Oseas 8:6 - Li Santil hu

⁶ Aꞌan moco dios ta. Yal yi̱banbil xban jun laj tenol chꞌi̱chꞌ re Israel. Li cuacax oro li nequeꞌxlokꞌoni aran Samaria ta̱puqꞌui̱k.

Q'eqchi Bible

⁶ Li wakax xeyiib' laa'ex aj Samaria, moko Yos ta; a'an yal xyiib'ahom laj tenol ch'iich', ut taaputz'iiq chi junwaakaj.

Oseas 8:6 ပူးပေါင်းရင်းမြစ်များ

Hechos 19:26

Ac e̱rabiom resil nak laj Pablo ac xtacchiꞌi nabaleb li cuanqueb aran Éfeso joꞌ ajcuiꞌ saꞌ chixjunil li tenamit xcue̱nt Asia. Ac nequenau nak yo̱ chixyebal reheb nak moco dioseb ta li yal yi̱banbil xban cui̱nk.

Hechos 17:29

Joꞌcan nak cui la̱o ralal xcꞌajol li Dios, incꞌaꞌ naru takacꞌoxla nak li Dios chanchan ta li oro, malaj li plata chi moco li pec li yi̱banbil yal riqꞌuin xcꞌaꞌux ut xnaꞌlebeb li cui̱nk.

Habacuc 2:18

¿Cꞌaꞌru ta̱oc cuiꞌ e̱re li pechꞌbil dios li nequeyi̱b la̱ex riqꞌuin le̱ rukꞌ? ¿Ma cuan ta biꞌ xcuanquil li dios yi̱banbil riqꞌuin chꞌi̱chꞌ? Yal nequebalakꞌi e̱rib riqꞌuineb. Li yi̱banbil dios incꞌaꞌ nequeꞌa̱tinac. ¿Chan ta cuiꞌ ru nak cauhak e̱chꞌo̱l riqꞌuin li cꞌaꞌru yal te̱yi̱b riqꞌuin e̱rukꞌ?

Oseas 10:2

Eb aꞌan aj caꞌ pacꞌal uheb xban nak nequeꞌxcꞌanjela ru li yi̱banbil dios ut nequeꞌraj ajcuiꞌ cꞌanjelac chiru li Ka̱cuaꞌ. Joꞌcan nak anakcuan li Ka̱cuaꞌ tixqꞌueheb chixtojbal rix lix ma̱queb. Tixpuqꞌui lix artaleb ut tixsacheb ru lix dioseb.

Jeremías 50:2

Quixye re: —Yehomak resil nak eb laj Babilonia teꞌchapekꞌ. Taksihomak li bandera ut yehomak resilal saꞌ chixjunileb li xni̱nkal ru tenamit. Ma̱cꞌaꞌ te̱muk chiruheb. Te̱ye: “Li naꞌajej Babilonia ta̱chapekꞌ. Li yi̱banbil dios Bel ta̱cꞌutekꞌ xxuta̱n ut li yi̱banbil dios Merodac ta̱jorekꞌ. Chixjunileb li jalam u̱ch li cuanqueb Babilonia telajeꞌsachekꞌ.

Jeremías 10:14

To̱nteb chixjunileb li cui̱nk ut ma̱cꞌaꞌeb xnaꞌleb. Chixjunileb laj tꞌenol chꞌi̱chꞌ nacꞌuteꞌ xxuta̱neb xban li dios li queꞌxyi̱b. Ma̱cꞌaꞌ na-oc cuiꞌ li jalanil dios li nequeꞌxyi̱b xban nak moco yoꞌyo̱queb ta.

2 Crónicas 31:1

Nak queꞌrakeꞌ chi ninkꞌei̱c, eb laj Israel li cuanqueb Jerusalén queꞌco̱eb saꞌ eb li tenamit li cuanqueb saꞌ xcue̱nt Judá. Queꞌxjuqꞌui li ni̱nki pec li nequeꞌxlokꞌoni cuiꞌ li yi̱banbil dios ut queꞌxjori lix jalam u̱ch lix Asera. Queꞌxjuqꞌui li naꞌajej li najt xteram ut eb li artal li cuanqueb yalak bar saꞌ lix naꞌajeb li ralal xcꞌajol laj Judá, laj Benjamín, laj Efraín ut laj Manasés. Nak queꞌxchoy xsachbal chixjunil, eb laj Israel quilajeꞌco̱eb saꞌ lix naꞌajeb saꞌ lix tenamiteb.

