Oseas 7:5 - Li Santil hu

⁵ Saꞌ lix ninkꞌe, li rey quicaltesi̱c xbaneb li nequeꞌcꞌanjelac chiru. Ut li rey qui-oc chixba̱nunquil li yibru naꞌleb saꞌ xya̱nkeb li incꞌaꞌ useb xnaꞌleb.

Q'eqchi Bible

⁵ Sa' xninq'e li awab'ej, neke'yajerk li xninqaleb' ru winq xb'aan li num uk'ak; neke'reetz'u eb' li poyanam, ut li awab'ej naxb'aanu jo' neke'xb'aanu eb' a'an.

Oseas 7:5 ပူးပေါင်းရင်းမြစ်များ

Isaías 28:1

Raylal ta̱cha̱lk saꞌ e̱be̱n la̱ex li ralal xcꞌajol laj Efraín. Xenimobresi e̱rib riqꞌuin li nimla tenamit Samaria li cuan saꞌ li ru takꞌa li cuan cuiꞌ li cha̱bil chꞌochꞌ. Ut cꞌajoꞌ le̱ kꞌetkꞌetil. Yo̱ chi sachc lix lokꞌal li tenamit Samaria xban nak junes cala̱c chic nequeꞌxba̱nu. Chanchan li utzꞌuꞌuj li yo̱ chi chakic.

Efesios 5:18

Mexcala chic xban nak napoꞌoc chꞌo̱lej. Chinujak ban le̱ chꞌo̱l riqꞌuin li Santil Musikꞌej.

San Marcos 6:21

Abanan lix Herodías quixtau chanru nak naru xcamsinquil laj Juan. Joꞌcaꞌin quicꞌulman. Nak laj Herodes quixninkꞌei lix chihab, quixbokeb chi cuaꞌac li ni̱nkeb xcuanquil saꞌ li tenamit, ut quixbokeb ajcuiꞌ li nequeꞌtaklan reheb li soldado ut joꞌcan ajcuiꞌ chixjunileb li xni̱nkal ru cui̱nk re Galilea.

San Mateo 14:6

Ut saꞌ xninkꞌeinquil lix chihab laj Herodes, lix coꞌ lix Herodías quixajoc chiruheb chixjunileb li ulaꞌ. Ut cꞌajoꞌ nak quicuulac chiru laj Herodes.

Daniel 5:23

Xakꞌetkꞌeti ban a̱cuib chiru li Ka̱cuaꞌ cuan saꞌ choxa. Xatakla xcꞌambal li secꞌ li quicꞌanjelac saꞌ lix templo li Dios ut xerocsi saꞌ le̱ ninkꞌe. La̱at xat-ucꞌac vino chi saꞌ chiruheb li nequeꞌcꞌanjelac cha̱cuu, joꞌqueb ajcuiꞌ la̱ cuixakil ut eb la̱ concubina. Ut xalokꞌoni ajcuiꞌ li jalanil dios yi̱banbil riqꞌuin plata, oro, bronce, hierro, cheꞌ ut pec. Xaqꞌueheb xlokꞌal li yi̱banbil dios li ma̱cꞌaꞌeb xnaꞌleb, li incꞌaꞌ nequeꞌiloc chi moco nequeꞌabin. Ut incꞌaꞌ xaqꞌue xlokꞌal li tzꞌakal Dios. Aꞌan li naqꞌuehoc la̱ yuꞌam ut aꞌan li yal re saꞌ a̱be̱n.

Proverbios 20:1

Li na-ucꞌac vino nayiboꞌ ru lix naꞌleb. Ut li na-ucꞌac re li haꞌ li nacaltesin nasach xnaꞌleb. Li ani naba̱nun re chi joꞌcan, aꞌan ma̱cꞌaꞌ xnaꞌleb.

Proverbios 13:20

Li ani naxcꞌam rib riqꞌuineb li cuanqueb xnaꞌleb ta̱cua̱nk xnaꞌleb. Ut li ani tixcꞌam rib riqꞌuineb li ma̱cꞌaꞌeb xnaꞌleb ta̱sachk.

Salmos 69:12

Niquineꞌxhob li nequeꞌcꞌojla chire li oqueba̱l ut eb li calajenak niquineꞌxhob nak nequeꞌbichan.

Salmos 1:1

Us xak re li cui̱nk li incꞌaꞌ naxcꞌu̱luban xtacchiꞌ li incꞌaꞌ useb xnaꞌleb. Us xak re li cui̱nk li incꞌaꞌ naxjunaji rib riqꞌuineb laj ma̱c chi moco naxjunaji rib riqꞌuineb li nequeꞌhoboc re li Ka̱cuaꞌ Dios.

1 Reyes 13:4

Nak li rey quirabi li cꞌaꞌru quixye lix profeta li Dios chirix li artal li cuan Bet-el, quichal xjoskꞌil. Quixcꞌut li profeta riqꞌuin li rukꞌ ut quixye: —¡Chapomak li cui̱nk aꞌan! chan. Ut li rukꞌ quicana chi telto. Incꞌaꞌ chic quiru quirecꞌasi saꞌ xnaꞌaj.

Génesis 40:20

Ut saꞌ rox li cutan quixninkꞌei xchihab laj faraón. Quixbokeb chixjunileb lix mo̱s saꞌ lix ninkꞌe. Quixbokeb ajcuiꞌ li cuib chi pre̱x, jun li quitaklan reheb laj yi̱bom caxlan cua, ut li jun chic li quitaklan reheb laj qꞌuehol rucꞌa.

Isaías 28:14

Abihomak li cꞌaꞌru naxye li Ka̱cuaꞌ e̱re la̱ex li nequextaklan saꞌ li tenamit Jerusalén, la̱ex li nequekꞌetkꞌeti e̱rib.

Oseas 7:3

Nasahoꞌ saꞌ xchꞌo̱l li rey joꞌqueb ajcuiꞌ li nequeꞌcꞌanjelac chiru riqꞌuin li ma̱usilal ut li balakꞌi̱nc nequeꞌxba̱nu li tenamit.