Oseas 7:14 - Li Santil hu

¹⁴ Incꞌaꞌ xeꞌtzꞌa̱man chicuu chi anchaleb xchꞌo̱l nak japjo̱queb re saꞌ lix cuariba̱l. Nak xeꞌxchꞌutub ribeb chixtzꞌa̱manquil lix cua rucꞌaheb, xeꞌxkꞌetkꞌeti ribeb chicuu.

Q'eqchi Bible

¹⁴ Moko anchaleb' ta xch'ool naq neke'tz'aamank chiwu naq yookeb' chi tz'uyink chiru li xch'aateb'. Yal re xtz'aamankil li triiw ut li b'iin naq neke'xlet'exi li xtib'eleb'. Chi jo'kan xe'xq'etq'eti rib' chiwu.

Oseas 7:14 ပူးပေါင်းရင်းမြစ်များ

Santiago 4:3

Ut nak nequextzꞌa̱man chiru li Dios, incꞌaꞌ nequecꞌul xban nak incꞌaꞌ nequetzꞌa̱ma joꞌ naraj li Dios. Incꞌaꞌ nequecꞌul xban nak nequetzꞌa̱ma yal re xsachbal saꞌ li joꞌ ma̱joꞌil naꞌleb.

Jeremías 3:10

Usta ac xeꞌxba̱nu li ma̱usilal aꞌin eb laj Judá, incꞌaꞌ ajcuiꞌ queꞌsukꞌi cuiqꞌuin chi anchal xchꞌo̱leb. Yal xcab rix xchꞌo̱leb nak niquineꞌxlokꞌoni, chan li Ka̱cuaꞌ.

Filipenses 3:19

Eb aꞌan incꞌaꞌ us yo̱queb. Li cꞌaꞌru nequeꞌxrahi ru xba̱nunquil, aꞌan chic lix dioseb chiruheb xban nak junes aꞌan chic nequeꞌxcꞌoxla. Nequeꞌxnimobresi ribeb riqꞌuin xba̱nunquil li incꞌaꞌ us, usta xuta̱nal raj chokꞌ reheb. Junes li cꞌaꞌru cuan saꞌ ruchichꞌochꞌ nequeꞌxcꞌoxla. Eb aꞌan teꞌsachekꞌ saꞌ li tojba ma̱c.

Zacarías 7:5

—Ye reheb chixjunileb li tenamit ut reheb ajcuiꞌ laj tij chi joꞌcaꞌin: Ya̱l nak la̱ex xeba̱nu le̱ ayu̱n ut xexya̱bac saꞌ li roꞌ po ut saꞌ li xcuuk po. Xeba̱nu aꞌan rajlal chihab chiru laje̱b xca̱cꞌa̱l (70) chihab. ¿Ma re xqꞌuebal ta biꞌ inlokꞌal la̱in nak xeba̱nu aꞌan?

Amós 2:8

Chixcꞌatkeb li artal nequeꞌxhel chokꞌ xnaꞌajeb li tꞌicr li nacanaba̱c riqꞌuineb chokꞌ prenda xbaneb laj toꞌ tumin. Nequeꞌxlokꞌ lix vino li nequeꞌrucꞌ saꞌ rochoch lix dioseb riqꞌuin li tumin li nequeꞌxmakꞌ chiruheb li ma̱cꞌaꞌeb xma̱c.

Isaías 29:13

Li Ka̱cuaꞌ quixye: —Li tenamit aꞌin niquineꞌxlokꞌoni yal riqꞌuin xtzꞌu̱mal reheb. Moco nequeꞌxba̱nu ta chi anchal xchꞌo̱leb. Ma̱cꞌaꞌ rajbal nak niquineꞌxlokꞌoni xban nak li cꞌaꞌru nequeꞌxba̱nu re inlokꞌoninquil, aꞌan yal jun chakꞌrab qꞌuebil xbaneb li cui̱nk.

Miqueas 2:11

Eb li tenamit aꞌin nequeꞌraj junak profeta aj balakꞌ. Nequeꞌraj junak li profeta ta̱ticꞌtiꞌik ut tixye reheb: —La̱in tinyehok e̱re nak ta̱cua̱nk nabal li vino ut li trau chokꞌ e̱re, chaꞌak. Aꞌan li te̱raj rabinquil.

Isaías 65:14

Eb li nequeꞌcꞌanjelac chicuu teꞌbicha̱nk xban xsahileb xchꞌo̱l. Abanan la̱ex, li nequeba̱nu li incꞌaꞌ us, texya̱bak xban li raylal li te̱cꞌul. Ta̱yotꞌekꞌ e̱chꞌo̱l ut japjo̱k e̱re xban li raylal.

Jueces 9:27

Queꞌco̱eb chixsicꞌbal ru li uvas ut queꞌxyatzꞌ re risinquil lix yaꞌal. Chirix aꞌan queꞌxba̱nu jun li ninkꞌe saꞌ rochoch lix dioseb. Nak yo̱queb chi cuaꞌac ut chi ucꞌac, yo̱queb chixmajecuanquil laj Abimelec.

