Oseas 8:3 - Li Santil hu

³ Abanan eb laj Israel xeꞌxtzꞌekta̱na li us. Joꞌcan nak eb li xicꞌ nequeꞌiloc reheb teꞌnumta̱k saꞌ xbe̱neb.

Q'eqchi Bible

³ A'ut eb' laj Israel xe'xtz'eqtaana li usilal chaab'ilal; jo'kan naq eb' li xik' neke'ilok reheb' te'xkut rib' sa' xb'eeneb'.

Oseas 8:3 ပူးပေါင်းရင်းမြစ်များ

Lamentaciones 3:66

Chacꞌut la̱ joskꞌil chiruheb ut chasach ruheb. Chacuisiheb saꞌ li ruchichꞌochꞌ, at Ka̱cuaꞌ.

1 Timoteo 5:12

Ut ma̱re anchal cheꞌcuechꞌi̱k rix xban nak incꞌaꞌ chic teꞌcꞌanjelak chiru li Cristo joꞌ queꞌxyechiꞌi xba̱nunquil.

Amós 1:11

Ut quixye ajcuiꞌ li Ka̱cuaꞌ: —Nabal sut ac xincuy xma̱queb laj Edom. Anakcuan incꞌaꞌ chic tincuyeb xma̱c xban nak numtajenak cuiꞌchic li ma̱usilal yo̱queb chixba̱nunquil. Eb laj Edom queꞌpletic riqꞌuineb laj Israel ut incꞌaꞌ queꞌril xtokꞌoba̱l ruheb. Junelic ban yo̱queb xjoskꞌileb saꞌ xbe̱neb ut junelic xicꞌ nequeꞌril.

Lamentaciones 4:19

Eb li xicꞌ nequeꞌiloc ke kꞌaxal cau nequeꞌa̱linac chiru li cꞌuch li narupupic chiru choxa. Coeꞌra̱lina toj saꞌ eb li tzu̱l ut coeꞌxram saꞌ eb li chaki chꞌochꞌ.

Salmos 36:3

Junes saꞌ yibru a̱tin nequeꞌa̱tinac ut aj ticꞌtiꞌeb. Incꞌaꞌ chic us lix naꞌlebeb. Junes ma̱usilal chic nequeꞌxba̱nu.

Deuteronomio 28:25

Li Ka̱cuaꞌ texcanab saꞌ rukꞌeb li xicꞌ nequeꞌiloc e̱re. Tzololnakex nak texxic chi pletic, abanan sachso chic e̱naꞌleb nak tex-e̱lelik ut te̱chaꞌchaꞌi e̱rib. Ut chixjunileb li cuanqueb saꞌ ruchichꞌochꞌ teꞌsachk xchꞌo̱leb che̱rilbal xban nak ma̱cꞌaꞌ chic le̱ cuanquil.

Levítico 26:36

Ut eb li incꞌaꞌ teꞌsachekꞌ ru la̱in tinqꞌue xxiuheb saꞌ li naꞌajej li cua̱nkeb cuiꞌ. Teꞌxucuak chiruheb li xicꞌ nequeꞌiloc reheb. Ut teꞌe̱lelik yal xban xya̱b li xak cheꞌ nak na-ecꞌasi̱c xban li ikꞌ. Teꞌa̱linak xban xxiuheb ut teꞌtꞌanekꞌ xban xxiuheb usta ma̱ ani yo̱k chi a̱lina̱nc reheb.

Oseas 8:2

Nequeꞌxye: —At Ka̱cuaꞌ, nakanau a̱cuu, la̱o aj Israel, chanqueb cue.

Oseas 8:4

Queꞌxxakab lix reyeb, abanan ma̱cuaꞌ la̱in xinsicꞌoc reheb. Queꞌxxakab li nequeꞌtaklan saꞌ xbe̱neb, abanan yal xjuneseb queꞌxba̱nu xban nak incꞌaꞌ queꞌxpatzꞌ cue ani teꞌxxakab. Queꞌxyi̱b lix dioseb riqꞌuin oro ut plata ut aꞌan ajcuiꞌ ta̱qꞌuehok reheb chi sachecꞌ.