Oseas 8:1 - Li Santil hu

¹ Ya̱basi li trompeta xban nak yo̱queb chi cha̱lc chi pletic li xicꞌ nequeꞌiloc reheb lin tenamit. Chanchaneb li cꞌuch nak yo̱queb chi cha̱lc. Xban nak lin tenamit xeꞌxtzꞌekta̱na li contrato quinba̱nu riqꞌuineb, joꞌcan nak teꞌxcꞌul li raylal. Xeꞌxtzꞌekta̱na li chakꞌrab xinqꞌue reheb.

Q'eqchi Bible

¹ “Yaab'asi li pur! Chanchan junaq t'iw naq li rahilal tixkut rib' sa' xb'een li xtenamit li Qaawa'. Xb'aan naq xe'xtz'eqtaana linsumwank ut xe'xq'etq'eti rib' chiru linchaq'rab'.

Oseas 8:1 ပူးပေါင်းရင်းမြစ်များ

Oseas 6:7

Joꞌ quixba̱nu laj Adán nak quixkꞌet li cua̱tin, joꞌcan ajcuiꞌ queꞌxba̱nu lin tenamit nak quineꞌxtzꞌekta̱na.

Deuteronomio 28:49

Li Ka̱cuaꞌ tixcꞌameb chak chi najt eb li jalan xtenamit. La̱ex incꞌaꞌ te̱tau ru li ra̱tinoba̱leb. Chanchanakeb li xul tꞌiu nak teꞌcha̱lk chi junpa̱t chixsachbal e̱ru.

Oseas 5:8

Cheya̱basihak li trompeta aran Gabaa. Cheya̱basihak aran Ramá. Cheyehak resil aran Bet-avén xban nak ticla̱c re li ple̱t. Cheqꞌuehak retal ut texxucuak la̱ex li ralal xcꞌajol laj Benjamín.

Jeremías 4:13

Qꞌuehomak retal. Eb li xicꞌ nequeꞌiloc re li tenamit chanchanakeb li chok nak teꞌcha̱lk. Eb li carruaje teꞌcha̱lk joꞌ li ca̱k-sut-ikꞌ. Eb li cacua̱y kꞌaxal cau teꞌa̱linak chiru li tꞌiu li narupupic chi junpa̱t. Tokꞌob xak ku xban nak osocꞌ ke.

Habacuc 1:8

Kꞌaxal se̱bakeb lix cacua̱yeb chiruheb li hix. Tzꞌakalakeb aj camsinel chiru laj xoj li nequeꞌbe̱c chiru kꞌojyi̱n. Kꞌaxal cuiꞌchic teꞌta̱mk li nequeꞌxic chirix cacua̱y chi camsi̱nc. Chi najt teꞌcha̱lk chak chirix cacua̱y li teꞌcha̱lk chi pletic. Nak teꞌxic saꞌ a̱nil chi pletic, chanchanakeb li cꞌuch nak naxic chi junpa̱t chixchapbal lix tib.

1 Corintios 15:52

Saꞌ rosoꞌjic li cutan nak ta̱ecꞌa̱nk chak li trompeta, tojalanokꞌ saꞌ junpa̱t saꞌ jun mutzꞌil u. Nak ta̱ecꞌa̱nk chak li trompeta eb laj pa̱banel li ac camenakeb teꞌcuacli̱k cuiꞌchic chi yoꞌyo ut incꞌaꞌ chic teꞌca̱mk. Ut eb laj pa̱banel li toj yoꞌyo̱queb teꞌjalanokꞌ.

San Mateo 24:28

Ya̱l li nequeꞌxye nak bar cua̱nk junak camenak, aran teꞌxtu̱b rib li soꞌsol.

Zacarías 11:1

Canabomak e̱rib chixcꞌulbal li tojba ma̱c cha̱lc re saꞌ e̱be̱n, la̱ex aj Líbano. La̱ex tex-osokꞌ joꞌ nak quicꞌateꞌ li chacalteꞌ li cuan saꞌ qꞌuicheꞌ.

Zacarías 9:14

Li Ka̱cuaꞌ ta̱cꞌamok be chiruheb lix tenamit nak teꞌxic chi pletic. Chanchanak rakꞌ ca̱k nak tixcut lix flecha. Li Ka̱cuaꞌ Dios tixya̱basi lix trompeta. Chanchanak li cacuil ikꞌ li nachal saꞌ li sur nak ta̱xic chi pletic.

Sofonías 1:16

Saꞌ li cutan aꞌan teꞌxya̱basi lix trompeta li teꞌcha̱lk chi pletic ut japjo̱keb re, nak teꞌcha̱lk chi pletic riqꞌuineb li cauheb rib chi pletic xban nak sutsu saꞌ tzꞌac lix tenamiteb ut cuanqueb lix torre najt xteram.

