Oseas 9:1 - Li Santil hu

¹ Quixye laj Oseas: —Anakcuan incꞌaꞌ chic ta̱sahokꞌ saꞌ e̱chꞌo̱l la̱ex aj Israel joꞌ nak nasahoꞌ saꞌ xchꞌo̱leb li tenamit li incꞌaꞌ nequeꞌpa̱ban. Xesicꞌ jalan le̱ dios chiru li Ka̱cuaꞌ. La̱ex xecꞌoxla nak le̱ dios li xesicꞌ, aꞌan xqꞌuehoc re chi u̱chi̱nc le̱ racui̱mk.

Q'eqchi Bible

¹ Misaho'k aach'ool, a Israel; matpisk'ok xb'aan xsahilal aawaanm jo'eb' li tenamit junch'ol, xb'aan naq xab'alaq'i laaYos ut q'axal chik xarahi ru li xtuminal li maakob'k sa'atqeb' li na'ajej na'isiik wi' li rix li triiw.

Oseas 9:1 ပူးပေါင်းရင်းမြစ်များ

Oseas 10:5

Eb laj Samaria teꞌxucuak ut teꞌya̱bak xban xrahil xchꞌo̱leb nak ta̱sachekꞌ li cuacax oro li cuan Bet-avén. Teꞌya̱bak ajcuiꞌ laj tij li nequeꞌxqꞌue xchꞌo̱l chi cꞌanjelac chiru. Cau teꞌya̱bak nak ta̱sachekꞌ xlokꞌal lix dioseb.

Oseas 4:12

Lin tenamit yo̱queb chixtzꞌa̱manquil xnaꞌlebeb chiru li pechꞌbil dios cheꞌ. ¿Ma ta̱qꞌuehekꞌ ta biꞌ xnaꞌlebeb xban li yal cheꞌ? Lin tenamit chanchan li ixakilbej nayumbe̱tac xban nak xineꞌxtzꞌekta̱na ut yo̱queb xsicꞌbal jalan chic xdioseb.

Jeremías 44:17

La̱o takaba̱nu chixjunil li cꞌaꞌru xkaye. Takacꞌat kapom chiru li kanaꞌ po, li nequeꞌxye “Reina del Cielo” re. Takamayeja li kavino chiru joꞌ queꞌxba̱nu li kayucuaꞌ ut eb li karey joꞌ eb ajcuiꞌ li xeꞌtaklan saꞌ kabe̱n saꞌ eb li tenamit li cuanqueb Judá ut aran Jerusalén. Saꞌ eb li cutan aꞌan sa saꞌ kachꞌo̱l ut cuan nabal katzacae̱mk. Ma̱ jun cua xkacꞌul raylal.

Santiago 5:1

Aꞌut anakcuan, ex biom, cherabihak li oc cue chixyebal. Chiyotꞌekꞌ e̱chꞌo̱l ut chexya̱bak xban li raylal cha̱lc re saꞌ e̱be̱n.

Santiago 4:16

Aꞌut la̱ex nequenimobresi e̱rib chixyebal li cꞌaꞌru nequecꞌoxla xba̱nunquil. Incꞌaꞌ us nequeba̱nu nak nequenimobresi e̱rib.

Amós 6:13

La̱ex nasahoꞌ saꞌ e̱chꞌo̱l riqꞌuin li ma̱cꞌaꞌ na-oc cuiꞌ ut nequeye: ¿Ma incꞌaꞌ ta biꞌ cau kib kajunes? chanquex.

Amós 3:2

—Saꞌ xya̱nkeb chixjunileb li tenamit saꞌ ruchichꞌochꞌ, caꞌaj cuiꞌ la̱ex sicꞌbil e̱ru inban. Joꞌcan nak tento texinqꞌue chixtojbal rix le̱ ma̱usilal, chan li Ka̱cuaꞌ.

Oseas 5:7

Nequeꞌxba̱nu rib nak niquineꞌxlokꞌoni, abanan ma̱cuaꞌ la̱in nequeꞌxlokꞌoni cuu. Aꞌ ban chic li jalanil dios nequeꞌxlokꞌoni. Eb li ralal xcꞌajol ma̱cuaꞌeb chic intenamit. Joꞌcan nak chi se̱b tebinsach ut tinsach ajcuiꞌ lix naꞌajeb.

Oseas 5:4

Xban le̱ ma̱usilal incꞌaꞌ chic nequecꞌoxla sukꞌi̱c cuiqꞌuin la̱in le̱ Dios. Nequeqꞌue ban e̱chꞌo̱l chixlokꞌoninquil li yi̱banquil dios. Joꞌcan nak incꞌaꞌ naru te̱nau cuu nak la̱in li Ka̱cuaꞌ.

