Oseas 8:8 - Li Santil hu

⁸ Eb laj Israel teꞌsachekꞌ xcuanquil. Ma̱cꞌaꞌ chic teꞌoc cuiꞌ chiruheb li jalan tenamit. Chanchanakeb aj chic jun li secꞌ ma̱cꞌaꞌ chic xcꞌanjel. Yal re tzꞌekecꞌ aj chic.

Q'eqchi Bible

⁸ “Xsache'k xwankil laj Israel, chanchan naq xnuq'e'k lintenamit. Ut anaqwan wank sa' xyanqeb' laj ab'l tenamit, kama' junaq sek' li maak'a' chik xk'anjel.

Oseas 8:8 ပူးပေါင်းရင်းမြစ်များ

Jeremías 22:28

Laj Jeremías quixye: —Laj Jeconías chanchan jun li cuc jorol, li ma̱cꞌaꞌ na-oc cuiꞌ ut ma̱ ani na-ajoc re. Joꞌcan nak queꞌcꞌameꞌ aꞌan rochbeneb li ralal xcꞌajol saꞌ jalan naꞌajej li incꞌaꞌ queꞌxnau.

Jeremías 51:34

Eb li cuanqueb Jerusalén queꞌxye: —Laj Nabucodonosor lix reyeb laj Babilonia quixsach ku. Ma̱cꞌaꞌ chic cuan chi saꞌ li katenamit xcanab. Chanchan jun li secꞌ ma̱cꞌaꞌ chic cuan chi saꞌ. Laj Nabucodonosor chanchan jun li dragón naxnukꞌ li joꞌ qꞌuial naraj ut naxtzꞌek li incꞌaꞌ naraj.

Romanos 9:22

Chanchan aꞌan li naxba̱nu li Dios. Aꞌan yal re cꞌaꞌru tixba̱nu. Xcꞌulubeb raj li cuanqueb saꞌ ruchichꞌochꞌ li rakba a̱tin ut li ca̱mc. Li Dios quixcꞌut raj lix joskꞌil ut lix cuanquilal. Abanan kꞌaxal nim xcuyum saꞌ xbe̱neb.

Ezequiel 36:3

Ta̱ye resil li cꞌaꞌru ta̱cꞌulma̱nk ut ta̱ye chi joꞌcaꞌin: Aꞌan aꞌin li naxye li nimajcual Dios. Eb li xni̱nkal ru tenamit li cuanqueb che̱jun sutam queꞌnumta saꞌ e̱be̱n ut queꞌxsach e̱ru ut xeꞌrelkꞌa li cꞌaꞌru e̱re. Joꞌcan nak quexhobeꞌ ut quexseꞌe̱c xbaneb li jalan xtenamiteb.

Lamentaciones 2:16

Chixjunileb li xicꞌ nequeꞌiloc e̱re yo̱queb che̱hobbal. Nequeꞌrecꞌasi lix jolomeb ut nequeꞌseꞌec. Ut nequeꞌxye: —Chanchan xkanukꞌeb nak xkasach ruheb. Aꞌan aꞌin li cutan yo̱co chiroybeninquil nak teꞌsachekꞌ ruheb laj Jerusalén. Toj xkil ajcuiꞌ nak xeꞌsacheꞌ ruheb, chanqueb.

Lamentaciones 2:5

Chanchan nak xicꞌ chic narileb li tenamit Israel li Ka̱cuaꞌ xban nak quixsach ru li tenamit Jerusalén. Quixcanabeb re nak ta̱juqꞌui̱k chixjunil li cab li bar nequeꞌxcol cuiꞌ ribeb. Ut queꞌxjuqꞌui ajcuiꞌ li rochocheb li rey. Cꞌajoꞌ li raylal quixqꞌue saꞌ xbe̱neb li ralal xcꞌajol laj Judá.

Lamentaciones 2:2

Li Ka̱cuaꞌ cꞌajoꞌ lix joskꞌil. Ma̱ jun chic li rochocheb li ralal xcꞌajol laj Jacob quixcanab chi xakxo. Quilajxsach ajcuiꞌ ruheb chixjunil li cab li nequeꞌxcol cuiꞌ ribeb laj Judá. Quixcꞌut xxuta̱n li rey joꞌ eb ajcuiꞌ chixjunileb li nequeꞌtenkꞌan re.

