Oseas 7:7 - Li Santil hu

⁷ Xban nak numtajenak lix ma̱usilaleb, quilajeꞌxcamsiheb li nequeꞌtaklan saꞌ xbe̱neb. Ut ma̱ jun li rey quicuan saꞌ xya̱lal xbaneb. Quilajeꞌisi̱c saꞌ xcuanquileb. Ut ma̱ jun saꞌ xya̱nkeb quitzꞌa̱man chicuu nak tintenkꞌaheb, chan li Ka̱cuaꞌ.

Q'eqchi Bible

⁷ Chixjunileb' nachalk xjosq'ileb' jo' li tiqwal xam, ut neke'xkamsi li xjolomileb'. Kamenaqeb' chik chixjunileb' li x'awab'ejeb', ab'anan maajun naxyaab'a link'ab'a'.

Oseas 7:7 ပူးပေါင်းရင်းမြစ်များ

2 Reyes 15:30

Nak yo̱ junmay chihab roquic chokꞌ xreyeb laj Judá laj Jotam li ralal laj Uzías, laj Oseas li ralal laj Ela quixcꞌu̱b ru chanru nak tixcamsi laj Peka li ralal laj Remalías. Nak quixcamsi qui-oc chokꞌ xreyeb laj Israel chokꞌ re̱kaj.

2 Reyes 15:25

Laj Peka li ralal laj Remalías, aꞌan jun reheb li nataklan saꞌ xbe̱neb lix soldado laj Pekaía. Laj Peka quixcꞌu̱b ru rochbeneb laj Argob ut laj Arie chanru nak teꞌxcamsi li rey Pekaía. Cuanqueb ajcuiꞌ rochbeneb laje̱b roxcꞌa̱l (50) li cui̱nk aj Galaad. Queꞌxcamsi li rey saꞌ li palacio aran Samaria ut aꞌ chic laj Peka qui-oc chokꞌ xreyeb laj Israel chokꞌ re̱kaj.

2 Reyes 15:14

Laj Manahem li ralal laj Gadi qui-el Tirsa ut co̱ Samaria chixcamsinquil laj Salum li ralal laj Jabes. Quixcamsi ut qui-oc chokꞌ xreyeb laj Israel chokꞌ re̱kaj.

2 Reyes 15:10

Laj Salum li ralal laj Jabes quixcꞌu̱b ru chanru nak tixcamsi li rey Zacarías. Quipletic riqꞌuin aran Ibleam ut quixcamsi chiruheb li tenamit ut qui-oc chokꞌ rey chokꞌ re̱kaj.

Oseas 8:4

Queꞌxxakab lix reyeb, abanan ma̱cuaꞌ la̱in xinsicꞌoc reheb. Queꞌxxakab li nequeꞌtaklan saꞌ xbe̱neb, abanan yal xjuneseb queꞌxba̱nu xban nak incꞌaꞌ queꞌxpatzꞌ cue ani teꞌxxakab. Queꞌxyi̱b lix dioseb riqꞌuin oro ut plata ut aꞌan ajcuiꞌ ta̱qꞌuehok reheb chi sachecꞌ.

Oseas 7:10

Eb laj Israel yo̱queb chi cꞌuluc raylal abanan xban lix kꞌetkꞌetileb incꞌaꞌ nequeꞌraj sukꞌi̱c cuiqꞌuin la̱in li Ka̱cuaꞌ lix Dioseb. Usta ra yo̱queb chixcꞌulbal, abanan incꞌaꞌ chic nequeꞌraj insicꞌbal.

Isaías 64:7

Ma̱ ani chic naya̱ban la̱ cꞌabaꞌ ut ma̱ ani chic naxsicꞌ xtenkꞌanquil a̱cuiqꞌuin. Joꞌcan nak xoa̱canab kajunes. Xoa̱canab chi sachecꞌ xban li kama̱c.

Isaías 43:22

Abanan la̱ex aj Israel, li ralal xcꞌajolex laj Jacob, incꞌaꞌ xine̱lokꞌoni. Xextitzꞌ ban chinsicꞌbal.

Isaías 9:13

Abanan li tenamit incꞌaꞌ queꞌxsicꞌ li Ka̱cuaꞌ li nimajcual Dios li yo̱ chi qꞌuehoc reheb saꞌ raylal chi moco queꞌsukꞌi riqꞌuin.

Li xHu LAJ JOB 36:13

Eb li incꞌaꞌ nequeꞌxcꞌoxla li Dios, cꞌajoꞌ nak nequeꞌjoskꞌoꞌ. Usta yo̱queb chi cꞌuluc raylal, abanan incꞌaꞌ nequeꞌxtzꞌa̱ma xtenkꞌanquil chiru li Dios.

Oseas 7:14

Incꞌaꞌ xeꞌtzꞌa̱man chicuu chi anchaleb xchꞌo̱l nak japjo̱queb re saꞌ lix cuariba̱l. Nak xeꞌxchꞌutub ribeb chixtzꞌa̱manquil lix cua rucꞌaheb, xeꞌxkꞌetkꞌeti ribeb chicuu.

Oseas 5:15

Tintzꞌekta̱naheb ut tincanabeb xjuneseb toj teꞌxqꞌue retal lix ma̱queb ut teꞌoc chinsicꞌbal. Toj cuanqueb saꞌ raylal, tojoꞌnak teꞌxqꞌue retal lix ma̱usilaleb ut teꞌsukꞌi̱k cuiqꞌuin, chan li Ka̱cuaꞌ.