2 Reyes 23:19

Joꞌ quixba̱nu aran Bet-el, joꞌcan ajcuiꞌ quixba̱nu saꞌ chixjunileb li tenamit li cuanqueb Samaria. Quixtakla xjucꞌbal chixjunileb li artal saꞌ eb li naꞌajej najt xteram li queꞌxyi̱b lix reyeb laj Israel li queꞌchikꞌoc re xjoskꞌil li Dios.

2 Reyes 23:15

Quixtakla ajcuiꞌ xpoꞌbal li artal li cuan Bet-el ut li naꞌajej li najt xteram li quixyi̱b laj Jeroboam li ralal laj Nabat. Laj Jeroboam, aꞌan li quicꞌamoc xbeheb laj Israel chi ma̱cobc. Queꞌxcꞌat li artal li najt xteram ut queꞌxcꞌat ajcuiꞌ lix jalam u̱ch li yi̱banbil dios xAsera.

Jeremías 48:13

Saꞌ eb li cutan aꞌan eb laj Moab teꞌxuta̱na̱k xban nak queꞌxcꞌojob xchꞌo̱leb riqꞌuin laj Quemos lix dioseb joꞌ nak eb laj Israel queꞌxuta̱na̱c xban lix dioseb li cuan Bet-el, li queꞌxcꞌojob cuiꞌ xchꞌo̱leb.

Oseas 13:2

Ut chalen ajcuiꞌ anakcuan kꞌaxal cuiꞌchic yo̱queb chi ma̱cobc. Nequeꞌxyi̱b lix dioseb riqꞌuin plata re teꞌxlokꞌoni. Riqꞌuin rukꞌeb nequeꞌxyi̱b xdioseb chi chꞌinaꞌus aꞌ yal chanru nequeꞌxnau xba̱nunquil. Ut nequeꞌxye chi ribileb rib: —Chomayejak chiruheb li kadios. Takutzꞌ ru li kadios cuacax, chanqueb.

Oseas 14:3

La̱o xkaqꞌue retal nak eb laj Asiria incꞌaꞌ naru toeꞌxcol, chi moco naru toeꞌxcol li cacua̱y re pletic. Chi moco takaye chic “at kadios” reheb li yal nakayi̱b riqꞌuin kukꞌ. At Ka̱cuaꞌ, caꞌaj cuiꞌ a̱cuiqꞌuin cꞌojcꞌo̱k kachꞌo̱l xban nak la̱at li nacat-uxta̱nan ruheb li nebaꞌ, chaꞌkex re li Ka̱cuaꞌ.

2 Crónicas 13:8

Ut anakcuan la̱ex te̱raj pletic riqꞌuineb li ralal xcꞌajol laj David li sicꞌbileb ru xban li Dios re texcua̱nk saꞌ li cuanquilal. La̱ex nabalex ut cuan chak e̱riqꞌuin li cuacax oro li quixyi̱b chokꞌ e̱dios laj Jeroboam.

Miqueas 1:7

Ut chixjunil lix yi̱banbil dios tinpuqꞌuiheb. Ut tincꞌat chixjunil li qꞌuebil reheb li ixk aj yumbe̱t, li queꞌcꞌanjelac chiru lix dioseb. Tinsacheb ru chixjunileb lix yi̱banbil dios. Jalan xtenamiteb quicꞌutuc chiruheb xlokꞌoninquil li jalanil dios ut anakcuan jalan chic xtenamiteb ta̱makꞌok chiruheb lix dioseb joꞌ ajcuiꞌ lix biomaleb li ixk aj yumbe̱t li queꞌcꞌanjelac chiru lix dioseb, chan li Dios.