Oseas 8:4 - Li Santil hu

⁴ Queꞌxxakab lix reyeb, abanan ma̱cuaꞌ la̱in xinsicꞌoc reheb. Queꞌxxakab li nequeꞌtaklan saꞌ xbe̱neb, abanan yal xjuneseb queꞌxba̱nu xban nak incꞌaꞌ queꞌxpatzꞌ cue ani teꞌxxakab. Queꞌxyi̱b lix dioseb riqꞌuin oro ut plata ut aꞌan ajcuiꞌ ta̱qꞌuehok reheb chi sachecꞌ.

Q'eqchi Bible

⁴ “Xe'xxaqab' x'awab'ejeb' chi ink'a' xe'xye we; xe'xsik' ruheb' laj jolominel chi ink'a' ninnaw laa'in. Xe'xpak' xyoseb' rik'in li oor ut li xplaateb' yal re xsachb'aleb' rib' xjuneseb'.

Oseas 8:4 ပူးပေါင်းရင်းမြစ်များ

Oseas 13:2

Ut chalen ajcuiꞌ anakcuan kꞌaxal cuiꞌchic yo̱queb chi ma̱cobc. Nequeꞌxyi̱b lix dioseb riqꞌuin plata re teꞌxlokꞌoni. Riqꞌuin rukꞌeb nequeꞌxyi̱b xdioseb chi chꞌinaꞌus aꞌ yal chanru nequeꞌxnau xba̱nunquil. Ut nequeꞌxye chi ribileb rib: —Chomayejak chiruheb li kadios. Takutzꞌ ru li kadios cuacax, chanqueb.

Oseas 2:8

Li ixk aꞌan incꞌaꞌ quixqꞌue retal nak la̱in xinqꞌuehoc re lix trigo, ut lix vino ut lix aceite olivo. Ut la̱in xinqꞌuehoc re chi nabal lix oro ut lix plata li quixmayeja chiru laj Baal.

1 Reyes 16:31

Incꞌaꞌ quicꞌoxlac chixba̱nunquil li ma̱c li quixba̱nu laj Jeroboam li ralal laj Nabat. Ut kꞌaxal cuiꞌchic yibru quixba̱nu nak quixcꞌam chok rixakil lix Jezabel lix rabin laj Et-baal lix reyeb laj Sidón. Ut laj Acab quixlokꞌoni li jalanil dios Baal.

Gálatas 4:9

Anakcuan ac xexpa̱ban ut rehex chic li Dios. ¿Cꞌaꞌut nak te̱raj cuiꞌchic sukꞌi̱c chi cꞌanjelac saꞌ le̱ najteril naꞌleb li ma̱cꞌaꞌ na-oc cuiꞌ? Ut, ¿cꞌaꞌut nak te̱raj cuiꞌchic xqꞌuebal e̱rib rubel xcuanquil li najter chakꞌrab?

San Juan 10:14

La̱in chanchanin jun cha̱bil pastor. La̱in ninnau ruheb li cualal incꞌajol. Ut eb aꞌan nequeꞌxnau cuu la̱in.

1 Reyes 12:28

Joꞌcan nak laj Jeroboam quixpatzꞌ xnaꞌleb riqꞌuin laj qꞌuehol naꞌleb ut quixba̱nu joꞌ queꞌxye. Quixqꞌue chi yi̱ba̱c cuib li cuacax oro ut quixye reheb li tenamit: —La̱ex aj Israel, nabal sut ac xexcuulac chak Jerusalén chi lokꞌoni̱nc. Joꞌcan nak anakcuan arin chic texlokꞌoni̱nk. Arin cuan le̱ dios. Aꞌaneb aꞌin li xeꞌisin chak e̱re saꞌ li naꞌajej Egipto, chan laj Jeroboam reheb.

San Lucas 13:27

Ut laj e̱chal cab tixye cuiꞌchic e̱re, “Ninye e̱re nak incꞌaꞌ ninnau bar xexchal chak. Elenkex chicuu, la̱ex aj ba̱nuhom ma̱usilal”, chaꞌak.

San Lucas 13:25

Nak acak xtzꞌap li oqueba̱l laj e̱chal re li cab, la̱ex texcana̱k chirix cab ut te̱tochꞌ raj chic li puerta ut te̱ye, “Ka̱cuaꞌ, Ka̱cuaꞌ, te li puerta chiku”, chaꞌkex. Abanan aꞌan ta̱chakꞌok ut tixye e̱re, “Incꞌaꞌ ninnau e̱ru bar xexchal chak”, chaꞌak.

San Mateo 25:12

Ut li be̱lomej quichakꞌoc ut quixye reheb: “Relic chi ya̱l tinye e̱re incꞌaꞌ ninnau e̱ru.”

Ezequiel 18:31

Canabomak chixjunil le̱ kꞌetba a̱tin li xexma̱cob cuiꞌ. Jalomak e̱cꞌaꞌux ut acꞌak chic le̱ yuꞌam. ¿Cꞌaꞌut nak te̱qꞌue e̱rib chi ca̱mc xban le̱ ma̱c, ex aj Israel?

1 Reyes 13:34

Aꞌan aꞌin li ma̱c li quixba̱nu laj Jeroboam. Joꞌcan nak qui-isi̱c chokꞌ rey chi junaj cua ut queꞌcam chixjunileb li ralal xcꞌajol.

Jeremías 16:20

¿Ma naru ta biꞌ teꞌxyi̱b lix dioseb li cristian? Naru nequeꞌxyi̱b, abanan moco tzꞌakal dioseb ta.”

Daniel 3:1

Li rey Nabucodonosor quixtakla xyi̱banquil riqꞌuin oro jun li nimla jalam u̱ch. Laje̱b xcaꞌcꞌa̱l metro rok ut oxib metro ru. Li jalam u̱ch aꞌan quixakaba̱c saꞌ li ru takꞌa re Dura xcue̱nt Babilonia.

Oseas 8:3

Abanan eb laj Israel xeꞌxtzꞌekta̱na li us. Joꞌcan nak eb li xicꞌ nequeꞌiloc reheb teꞌnumta̱k saꞌ xbe̱neb.

Oseas 13:1

Nak nequeꞌa̱tinac li ralal xcꞌajol laj Efraín chixjunileb nequeꞌxucuac xbaneb. Qꞌuebil xcuanquileb saꞌ xya̱nkeb laj Israel. Abanan queꞌma̱cob nak queꞌxlokꞌoni laj Baal. Joꞌcan nak teꞌca̱mk.

Oseas 13:11

Usta yo̱ injoskꞌil, abanan xinqꞌue le̱ rey li xetzꞌa̱ma. Ut anakcuan xban injoskꞌil, tincuisi cuiꞌchic le̱ rey che̱ru.