Oseas 7:8 - Li Santil hu

⁸ Eb li ralal xcꞌajol laj Efraín queꞌxjunaji ribeb riqꞌuineb li jalaneb xtenamit li incꞌaꞌ useb xnaꞌleb. Chanchaneb li cua li incꞌaꞌ sukꞌisinbil. Chakꞌ jun pacꞌal ut kꞌem ru jun pacꞌal.

Q'eqchi Bible

⁸ “Eb' laj Efraín xe'xjunaji rib' rik'ineb' laj ab'l tenamit, chanchaneb' li wa junpak'al ajwi' xchaq'ak.

Oseas 7:8 ပူးပေါင်းရင်းမြစ်များ

Salmos 106:35

Queꞌxjunaji ban ribeb riqꞌuineb ut queꞌoc chixba̱nunquil li cꞌaꞌru nequeꞌxba̱nu eb aꞌan.

Esdras 9:12

La̱at caye nak incꞌaꞌ takasumubeb li karabin riqꞌuineb li ralal eb aꞌan chi moco li kalal teꞌsumla̱k riqꞌuineb lix rabin eb aꞌan. Ut caye ajcuiꞌ ke nak incꞌaꞌ tocua̱nk chi sum a̱tin riqꞌuineb chi moco takatenkꞌaheb re nak us teꞌe̱lk. Incꞌaꞌ takatenkꞌaheb re nak cauhako ut takatzaca li cha̱bil tzacae̱mk li ta̱e̱lk saꞌ li chꞌochꞌ ut re ajcuiꞌ nak li kalal kacꞌajol teꞌe̱chani̱nk re li naꞌajej aꞌin chi junaj cua.

Malaquías 2:11

Eb li ralal xcꞌajol laj Judá yo̱queb chixba̱nunquil li ma̱usilal aran Jerusalén joꞌ ajcuiꞌ saꞌ chixjunil Israel. Queꞌxmux ru li templo li raro xban li Ka̱cuaꞌ xban nak yo̱queb chi sumla̱c riqꞌuineb li ixk li nequeꞌxlokꞌoni li jalanil dios.

Esdras 9:1

Ut chirix chic aꞌan, eb laj cꞌamol be saꞌ xya̱nkeb laj Israel queꞌcuulac cuiqꞌuin ut queꞌxye cue: —Cuanqueb aj Israel yo̱queb chixjunajinquil ribeb riqꞌuineb li jalaneb xtenamit. Saꞌ xya̱nkeb aꞌan cuanqueb laj tij ut laj levita. Yo̱queb chixjunajinquil ribeb riqꞌuineb laj cananeo, eb laj heteo, eb laj ferezeo, eb laj jebuseo, eb laj amonita, eb laj moabita, eb laj Egipto ut eb laj amorreo ut yo̱queb chixba̱nunquil li ma̱usilal nequeꞌxba̱nu eb aꞌan.

1 Reyes 18:21

Ut laj Elías quijiloc cuanqueb cuiꞌ chixjunil li tenamit ut quixye reheb: —¿Joꞌ najtil chic texcua̱nk chi cuib ru le̱ cꞌaꞌux? Cui li Ka̱cuaꞌ, aꞌan li tzꞌakal Dios, ¿cꞌaꞌut nak incꞌaꞌ te̱pa̱b? Ut cui laj Baal, aꞌan li tzꞌakal Dios, ta̱kehomak aꞌan, chan. Ut eb li tenamit ma̱ jun a̱tin queꞌxye.

San Mateo 6:24

Ma̱ ani naru nacꞌanjelac chiru cuib chi patrón. Naru tixra li jun ut tixtzꞌekta̱na li jun chic malaj ut xicꞌ ta̱ril li jun ut tix-oxlokꞌi li jun chic. Joꞌcan nak ma̱ jokꞌe naru te̱cꞌoxla li Dios cui caꞌaj cuiꞌ le̱ biomal nequecꞌoxla.

Sofonías 1:5

Tinsacheb ru li nequeꞌtakeꞌ saꞌ xbe̱n li rochocheb ut nequeꞌxlokꞌoni li sakꞌe, ut li po, joꞌqueb ajcuiꞌ li chahim. Nequeꞌxcuikꞌib rib ut nequeꞌxpatzꞌ xcꞌabaꞌ lix dioseb Milcom. Ut nequeꞌxpatzꞌ ajcuiꞌ incꞌabaꞌ la̱in.

Oseas 9:3

La̱ex incꞌaꞌ texcana̱k arin saꞌ li naꞌajej li qꞌuebil e̱re xban li Dios. La̱ex ralal xcꞌajol laj Efraín, texcana̱k rubel xtakl laj Asiria. Chanchan nak quexcuan chak Egipto. Ut te̱tzaca li tzacae̱mk li yebil e̱re nak incꞌaꞌ us te̱tzaca.

Oseas 5:13

Eb li ralal xcꞌajol laj Efraín teꞌxqꞌue retal nak kꞌaxal ra cuanqueb cuiꞌ. Eb li ralal xcꞌajol laj Judá teꞌxqꞌue retal nak cuanqueb saꞌ chꞌaꞌajquilal. Joꞌcan nak teꞌxic riqꞌuin li rey Jareb aran Asiria chixtzꞌa̱manquil xtenkꞌanquileb. Abanan aꞌan incꞌaꞌ ta̱ru̱k tixtenkꞌaheb.

Oseas 5:7

Nequeꞌxba̱nu rib nak niquineꞌxlokꞌoni, abanan ma̱cuaꞌ la̱in nequeꞌxlokꞌoni cuu. Aꞌ ban chic li jalanil dios nequeꞌxlokꞌoni. Eb li ralal xcꞌajol ma̱cuaꞌeb chic intenamit. Joꞌcan nak chi se̱b tebinsach ut tinsach ajcuiꞌ lix naꞌajeb.

Oseas 7:9

Yo̱ xsachbal xcuanquileb xbaneb li jalaneb xtenamit ut eb aꞌan incꞌaꞌ nequeꞌxqꞌue retal. Chanchan li yo̱ chi sakocꞌ xjolomeb nak yo̱queb chi osocꞌ xbaneb li jalaneb xtenamit ut incꞌaꞌ nequeꞌxqꞌue retal.