Oseas 7:16 - Li Santil hu

¹⁶ Niquineꞌxtzꞌekta̱na ut nequeꞌxic riqꞌuin li jalanil dios. Chanchaneb li yocos aj tzimaj ma̱cꞌaꞌ na-oc cuiꞌ. Joꞌcan nak teꞌcamsi̱k riqꞌuin chꞌi̱chꞌ li nequeꞌcꞌamoc be saꞌ xya̱nkeb yal xban nak nequeꞌxnimobresi ribeb riqꞌuin li cꞌaꞌru nequeꞌxye. Ut xban aꞌan teꞌseꞌe̱k xbaneb laj Egipto.

Q'eqchi Bible

¹⁶ Xkoho xch'ooleb' chirixeb' li yal k'oxlanb'il yos, chanchaneb' li yokosil xna' simaj li maak'a' aj e. K'ajo' naq neke'xye laj k'amol xb'eheb': jo'kan naq te'kamsiiq chi q'esnal ch'iich' ut se'leb'aal te'kanaaq wi' xb'aaneb' laj Ejiipt.

Oseas 7:16 ပူးပေါင်းရင်းမြစ်များ

Oseas 9:3

La̱ex incꞌaꞌ texcana̱k arin saꞌ li naꞌajej li qꞌuebil e̱re xban li Dios. La̱ex ralal xcꞌajol laj Efraín, texcana̱k rubel xtakl laj Asiria. Chanchan nak quexcuan chak Egipto. Ut te̱tzaca li tzacae̱mk li yebil e̱re nak incꞌaꞌ us te̱tzaca.

Salmos 78:57

Eb aꞌan queꞌxba̱nu cuiꞌchic joꞌ queꞌxba̱nu lix naꞌ xyucuaꞌeb. Queꞌxtzꞌekta̱na li Dios ut incꞌaꞌ ti̱queb xchꞌo̱l. Chanchaneb li tzimaj, li incꞌaꞌ ti̱c nacutuc.

Ezequiel 23:32

Li nimajcual Dios quixye reheb laj Judá: —La̱ex te̱cꞌul ajcuiꞌ li raylal li xinqꞌue saꞌ xbe̱neb aꞌan. Kꞌaxal nim li raylal ta̱cha̱lk saꞌ e̱be̱n. Chixjunileb li tenamit texhob ut texseꞌe xban li raylal li te̱cꞌul.

Salmos 73:9

Aꞌaneb li nequeꞌraj takla̱nc saꞌ xbe̱neb chixjunil, joꞌ saꞌ choxa joꞌ saꞌ ruchichꞌochꞌ.

Oseas 9:6

Tex-e̱lk saꞌ le̱ tenamit xban li raylal yo̱kex chixcꞌulbal. Laj Asiria teꞌnumta̱k saꞌ e̱be̱n. Chanchan nak chapcho̱quex cuiꞌchic xbaneb laj Egipto. Ut nak tex-osokꞌ, chanchan nak texmukekꞌ aran Menfis. Ta̱chamokꞌ li qꞌuix ut li pim saꞌ le̱ naꞌaj quexcuan cuiꞌ, ut ta̱osokꞌ le̱ biomal.

Salmos 12:4

Chakꞌuseb li nequeꞌyehoc re chi joꞌcaꞌin: —La̱o nakanau a̱tinac kajunes. La̱o yal ke cꞌaꞌru takaye. Ma̱ ani naru nakꞌusuc ke.—

Apocalipsis 13:5

Ut quiqꞌueheꞌ xcuanquil li joskꞌ aj xul chi a̱tinac ut chixba̱nunquil li cꞌaꞌru ta̱raj. Kꞌaxal kꞌetkꞌet li xul ut yo̱ chixmajecuanquil li Dios. Sachba chꞌo̱lej quixba̱nu chiru oxib chihab riqꞌuin cuakib po.

2 Pedro 2:8

Laj Lot, aꞌan ti̱c xchꞌo̱l. Ut nak cuan saꞌ xya̱nkeb laj Sodoma junelic ra saꞌ xchꞌo̱l chirilbal, ut chirabinquil lix ma̱usilal lix naꞌlebeb.

Santiago 3:5

Joꞌcan ajcuiꞌ li ruꞌuj akꞌ. Kꞌaxal caꞌchꞌin aban nanumta naxye. Chanchan li xam. Riqꞌuin yal jun ratzꞌum li xam ta̱nak saꞌ junak qꞌuicheꞌ tixcꞌat chixjunil li qꞌuicheꞌ.