Daniel 9:13

Chixjunil li raylal aꞌin xaqꞌue saꞌ kabe̱n joꞌ tzꞌi̱banbil saꞌ li chakꞌrab li caqꞌue re laj Moisés. Ut la̱o incꞌaꞌ ajcuiꞌ xkatzꞌa̱ma kacuybal cha̱cuu, at Ka̱cuaꞌ, at kaDios, chi moco xkacanab xba̱nunquil li ma̱usilal chi moco xkaj xtaubal ru lix ya̱lal.

Ezequiel 22:30

La̱in xinsicꞌ jun saꞌ xya̱nkeb re nak tixcoleb chicuu. Xinsicꞌ jun naru tixchꞌolob lix ya̱lal chiruheb re nak incꞌaꞌ tinsacheb lin tenamit. Abanan ma̱ jun cha̱bil xintau.

2 Reyes 10:14

Laj Jehú quixye reheb li cui̱nk li yo̱queb chi ta̱ke̱nc re: —Chapomakeb chi yoꞌyo, chan. Joꞌcan nak queꞌchapeꞌ chi yoꞌyo. Ut laj Jehú quixcamsiheb chi chꞌi̱chꞌ chixcꞌatk li chamal jul cuan aran saꞌ li naꞌajej li nequeꞌbeseꞌ cuiꞌ rix li carner. Cuib roxcꞌa̱l chi cui̱nk li queꞌcamsi̱c ut ma̱ jun chic reheb queꞌcana chi yoꞌyo.

2 Reyes 10:7

Nak queꞌxcꞌul li hu li quixtakla laj Jehú, eb li nequeꞌcꞌamoc be aran Samaria queꞌxcamsiheb li laje̱b xca̱cꞌa̱l chi ralal laj Acab. Queꞌxqꞌue lix jolomeb saꞌ chacach ut queꞌxtakla Jezreel riqꞌuin laj Jehú.

2 Reyes 9:33

Laj Jehú quixye reheb: —Cutumak li ixk aꞌan takꞌa, chan. Ut queꞌxcut li ixk takꞌa. Quirachoc lix quiqꞌuel chiru li tzꞌac ut chirixeb ajcuiꞌ li cacua̱y. Ut laj Jehú quixnumsiheb lix cacua̱y ut eb lix carruaje saꞌ xbe̱n lix Jezabel.

2 Reyes 9:24

Abanan laj Jehú quixti̱ca laj Joram riqꞌuin lix tzimaj. Nak quixcut chi cau, lix tzimaj saꞌ xyi rix laj Joram qui-oc ut quinumeꞌ saꞌ li ra̱m. Ut laj Joram quitꞌaneꞌ saꞌ lix carruaje chi camenak.

1 Reyes 16:18

Laj Zimri quixqꞌue retal nak queꞌoc chi pletic saꞌ li tenamit. Joꞌcan nak co̱ saꞌ li palacio ut quixloch xxamlel. Ut aran quicꞌat laj Zimri saꞌ li palacio.

1 Reyes 16:22

Eb li yo̱queb chi oque̱nc chirix laj Omri queꞌnumta saꞌ xbe̱neb li jun jachal chic. Laj Tibni quicam ut laj Omri qui-oc chokꞌ rey.

1 Reyes 15:28

Laj Nadab quicamsi̱c nak ac yo̱ rox chihab roquic laj Asa chokꞌ xreyeb laj Judá. Laj Baasa qui-oc chokꞌ xrey eb laj Israel chokꞌ re̱kaj laj Nadab.

Oseas 13:10

¿Bar cuan le̱ rey anakcuan re texcol la̱ex ut le̱ tenamit? Ut, ¿bar cuanqueb laj rakol a̱tin li xetzꞌekta̱na nak queye nak queraj junak le̱ rey joꞌ ajcuiꞌ eb li teꞌtenkꞌa̱nk re chi takla̱nc saꞌ e̱be̱n?

Miqueas 2:1

Raylal ta̱cha̱lk saꞌ xbe̱neb li nequeꞌxcꞌoxla saꞌ lix cuariba̱l chanru teꞌxba̱nu li ma̱usilal. Nequeꞌxcꞌu̱b ru li xi̱qꞌuilal ut nak nasake̱u, nequeꞌxba̱nu li cꞌaꞌru nequeꞌxcꞌoxla xba̱nunquil xban nak cuanqueb xcuanquil.

Salmos 14:4

¿Ma incꞌaꞌ nequeꞌxtau xya̱lal? chan li Ka̱cuaꞌ. ¿Ma ma̱cꞌaꞌ xnaꞌleb li nequeꞌxba̱nu li ma̱usilal? Nequeꞌxrahobtesi li cualal incꞌajol ut ma̱cꞌaꞌ nequeꞌraj re chi moco niquineꞌxcꞌoxla la̱in, chan li Ka̱cuaꞌ.

Isaías 64:4

Ma̱ jun sut qui-abi̱c chi moco qui-ileꞌ junak chic Dios li natenkꞌan reheb li nequeꞌxcꞌojob xchꞌo̱l riqꞌuin. Caꞌaj cuiꞌ la̱at li tzꞌakal Dios.

Isaías 64:6

Chikajunilo xoma̱cob cha̱cuu. Li kati̱quilal, aꞌan chanchan jun li tꞌicr tzꞌaj ru. To-osokꞌ joꞌ nak nachakic li xak kꞌe̱n. Aꞌ ajcuiꞌ li ma̱usilal li nakaba̱nu ta̱sachok ke joꞌ nak nacꞌameꞌ li chaki xak kꞌe̱n xban ikꞌ.