Amós 9:1

Laj Amós quixye: —Chanchan matqꞌuenbil quinba̱nu nak quicuil li Ka̱cuaꞌ xakxo chiru li artal. Quixye cue: —Ta̱jucꞌ li templo. Ta̱cuecꞌasi li rokechal toj retal ta̱tꞌanekꞌ saꞌ xbe̱neb li tenamit. Ut eb li incꞌaꞌ teꞌca̱mk, la̱in tinqꞌuehok reheb chi camsi̱c riqꞌuin chꞌi̱chꞌ saꞌ li ple̱t re nak ma̱ ani chic ta̱colekꞌ.

Amós 8:3

Saꞌ li cutan aꞌan, li bicha̱nc saꞌ li palacio ta̱sukꞌisi̱k chokꞌ ya̱bac. Nabaleb li teꞌca̱mk yalak bar. Ut mem teꞌcana̱k li tenamit chirilbal lix qꞌuialeb li camenak nak yo̱queb chirisinquil, chan.

Amós 3:6

Cui ta̱ecꞌa̱nk li trompeta saꞌ tenamit, ¿ma incꞌaꞌ ta biꞌ teꞌxucuak li tenamit chirabinquil? Ut, ¿ma ta̱cha̱lk ta biꞌ li raylal saꞌ xbe̱n junak li tenamit cui li Dios incꞌaꞌ tixcanabeb re teꞌxcꞌul?

Joel 2:1

Ya̱basihomak chak li trompeta saꞌ li tzu̱l Sión. Ya̱basihomak chak saꞌ li tzu̱l cuan cuiꞌ lix templo li Ka̱cuaꞌ re xyebal resil nak cuanco saꞌ raylal. Chexxucuak che̱junilex la̱ex li cuanquex Judá xban nak cuulac re xkꞌehil nak ta̱rakok a̱tin li Ka̱cuaꞌ saꞌ kabe̱n.

Oseas 9:15

Ut li Ka̱cuaꞌ quixye: —Chixjunil lix ma̱usilal queꞌxtiquib xba̱nunquil aran Gilgal. Aran ajcuiꞌ quichal injoskꞌil saꞌ xbe̱neb. Xban li ma̱usilal nequeꞌxba̱nu, tincuisiheb saꞌ li cuochoch ut incꞌaꞌ chic tinraheb. Chixjunileb laj cꞌamol be chiruheb xeꞌxkꞌetkꞌeti ribeb chicuu.

Oseas 4:6

Teꞌsachekꞌ lin tenamit saꞌ e̱ma̱c la̱ex xban nak incꞌaꞌ xecꞌut lix ya̱lal chiruheb. Xban nak la̱ex xetzꞌekta̱na lin chakꞌrab li xinqꞌue e̱re, joꞌcan ajcuiꞌ nak texintzꞌekta̱na la̱in ut texcuisi saꞌ le̱ cꞌanjel. Incꞌaꞌ chic teꞌcꞌanjelak chokꞌ aj tij le̱ ralal e̱cꞌajol.

Ezequiel 16:59

Li nimajcual Dios quixye: La̱in tatinqꞌue chixtojbal a̱ma̱c joꞌ a̱cꞌulub xcꞌulbal xban nak cacuisi xcuanquil li contrato ut incꞌaꞌ caba̱nu li cꞌaꞌru caye.

Ezequiel 7:14

Teꞌxya̱basi li trompeta re teꞌxcauresi ribeb chi xic chi pletic. Abanan ma̱ jun reheb ta̱e̱lk chi pletic xban nak lin joskꞌil cuan saꞌ xbe̱n chixjunileb.

Jeremías 51:27

Taksihomak le̱ bandera ut ya̱basihomak le̱ trompeta re xyebal reheb lix ni̱nkal ru tenamit nak teꞌxcauresi ribeb chi xic chi pletic riqꞌuineb laj Babilonia. Yehomak resil nak teꞌxtiquib pletic eb li tenamit Ararat, Mini ut Askenaz. Xakabomak li ani ta̱takla̱nk saꞌ xbe̱neb li soldado. Ut cꞌamomakeb nabal li cacua̱y. Chanchanakeb li jun tu̱b laj sa̱cꞌ li yo̱queb xjoskꞌil.

Jeremías 48:40

Joꞌcaꞌin naxye li Ka̱cuaꞌ: —Qꞌuehomak retal. Eb li xicꞌ nequeꞌiloc reheb laj Moab yo̱queb chi cha̱lc chixsachbal ruheb. Chanchaneb li tꞌiu nak naxic chixchapbal lix tib.