San Lucas 8:13

Ut li iyaj li quinak saꞌ xya̱nk li pec, aꞌan retalileb li nequeꞌabin re li ra̱tin li Dios ut nequeꞌxpa̱b chi saheb saꞌ xchꞌo̱l. Abanan incꞌaꞌ nacana saꞌ xchꞌo̱leb. Nak nayaleꞌ rix lix pa̱ba̱leb, incꞌaꞌ nequeꞌxcuy xnumsinquil. Nachꞌinan ban xchꞌo̱leb.

San Mateo 12:36

La̱in tinye e̱re nak saꞌ xkꞌehil li rakba a̱tin li junju̱nk tixkꞌaxtesi xcue̱nt chirix chixjunil li joꞌ ma̱joꞌil aj a̱tin quixye.

Oseas 11:7

Lin tenamit niquineꞌxtzꞌekta̱na. Junes kꞌetkꞌetil chic cuan saꞌ xchꞌo̱leb. Usta nequeꞌxye nak la̱in li kꞌaxal nim incuanquil, abanan ma̱ jun reheb naqꞌuehoc incuanquil.

Oseas 7:13

Tokꞌob xak ruheb xban nak xineꞌxtzꞌekta̱na la̱in. Raylal ta̱cha̱lk saꞌ xbe̱neb xban nak xeꞌxkꞌetkꞌeti ribeb chicuu ut yal xcab rix xchꞌo̱leb nak xineꞌxlokꞌoni. La̱in xcuaj raj xcolbaleb, abanan eb aꞌan incꞌaꞌ xeꞌraj.

Oseas 6:4

Abanan li Ka̱cuaꞌ naxye: —¿Cꞌaꞌru tinba̱nu e̱riqꞌuin la̱ex ralal xcꞌajol laj Efraín? Ut, ¿cꞌaꞌru tinba̱nu e̱riqꞌuin la̱ex ralal xcꞌajol laj Judá? Le̱ cha̱bilal chanchan li chok chiru li ekꞌela, li nacꞌameꞌ saꞌ junpa̱t xban li ikꞌ, ut chanchan li xchuꞌque li nacuan ekꞌela, li nasach saꞌ junpa̱t.

Ezequiel 36:20

Nak queꞌcuulac saꞌ eb li tenamit yalak bar, chixjunileb li tenamit queꞌxye nak aꞌaneb lin tenamit la̱in li Dios, ut queꞌisi̱c saꞌ li naꞌajej li quiqꞌueheꞌ reheb, chanqueb. Xma̱c eb aꞌan nak quimuxeꞌ ru lin santil cꞌabaꞌ.

Jeremías 18:18

Ut eb li tenamit queꞌxye: —Takacꞌu̱b ru cꞌaꞌru takaba̱nu riqꞌuin laj Jeremías. Moco palta tixba̱nu chiku. Eb laj tij junelic teꞌxcꞌut chiku li cꞌaꞌru naxye li chakꞌrab. Eb li cuanqueb xnaꞌleb junelic teꞌxqꞌue kanaꞌleb ut eb li profeta junelic teꞌxye ke li ra̱tin li Dios. Takajit laj Jeremías ut incꞌaꞌ takabi li cꞌaꞌru tixye, chanqueb.

Jeremías 3:10

Usta ac xeꞌxba̱nu li ma̱usilal aꞌin eb laj Judá, incꞌaꞌ ajcuiꞌ queꞌsukꞌi cuiqꞌuin chi anchal xchꞌo̱leb. Yal xcab rix xchꞌo̱leb nak niquineꞌxlokꞌoni, chan li Ka̱cuaꞌ.

Isaías 3:8

Relic chi ya̱l nak li tenamit Jerusalén xsacheꞌ ru ut li tenamit Judá jucꞌbil chic xban nak incꞌaꞌ us lix yehom xba̱nuhomeb ut xban nak xeꞌxkꞌetkꞌeti ribeb chiru li Ka̱cuaꞌ. Ut riqꞌuin aꞌan xeꞌxchikꞌ xjoskꞌil li Dios.

Salmos 78:37

Incꞌaꞌ ti̱queb xchꞌo̱l chiru li Dios ut incꞌaꞌ nequeꞌxba̱nu li cꞌaꞌru queꞌxyechiꞌi xba̱nunquil saꞌ li contrato.

