Oseas 7:2 - Li Santil hu

² Incꞌaꞌ nequeꞌxcꞌoxla nak la̱in yo̱quin chixqꞌuebal retal lix ma̱usilaleb. La̱in nacuil nak li ma̱c yo̱ chi numta̱c saꞌ xbe̱neb.

Q'eqchi Bible

² Ink'a' neke'xk'oxla naq jultik we li xmaakeb'. Ut anaqwan tz'aptz'ookeb' sa' li maak, junelik wank chiwu li xmaa'usilaleb'.

Oseas 7:2 ပူးပေါင်းရင်းမြစ်များ

San Lucas 12:2

Ma̱cꞌaꞌ naru na-uxman chi mukmu chi incꞌaꞌ ta ta̱cꞌutu̱nk. Ma̱cꞌaꞌ cuan chi mukmu chi incꞌaꞌ ta ta̱naꞌekꞌ.

Salmos 90:8

Chixjunil li ma̱usilal li xkaba̱nu, la̱at nacanau. Chixjunil li ma̱c li xkaba̱nu chi mukmu cutan saken cha̱cuu.

Amós 8:7

Li Ka̱cuaꞌ li qui-osobtesin re laj Jacob quixba̱nu li juramento saꞌ xcꞌabaꞌ ajcuiꞌ aꞌan ut quixye: —Ma̱ jaruj ta̱sachk saꞌ inchꞌo̱l chixjunil lix yehom xba̱nuhomeb li tenamit aꞌin.

Jeremías 14:10

Aꞌan aꞌin li naxye li Ka̱cuaꞌ chirixeb li tenamit Israel: —Eb li tenamit aꞌin incꞌaꞌ tuktu xchꞌo̱leb cuiqꞌuin. Cocꞌ aj xsaꞌ nequeꞌxjal xcꞌaꞌuxeb. Incꞌaꞌ nacuulac chicuu li cꞌaꞌru nequeꞌxba̱nu. Cuan saꞌ inchꞌo̱l li ma̱usilal li nequeꞌxba̱nu. Joꞌcan nak la̱in tinqꞌueheb chixtojbal lix ma̱queb, chan li Dios.

Jeremías 2:19

Xebok raylal saꞌ e̱be̱n xban li ma̱usilal queba̱nu. Li incꞌaꞌ us li queba̱nu texqꞌue chixtojbal le̱ ma̱c. Anakcuan te̱qꞌue retal li raylal quebok saꞌ e̱be̱n nak quine̱tzꞌekta̱na, ut quecanab xxucuanquil cuu, la̱in li Ka̱cuaꞌ le̱ Dios, chan li Ka̱cuaꞌ li nimajcual Dios.

Hebreos 4:13

Ma̱ ani naru tixmuk rib chiru li Dios xban nak aꞌan quiyi̱ban re chixjunil li cꞌaꞌak re ru cuan. Cutan saken chiru li Dios li kayehom kaba̱nuhom. Ma̱cꞌaꞌ mukmu chiru li Dios li toxkachꞌolob cuiꞌ kayehom kaba̱nuhom.

1 Corintios 4:5

Joꞌcan nak mexrakoc a̱tin chirix le̱ ras e̱ri̱tzꞌin. Cheroybeni toj ta̱cuulak xkꞌehil nak tol-e̱lk cuiꞌchic li Ka̱cuaꞌ Jesucristo ut aꞌan tixcꞌutbesi li incꞌaꞌ nanauman anakcuan. Tixcꞌutbesi li cꞌaꞌru nanumeꞌ saꞌ xchꞌo̱l li junju̱nk. Ut li Dios tixqꞌue xlokꞌal li junju̱nk aꞌ yal chanru lix yehom xba̱nuhom.

Oseas 9:9

Kꞌaxal xnumta le̱ ma̱usilal joꞌ queꞌxba̱nu aran Gabaa. Anakcuan ta̱julticokꞌ re li Dios le̱ ma̱usilal ut aꞌan ta̱qꞌuehok e̱re chixtojbal rix le̱ ma̱c, chan laj Oseas.