Jeremías 50:17

Eb laj Israel chanchaneb li queto̱mk li queꞌxjeqꞌui ribeb nak li cakcoj quichal chira̱linanquileb. Li xbe̱n li quichal chi sachoc reheb, aꞌan lix reyeb laj Asiria. Ut li xcab li quichal chi sachoc reheb, aꞌan laj Nabucodonosor lix reyeb laj Babilonia.

Jeremías 48:38

Yalak bar yo̱queb chi ya̱bac xban nak la̱in xinsach ru li naꞌajej Moab. Yo̱queb chi ya̱bac saꞌ xbe̱neb li cab ut saꞌ eb li cꞌayil. Li tenamit chanchan jun li cuc li xjoreꞌ ut ma̱ ani na-ajoc re, chan li Dios.

Isaías 30:14

La̱ex tex-osokꞌ joꞌ nak najoreꞌ li cuc nak natꞌaneꞌ ut lix cꞌaj incꞌaꞌ chic nacꞌanjelac, chi moco re risinquil li ru xam chi moco re xlecbal li haꞌ saꞌ li jul.—

2 Reyes 18:11

Ut eb laj Israel queꞌchapeꞌ ut queꞌcꞌameꞌ Asiria. Cuan li quixcanabeb saꞌ li naꞌajej Halah ut cuan ajcuiꞌ li quixcanabeb saꞌ li naꞌajej Habor li cuan nachꞌ riqꞌuin li nimaꞌ Gozán. Ut cuan ajcuiꞌ li quixcanabeb saꞌ eb li tenamit li cuanqueb Medo.

Deuteronomio 28:64

Li Ka̱cuaꞌ tixchaꞌchaꞌi e̱ru yalak bar saꞌ ruchichꞌochꞌ. Ut saꞌ eb li naꞌajej aꞌan te̱lokꞌoni li jalanil dios li yi̱banbil riqꞌuin cheꞌ ut pec, chi moco la̱ex chi moco le̱ xeꞌto̱nil yucuaꞌ queꞌxlokꞌoniheb junxil.

Deuteronomio 28:25

Li Ka̱cuaꞌ texcanab saꞌ rukꞌeb li xicꞌ nequeꞌiloc e̱re. Tzololnakex nak texxic chi pletic, abanan sachso chic e̱naꞌleb nak tex-e̱lelik ut te̱chaꞌchaꞌi e̱rib. Ut chixjunileb li cuanqueb saꞌ ruchichꞌochꞌ teꞌsachk xchꞌo̱leb che̱rilbal xban nak ma̱cꞌaꞌ chic le̱ cuanquil.

Levítico 26:33

La̱in tinjeqꞌui e̱ru saꞌ xya̱nkeb li xni̱nkal ru tenamit. Ut tebinqꞌue li xicꞌ nequeꞌiloc e̱re che̱ra̱linanquil riqꞌuin chꞌi̱chꞌ. Tinsach ru le̱ naꞌaj ut juqꞌuinbilakeb chic le̱ tenamit.

Jeremías 25:34

La̱ex li nequeꞌcꞌamoc be chiruheb lin tenamit chexya̱bak. Chexya̱bak ut chetolcꞌosi e̱rib saꞌ li poks retalil li xrahil e̱chꞌo̱l xban nak cuulac re xkꞌehil nak texcamsi̱k. Chanchanakex chic li cha̱bil secꞌ li quijoreꞌ.

Lamentaciones 5:2

Eb li jalaneb xtenamit queꞌxmakꞌ chiku li kanaꞌaj li xke̱chani junxil. Ut queꞌxmakꞌ ajcuiꞌ li kochoch.

Lamentaciones 4:2

Eb li cuanqueb Sión queꞌqꞌueheꞌ xlokꞌaleb junxil. Kꞌaxal lokꞌeb chiru li oro. Abanan anakcuan chanchaneb aj chic li chꞌochꞌ ucꞌal yi̱banbil yal xban cui̱nk.