞌut chicuu li Ka̱cuaꞌ kꞌaxal cha̱bil. Chanchan li xbe̱n ru li acui̱mk. Ut li jun chacach chic aꞌan incꞌaꞌ cha̱bil ut incꞌaꞌ naru xtzacanquil xban nak incꞌaꞌ us.
Nak nequeꞌaj ru saꞌ xcalajiqueb, nequeꞌoc chi coꞌbe̱tac yumbe̱tac. Aꞌ li naꞌleb li nacꞌutuc xxuta̱n, aꞌan li nacuulac chiruheb xba̱nunquil ut li ti̱quilal nequeꞌxtzꞌekta̱na.
Chixjunil li xbe̱n ru li acui̱mk li nequeꞌxqꞌue cue chokꞌ xmayejeb la̱in tinqꞌue e̱re. Chixjunileb li cuanqueb saꞌ le̱ rochoch, li incꞌaꞌ muxbileb ru, naru teꞌxtzaca li mayej aꞌin.
Ut queꞌxcꞌat li pom saꞌ eb li naꞌajej li najt xteram li queꞌxyi̱b re xlokꞌoninquil li yi̱banbil dios joꞌ queꞌxba̱nu li tenamit li queꞌisi̱c saꞌ li naꞌajej aꞌan xban li Ka̱cuaꞌ Dios. Riqꞌuin li ma̱usilal queꞌxba̱nu, queꞌxchikꞌ xjoskꞌil li Dios.
¿Ani li yo̱ chak chi cha̱lc saꞌ li chaki chꞌochꞌ? Nak nachal cuiqꞌuin chanchan nak yo̱ chi takecꞌ li sib. Chanchan xsibel li mirra ut li incienso ut li qꞌuila pa̱y ru li sununquil ban.
Xban kaxuta̱n sachso kachꞌo̱l xocana. Takacubsi kib xban nak xuta̱nal xo-el. La̱o joꞌ eb ajcuiꞌ li kaxeꞌto̱nil yucuaꞌ, xoma̱cob cha̱cuu, at Ka̱cuaꞌ at kaDios. Chalen saꞌ kasa̱jilal toj anakcuan xkatzꞌekta̱na li chakꞌrab li xaqꞌue ke ut incꞌaꞌ xkaba̱nu li cꞌaꞌru caye ke, chanqueb.