Jeremías 31:32

Ma̱cuaꞌ joꞌ li contrato li quinba̱nu riqꞌuineb lix xeꞌto̱nil yucuaꞌ nak quebinchꞌilo chak chi rukꞌeb nak quicuisiheb chak saꞌ li tenamit Egipto. Usta la̱in chanchanin jun li be̱lomej chokꞌ reheb, abanan eb aꞌan queꞌxsach xcuanquil li contrato quinba̱nu riqꞌuineb junxil.

Jeremías 6:1

La̱ex, li ralal xcꞌajol laj Benjamín, elenkex saꞌ li tenamit Jerusalén re xcolbal e̱rib. Ya̱basihomak le̱ trompeta aran Tecoa. Cꞌu̱bumak junak li xam saꞌ li naꞌajej Bet-haquerem chokꞌ retalil li nimla raylal ut li sachecꞌ li yo̱ chak chi cha̱lc saꞌ li norte.

Jeremías 4:5

Laj Jeremías quixye: —Ya̱basihomak li trompeta yalak bar saꞌ li naꞌajej aꞌin. Japomak e̱re chi cau ut te̱ye reheb li tenamit Judá ut Jerusalén nak teꞌxic saꞌ eb li tenamit li ac cauresinbileb re teꞌxcol cuiꞌ ribeb.

Isaías 58:1

Li Ka̱cuaꞌ quixye re laj Isaías: —Jap a̱cue chi cau. Matxucuac. A̱tinan chi cau joꞌ junak li trompeta. Ta̱ye reheb lin tenamit nak xeꞌxkꞌet lin chakꞌrab. Ta̱ye reheb li ralal xcꞌajol laj Jacob nak cuanqueb xma̱c.

Isaías 24:5

Eb li cristian queꞌxmux ru li ruchichꞌochꞌ xban nak queꞌxkꞌet lix chakꞌrab li Dios. Queꞌxkꞌet li contrato li xakxo xcuanquil chi junelic.

Isaías 18:3

¡Qꞌuehomak retal che̱junilex la̱ex li cuanquex saꞌ ruchichꞌochꞌ! Nak ta̱taksi̱k jun li retalil saꞌ xbe̱n li tzu̱l, ¡ilomak! Ut nak ta̱ya̱basi̱k li trompeta, ¡abihomak!

2 Reyes 18:27

Abanan laj Rabsaces quixye reheb: —La̱in incꞌaꞌ xintakla̱c chak chi a̱tinac caꞌaj cuiꞌ riqꞌuin le̱ rey, chi moco caꞌaj cuiꞌ e̱riqꞌuin la̱ex. Xintakla̱c ban chi a̱tinac riqꞌuineb li cuanqueb saꞌ xbe̱n li tzꞌac. Ta̱cuulak xkꞌehil nak eb aꞌan joꞌ ajcuiꞌ la̱ex te̱lou e̱cꞌot ut te̱rucꞌ le̱ chuꞌ, chan.

Joel 2:15

Ya̱basihomak li trompeta saꞌ li tzu̱l Sión re te̱chꞌutub e̱rib. Yehomak resil reheb li tenamit nak teꞌxba̱nu x-ayu̱n.

Jeremías 34:18

Eb li cui̱nk aꞌin queꞌxkꞌet li contrato li quinba̱nu riqꞌuineb. Incꞌaꞌ queꞌxba̱nu joꞌ naxye saꞌ li contrato. Joꞌcan nak la̱in tinba̱nu reheb joꞌ queꞌxba̱nu re li chꞌina ba̱c li queꞌxjach saꞌ xyi nak queꞌxba̱nu li contrato ut mokon queꞌnumeꞌ saꞌ xyi.

Jeremías 49:22

Qꞌuehomak retal. Eb li xicꞌ nequeꞌiloc reheb laj Bosra yo̱queb chi cha̱lc chixsachbal ruheb. Chanchaneb li tꞌiu nak naxic chixchapbal lix tib. Saꞌ eb li cutan aꞌan eb li soldado aj Edom sicsotkeb. Chanchanakeb jun li ixk li yo̱ chi cꞌuluc raylal.

Ezequiel 17:3

Ta̱ye reheb chi joꞌcaꞌin: aꞌan aꞌin li naxye li nimajcual Dios. Quicuulac Líbano jun li nimla xul tꞌiu xcꞌabaꞌ. Najt rok lix xicꞌ ut nabal pa̱y ru lix color. Kꞌaxal cau narupupic. Quixchap lix kꞌunal saꞌ li ruꞌuj jun li nimla chacalteꞌ.

Ezequiel 11:4

Joꞌcan nak la̱at, at ralal cui̱nk, ye resil reheb li raylal li ta̱cha̱lk saꞌ xbe̱neb, chan.