Oseas 2:12

La̱in tinsach li racui̱mk uvas ut li cheꞌ higo li quixye nak aꞌan lix tojbal li quiqꞌueheꞌ re xbaneb li cui̱nk li nequeꞌrahoc re. Ma̱cꞌaꞌ chic ta̱e̱lk saꞌ xnaꞌaj li acui̱mk uvas ut ma̱cꞌaꞌak chic li cheꞌ li nau̱chin. Teꞌsachekꞌ xbaneb li joskꞌ aj xul.

Ezequiel 21:10

Li chꞌi̱chꞌ aꞌin ac cauresinbil re camsi̱nc. Kꞌesnanbil ut nalemtzꞌun. Eb li cualal incꞌajol queꞌxtzꞌekta̱na lix kꞌusbaleb. ¿Ma ta̱sahokꞌ ta biꞌ xchꞌo̱leb riqꞌuin li xinye?

Ezequiel 20:32

La̱ex nequeye nak te̱raj cua̱nc joꞌ eb li xni̱nkal ru tenamit li nequeꞌxlokꞌoni li cheꞌ ut li pec. Abanan incꞌaꞌ ta̱cꞌulma̱nk joꞌ nequecꞌoxla la̱ex.

Lamentaciones 4:21

Chexseꞌek ut chisahokꞌ saꞌ le̱ chꞌo̱l la̱ex li cuanquex Edom ut la̱ex li cuanquex aran Uz. Chisahokꞌ saꞌ e̱chꞌo̱l anakcuan nak toj naru xba̱nunquil xban nak ta̱cuulak xkꞌehil nak te̱recꞌa xcꞌahil li raylal te̱cꞌul la̱ex. Chanchan texcala̱k ut chanchan tꞌustꞌu texcana̱k nak ta̱cꞌutekꞌ le̱ xuta̱n.

Isaías 17:11

Nak nequex-au, nequeril chi us re nak nayoꞌla ut joꞌ cuulaj nequeroybeni nak tixqꞌue li ratzꞌum. Abanan nak ta̱cha̱lk li raylal saꞌ e̱be̱n chixjunil li cꞌaꞌru xerau ta̱sachk.

Amós 8:10

Le̱ ninkꞌe tinsukꞌisi chokꞌ rahil chꞌo̱lej. Chanchan li ani xcam e̱re. Ut tinsukꞌisi ajcuiꞌ le̱ bich chokꞌ ya̱bac. Te̱rocsi li tꞌicr kꞌes ru ut jobil le̱ jolom teꞌcana̱k nak te̱bes retalil li rahil chꞌo̱lejil. Nak texya̱bak chanchanakex li yo̱queb chi ya̱bac xban nak quicam li junaj chi ralal. Toj chalen nak tex-osokꞌ junes raylal te̱cꞌul.

Salmos 73:27

Eb li nequeꞌxcanab a̱pa̱banquil teꞌosokꞌ. La̱at ta̱sacheb ru li nequeꞌtzꞌekta̱nan a̱cue.

Amós 4:5

Ayukex. Chemayeja le̱ caxlan cua li cuan xchꞌamal ut yehomak resil li joꞌ qꞌuial xemayeja xban nak aꞌan li nacuulac che̱ru xba̱nunquil, la̱ex aj Israel, chan li Ka̱cuaꞌ Dios.

Jeremías 2:19

Xebok raylal saꞌ e̱be̱n xban li ma̱usilal queba̱nu. Li incꞌaꞌ us li queba̱nu texqꞌue chixtojbal le̱ ma̱c. Anakcuan te̱qꞌue retal li raylal quebok saꞌ e̱be̱n nak quine̱tzꞌekta̱na, ut quecanab xxucuanquil cuu, la̱in li Ka̱cuaꞌ le̱ Dios, chan li Ka̱cuaꞌ li nimajcual Dios.

Jeremías 2:20

Li nimajcual Dios quixye: —La̱ex aj Israel, ac junxil xerisi e̱rib rubel incuanquil ut queye nak incꞌaꞌ chic texcꞌanjelak chicuu. Saꞌ xbe̱neb li tzu̱l ut rubeleb li cheꞌ li ni̱nk xmu xelokꞌoni li jalanil dios. Chanchanex li ixk li nequeꞌxcꞌayi ribeb.

Ezequiel 16:15

Abanan cacꞌojob a̱chꞌo̱l saꞌ xbe̱n la̱ chꞌinaꞌusal ut catsukꞌi joꞌ jun ixk naxcꞌayi rib xban nak naꞌno a̱cuu. Cakꞌaxtesi a̱cuib reheb li joꞌ qꞌuial queꞌnumeꞌ cuancat cuiꞌ.

Ezequiel 16:30

La̱in li nimajcual Dios ninye: —La̱at moco tuktu ta a̱chꞌo̱l. Xaba̱nu chixjunil li ma̱usilal aꞌin joꞌ jun li ixk naxcꞌayi rib, ut incꞌaꞌ nacanau xuta̱nac.