Jeremías 32:19

Kꞌaxal lokꞌ li nacacꞌu̱b ru ut sachba chꞌo̱lej li nacaba̱nu riqꞌuin xnimal la̱ cuanquil. La̱at nacacuil chixjunil li nequeꞌxba̱nu li cristian. Ut nacaqꞌue xkꞌajca̱munquil li junju̱nk aꞌ ya̱l chanru lix yehom xba̱nuhom.

Jeremías 16:17

La̱in nacuil chixjunil li cꞌaꞌru nequeꞌxba̱nu. Ma̱cꞌaꞌ mukmu chicuu. Incꞌaꞌ naru teꞌxmuk lix ma̱usilaleb.

Jeremías 4:18

La̱ex aj Judá, yo̱quex chixcꞌulbal li raylal aꞌin xban li ma̱usilal xeba̱nu. Xban le̱ ma̱c nak yo̱quex chixcꞌulbal li raylal aꞌin ut nayotꞌeꞌ e̱chꞌo̱l xban.

Isaías 5:12

Ut saꞌ li ninkꞌe li nequeba̱nu yo̱ le̱ son. Nak nequeqꞌue le̱ son nequechꞌeꞌ li arpa, li salterio, li tambor, ut li xo̱lb. Ut nequerucꞌ li vino. Abanan incꞌaꞌ nequecꞌoxla li Dios chi moco nequeqꞌue retal li cꞌaꞌru naxba̱nu.

Salmos 25:7

Incꞌaꞌ taxak chinak saꞌ a̱chꞌo̱l li ma̱c ut li ma̱usilal li quinba̱nu chak saꞌ insa̱jilal. Chinjulticokꞌ taxak a̱cue, at Ka̱cuaꞌ, xban nak junelic nacatrahoc ut junelic cha̱bilat.

Salmos 9:16

At Ka̱cuaꞌ, xban nak nacatrakoc a̱tin saꞌ xya̱lal, nacacꞌutbesi la̱ ti̱quilal. Aꞌut li incꞌaꞌ useb xnaꞌleb xjunes nequeꞌxsicꞌ xraylaleb riqꞌuin li incꞌaꞌ us nequeꞌxba̱nu.

Oseas 8:13

Nequeꞌxmayeja li xul chicuu ut eb aꞌan ajcuiꞌ li nequeꞌtzacan re. La̱in incꞌaꞌ nacuulac chicuu lix mayejeb xban nak najulticoꞌ cue li ma̱usilal nequeꞌxba̱nu. Joꞌcan nak re xtojbal rixeb lix ma̱c, ta̱cha̱lk li raylal saꞌ xbe̱neb. Chanchan li raylal li queꞌxcꞌul nak cuanqueb chak Egipto.

Isaías 1:3

Li bo̱yx naxnau ru laj e̱chal re ut li bu̱r naxnau bar qꞌuebil xnaꞌaj xban laj e̱chal re. Abanan lin tenamit Israel incꞌaꞌ nequeꞌxnau cuu chi moco nequeꞌxtau ru lix ya̱lal.

Salmos 50:22

Cheqꞌuehak retal aꞌin la̱ex li nequextzꞌekta̱nan cue. Cheba̱nuhak cue̱nt. Ma̱re anchal texinsach chi junaj cua ut ma̱ ani chic naru ta̱colok e̱re.

Li xHu LAJ JOB 34:21

Li Dios yo̱ chirilbal chixjunil li nequeꞌxba̱nu li cristian ut naxnau chixjunil.

Deuteronomio 32:29

Us raj cui cuan xnaꞌlebeb. Us raj nak teꞌxqꞌue retal li raylal li teꞌxcꞌul. Ut us raj ajcuiꞌ cui teꞌxqꞌue retal chanru nak teꞌosokꞌ.

Números 32:23

Abanan cui incꞌaꞌ te̱ba̱nu li cꞌaꞌru xeyechiꞌi re li Ka̱cuaꞌ, qꞌuehomak retal nak texma̱cobk chiru li Ka̱cuaꞌ. Ut la̱ex te̱cꞌul xtojbal le̱ ma̱c.

