Oseas 8:2 - Li Santil hu

² Nequeꞌxye: —At Ka̱cuaꞌ, nakanau a̱cuu, la̱o aj Israel, chanqueb cue.

Q'eqchi Bible

² Chi japjookeb' re xe'chalk wik'in chi xyeeb'al: «Naqanaw naq laa'at li xYos laj Israel», chankeb'.

Oseas 8:2 ပူးပေါင်းရင်းမြစ်များ

Tito 1:16

Nequeꞌxye nak nequeꞌxpa̱b li Dios, aban riqꞌuin li cꞌaꞌru nequeꞌxba̱nu nacꞌutun nak moco ya̱l ta. Aj kꞌetoleb ra̱tin li Dios ut kꞌaxal yibru lix naꞌlebeb. Incꞌaꞌ useb. Ma̱cꞌaꞌ junak cha̱bil cꞌanjel ta̱ru̱k teꞌxba̱nu.

San Mateo 7:21

Moco chixjunileb ta li nequeꞌyehoc “Ka̱cuaꞌ, Ka̱cuaꞌ” cue, teꞌoc saꞌ lix nimajcual cuanquilal li Dios. Aban li nequeꞌba̱nun re li naraj lin Yucuaꞌ cuan saꞌ choxa, aꞌaneb li teꞌoc saꞌ lix nimajcual cuanquilal li Dios.

1 Juan 2:4

Li ani naxye, “la̱in rehin li Dios”, ut cui incꞌaꞌ naxba̱nu li cꞌaꞌru naraj li Dios, aꞌan aj ticꞌtiꞌ. Moco ya̱l ta ru li yo̱ chixba̱nunquil.

San Lucas 13:25

Nak acak xtzꞌap li oqueba̱l laj e̱chal re li cab, la̱ex texcana̱k chirix cab ut te̱tochꞌ raj chic li puerta ut te̱ye, “Ka̱cuaꞌ, Ka̱cuaꞌ, te li puerta chiku”, chaꞌkex. Abanan aꞌan ta̱chakꞌok ut tixye e̱re, “Incꞌaꞌ ninnau e̱ru bar xexchal chak”, chaꞌak.

San Mateo 25:11

Ut nak queꞌsukꞌi chak li o̱b chi tukꞌ ixk chixlokꞌbal xyaꞌal lix xameb, queꞌoc chi bokoc saꞌ li oqueba̱l ut queꞌxye: “Ka̱cuaꞌ, te li cab chiku,” chanqueb.

Miqueas 3:11

Eb laj rakol a̱tin nequeꞌtumina̱c ruheb nak nequeꞌrakoc a̱tin. Ut eb laj tij tojbileb nak nequeꞌxcꞌut li chakꞌrab chiruheb li tenamit. Ut eb li profeta nequeꞌyehoc ra̱tin profeta re nak teꞌxcꞌul lix tumineb. Ut chixjunileb nequeꞌxcꞌojob xchꞌo̱l chixyebal: —Li Ka̱cuaꞌ cuan kiqꞌuin. La̱o ma̱cꞌaꞌ raylal takacꞌul, chanqueb.

Jeremías 7:4

Me̱pa̱b li nequeꞌxye laj balakꞌ. Eb aꞌan nequeꞌxye, ‘Ma̱cꞌaꞌ takacꞌul xban nak arin cuan lix templo li Dios,’ chanqueb.

2 Reyes 10:29

Usta quixba̱nu aꞌin laj Jehú, abanan incꞌaꞌ quixcanab xba̱nunquil li ma̱usilal li quixba̱nu li rey Jeroboam, li ralal laj Nabat, li quicꞌamoc xbeheb laj Israel chi ma̱cobc. Laj Jehú incꞌaꞌ quirisiheb li cuacax oro, li queꞌxlokꞌoni aran Bet-el ut Dan.

2 Reyes 10:16

Laj Jehú quixye re: —Yoꞌo chicuix ut ta̱cuil chanru nak xicꞌ nacuil nak incꞌaꞌ nequeꞌxqꞌue xlokꞌal li Ka̱cuaꞌ, chan. Ut cuotz queꞌco̱eb Samaria saꞌ li carruaje.

Oseas 5:15

Tintzꞌekta̱naheb ut tincanabeb xjuneseb toj teꞌxqꞌue retal lix ma̱queb ut teꞌoc chinsicꞌbal. Toj cuanqueb saꞌ raylal, tojoꞌnak teꞌxqꞌue retal lix ma̱usilaleb ut teꞌsukꞌi̱k cuiqꞌuin, chan li Ka̱cuaꞌ.

Oseas 8:3

Abanan eb laj Israel xeꞌxtzꞌekta̱na li us. Joꞌcan nak eb li xicꞌ nequeꞌiloc reheb teꞌnumta̱k saꞌ xbe̱neb.