Santiago 5:1

Aꞌut anakcuan, ex biom, cherabihak li oc cue chixyebal. Chiyotꞌekꞌ e̱chꞌo̱l ut chexya̱bak xban li raylal cha̱lc re saꞌ e̱be̱n.

Romanos 16:18

Eb aꞌan incꞌaꞌ nequeꞌxba̱nu li cꞌaꞌru naraj li Ka̱cuaꞌ Jesucristo. Caꞌaj cuiꞌ li cꞌaꞌru nequeꞌxrahi ru lix chꞌo̱leb, aꞌan li nequeꞌxba̱nu. Ut riqꞌuin kꞌunil a̱tin nequeꞌkꞌunbesin ut nequeꞌxbalakꞌi li incꞌaꞌ cauheb xchꞌo̱l saꞌ xpa̱ba̱leb.

Amós 8:3

Saꞌ li cutan aꞌan, li bicha̱nc saꞌ li palacio ta̱sukꞌisi̱k chokꞌ ya̱bac. Nabaleb li teꞌca̱mk yalak bar. Ut mem teꞌcana̱k li tenamit chirilbal lix qꞌuialeb li camenak nak yo̱queb chirisinquil, chan.

Oseas 13:16

La̱in tebinqꞌue chixtojbal rix lix ma̱queb laj Samaria xban nak xineꞌxtzꞌekta̱na. Ta̱cha̱lk li ple̱t saꞌ xbe̱neb ut telajeꞌcamsi̱k riqꞌuin chꞌi̱chꞌ. Tenbileb chiru pec li cocꞌal nak teꞌcamsi̱k. Ut eb li yaj aj ixk jachbileb chi chꞌi̱chꞌ nak teꞌcamsi̱k.

Oseas 3:1

Ut li Ka̱cuaꞌ quia̱tinac cuiꞌchic cuiqꞌuin ut quixye cue: —Chara cuiꞌchic li ixk aꞌan, usta yo̱ chixmuxbal ru lix sumlajic. Ra aꞌan joꞌ nak ninraheb lin tenamit Israel la̱in, usta yo̱queb chixlokꞌoninquil li yi̱banbil dios ut nacuulac chiruheb xcuaꞌbal li caxlan cua yi̱banbil riqꞌuin chaki uvas, li mayejanbil chiruheb lix dioseb, chan li Ka̱cuaꞌ.

Isaías 52:5

Ut, ¿anakcuan cꞌaꞌru tinba̱nu? chan li Ka̱cuaꞌ. —Eb lin tenamit queꞌcꞌameꞌ Babilonia chi ma̱cꞌaꞌeb xma̱c. Ut eb li nequeꞌtaklan saꞌ xbe̱neb nequeꞌxrahobtesiheb. Ut rajlal nequeꞌxmajecua incꞌabaꞌ.

Éxodo 32:6

Joꞌ cuulajak chic queꞌcuulac ekꞌela ut queꞌmayejac ut queꞌxqꞌue ajcuiꞌ lix cꞌatbil mayej. Ut eb li tenamit queꞌcuaꞌac ut queꞌucꞌac ut quilajeꞌxba̱nu li moco uxc ta naraj.

Lamentaciones 2:18

La̱ex li cuanquex Jerusalén, cheya̱ba xcꞌabaꞌ li Ka̱cuaꞌ. Chi kꞌek chi cutan texya̱bak. Tꞌululnak xyaꞌal e̱ru. Chanchanak li nimaꞌ. Me̱canab ya̱bac. Me̱qꞌue chi hila̱nc li xnakꞌ e̱ru.

Oseas 8:2

Nequeꞌxye: —At Ka̱cuaꞌ, nakanau a̱cuu, la̱o aj Israel, chanqueb cue.

Oseas 13:6

Abanan nak xexcuulac saꞌ li cha̱bil chꞌochꞌ, cuan chic cꞌaꞌru e̱re ut xextzacan chi us. Xban nak tzꞌakal chic li cꞌaꞌru e̱re cuan, xenimobresi e̱rib ut incꞌaꞌ chic xine̱cꞌoxla.

Jeremías 12:2

La̱at xatsicꞌoc ruheb ut xacuosobtesiheb. Sa cuanqueb. Chanchaneb li cheꞌ qui-aueꞌ ut quixchap xxeꞌ. Quiniman ut quixqꞌue ru. Abanan eb li tenamit aꞌin nequeꞌxqꞌue a̱lokꞌal yal riqꞌuin xtzꞌu̱mal reheb. Moco anchaleb ta xchꞌo̱l nak nequeꞌxba̱nu.

Oseas 13:9

Anakcuan xex-osoꞌ, la̱ex aj Israel. La̱in raj tintenkꞌa̱nk e̱re, abanan la̱ex xine̱tzꞌekta̱na.