Salmos 57:4

La̱in cuanquin saꞌ xya̱nkeb li joskꞌ aj cristian. Chanchaneb li joskꞌ aj cakcoj li nequeꞌcamsin. Li ruch reheb chanchan li chꞌi̱chꞌ re camsi̱nc. Ut li ruꞌuj rakꞌeb chanchan li kꞌesnal chꞌi̱chꞌ.

Salmos 52:2

Junes ticꞌtiꞌic ut balakꞌic nacacꞌoxla xba̱nunquil. Chanchan xkꞌesnal ruꞌuj chꞌi̱chꞌ li ruꞌuj a̱cuakꞌ xban li ma̱usilal li na-el saꞌ xtzꞌu̱mal a̱cue.

Salmos 12:3

At Ka̱cuaꞌ, chakꞌuseb re nak teꞌxcanab ticꞌtiꞌic ut balakꞌi̱nc. Chakꞌuseb re nak teꞌxcanab xnimobresinquil ribeb riqꞌuin li cꞌaꞌru nequeꞌxye.

Salmos 17:10

Eb aꞌan incꞌaꞌ nequeꞌtokꞌoban u. Kꞌetkꞌeteb ut nequeꞌxnimobresi rib riqꞌuin li cꞌaꞌru nequeꞌxye.

Daniel 7:25

Aꞌan tixmajecua li nimajcual Dios ut tixrahobtesiheb ajcuiꞌ li ralal xcꞌajol li Dios. Tixcꞌoxla xjalbal eb li chakꞌrab ut tixcꞌoxla xjalbal li cꞌaynakeb xba̱nunquil li tenamit. Ut oxib chihab riqꞌuin media teꞌcua̱nk li ralal xcꞌajol li Dios rubel xcuanquil aꞌan.

Oseas 11:5

Abanan incꞌaꞌ nequeꞌraj sukꞌi̱c cuiqꞌuin. Xban aꞌan eb laj Asiria teꞌnumta̱k saꞌ xbe̱neb ut aꞌanakeb chic lix reyeb. Chanchan nak queꞌcuan chak Egipto.

Malaquías 3:13

—Kꞌaxal ra nanak cuiꞌ le̱ ra̱tin xeye cue, chan li Ka̱cuaꞌ. Ut toj nequeye, “¿Cꞌaꞌru xkaye? ¿Cꞌaꞌru xatkahob cuiꞌ?” chanquex.

Malaquías 3:14

La̱ex xeye, “Ma̱cꞌaꞌ aj e nak yo̱co chi cꞌanjelac chiru li Ka̱cuaꞌ. ¿Cꞌaꞌru takara nak yo̱ko chixpa̱banquil lix chakꞌrab? ¿Cꞌaꞌru takara nak yo̱ko chi cꞌuluc raylal chixta̱kenquil li Ka̱cuaꞌ li nimajcual Dios?” chanquex.

Salmos 12:5

Abanan li Ka̱cuaꞌ Dios quixye: —Anakcuan tebintenkꞌa li rahobtesinbileb xban nak yo̱ chi yotꞌecꞌ xchꞌo̱leb xban li raylal nequeꞌxcꞌul. Tebincol joꞌ yo̱queb chiroybeninquil.—

Jeremías 42:18

Ut li Ka̱cuaꞌ li nimajcual Dios, lix Dioseb laj Israel, quixye ajcuiꞌ: —Joꞌ nak xincꞌutbesi lin joskꞌil chiruheb li cuanqueb Jerusalén nak xinqꞌueheb chixtojbal xma̱c, joꞌcan ajcuiꞌ nak texinqꞌue chixtojbal e̱ma̱c la̱ex cui texxic Egipto. Xucuajelak e̱rilbal. Texhobekꞌ ut ta̱patzꞌekꞌ le̱ cꞌabaꞌ nak eb li tenamit teꞌmajecua̱nk. Ut incꞌaꞌ chic texsukꞌi̱k saꞌ li naꞌajej aꞌin, chan li Ka̱cuaꞌ.

Oseas 9:4

Nak cua̱nkex saꞌ li tenamit aꞌan incꞌaꞌ chic ta̱ru̱k texmayejak chiru li Dios. Chi moco li vino chi moco li xul te̱mayeja chiru. Ut nak texcuaꞌak chanchan nak yo̱kex chixyoꞌlenquil junak li camenak ut muxbil chic ru le̱ pa̱ba̱l ta̱cana̱k. Incꞌaꞌ chic ta̱ru̱k texmayejak chiru li Dios. Li tzacae̱mk aꞌan caꞌaj cuiꞌ re te̱tzaca la̱ex.