Isaías 44:19

Li cui̱nk li quiyi̱ban re ma̱cꞌaꞌ xnaꞌleb. Incꞌaꞌ nacꞌoxlac chi moco naru tixye, “Jun jachal li cheꞌ xincꞌat. Xinyi̱b lin tzacae̱mk ut xinpom lin tib ut xincuaꞌac. ¿Ma tinyi̱b ta biꞌ li dios cheꞌ li ma̱cꞌaꞌ na-oc cuiꞌ riqꞌuin li jun jachal chic? ¿Ma naru ta biꞌ tincuikꞌib cuib chiru jun tokolak li cheꞌ?”

Isaías 26:16

At Ka̱cuaꞌ, la̱at coa̱qꞌue chixtojbal li kama̱c ut cotijoc cha̱cuu. Nak yo̱co chixcꞌulbal li raylal, xkatzꞌa̱ma katenkꞌanquil a̱cue.

Jeremías 17:1

Li Ka̱cuaꞌ quixye: —La̱ex aj Judá, tzꞌi̱banbil retalil le̱ ma̱c. Chanchan nak juchꞌbil riqꞌuin chꞌi̱chꞌ. Chanchan nak tzꞌi̱banbil retalil chiru le̱ ra̱m riqꞌuin jun li terto̱quil pec diamante. Ut chanchan nak tzꞌi̱banbil ajcuiꞌ retalil chiru li xucub li cuan saꞌ xxuc li artal.

Jeremías 44:21

Quixye reheb: —¿Ma incꞌaꞌ ta biꞌ quixnau li Dios nak xecꞌat li pom saꞌ eb li tenamit li cuanqueb Judá ut aran Jerusalén? ¿Ma incꞌaꞌ ta biꞌ quixqꞌue retal nak xecꞌat li pom la̱ex, ut eb le̱ yucuaꞌ joꞌ eb ajcuiꞌ le̱ rey ut eb li nequeꞌtaklan saꞌ e̱be̱n?

Oseas 4:9

Chanru lix naꞌlebeb li tenamit, joꞌcan ajcuiꞌ e̱naꞌleb la̱ex aj tij. Joꞌcan nak texinqꞌue chixtojbal rix le̱ ma̱c aꞌ yal chanru le̱ yehom e̱ba̱nuhom.

Oseas 9:15

Ut li Ka̱cuaꞌ quixye: —Chixjunil lix ma̱usilal queꞌxtiquib xba̱nunquil aran Gilgal. Aran ajcuiꞌ quichal injoskꞌil saꞌ xbe̱neb. Xban li ma̱usilal nequeꞌxba̱nu, tincuisiheb saꞌ li cuochoch ut incꞌaꞌ chic tinraheb. Chixjunileb laj cꞌamol be chiruheb xeꞌxkꞌetkꞌeti ribeb chicuu.

Oseas 12:2

Li Ka̱cuaꞌ yo̱ xjoskꞌil saꞌ xbe̱neb li ralal xcꞌajol laj Judá ut tixqꞌueheb chixtojbal xma̱queb li ralal xcꞌajol laj Jacob aꞌ yal chanru xyehom xba̱nuhomeb. Tixqꞌueheb chixtojbal xma̱queb joꞌ xcꞌulubeb.

Jonás 1:2

—Ayu aran saꞌ li nimla tenamit Nínive. Ta̱kꞌuseb ut ye reheb nak yo̱quin chixqꞌuebal retal li ma̱usilal li yo̱queb chixba̱nunquil, chan li Ka̱cuaꞌ.

Salmos 10:11

Li incꞌaꞌ useb xnaꞌleb nequeꞌxye saꞌ xchꞌo̱l: —Li Dios incꞌaꞌ nocoril. Incꞌaꞌ naxnau cꞌaꞌru yo̱co xba̱nunquil, chanqueb.

Ezequiel 21:29

Eb li visión li nequeril moco ya̱l ta ut li cꞌaꞌru nequekꞌehi ticꞌtiꞌ. Numtajenak le̱ ma̱usilal ut incꞌaꞌ us le̱ naꞌleb. Abanan cuulac re xkꞌehil nak te̱toj rix le̱ ma̱usilal nak texcamsi̱k chi chꞌi̱chꞌ.

Oseas 6:2

Usta ac xsach ku, abanan tixqꞌue cuiꞌchic li kayuꞌam chiru cuib oxib cutan ut tocua̱nk riqꞌuin.